Скопје
Единствено што го интересира Пановски е паушалот од 500 евра за кој, за жал, не работи ништо, срамно е неговото однесување, велат од Град Скопје
																								
												
												
											Советникот од редовите на ЛДП, Никола Пановски, продолжува со срамното однесување на социјалните мрежи ставајќи се во улога на фејсбук-инфлуенсер наместо да си го заработи чесно паушалот од 500 евра за една седница месечно и да се занимава со она за што е избран во Советот на Град Скопје, реагираат од оваа институција.
Според Град Скопје, однесувањето на Пановски не прилега на советник, а уште помалку на професор, доктор и човек што треба да образова нови генерации.
„Во изминатите две години Пановски во Советот на Градот е безгласна буква, советник што нема предложено ниту еден амандман, а камоли некакво решение во интерес на скопјани, во интерес на оние што го гласале.
Единствено нешто што го интересира Пановски е паушалот од 500 евра за кој, за жал, не работи ништо имајќи ја предвид неговата неактивност како советник.
Што се однесува до клупите кои се исчезнати од кејот на Вардар, трагично е што Пановски коментира без соодветно да се информира за случајот кој е пријавен во полицијата и одговорот советникот треба да го бара токму од МВ“, се истакнува во реакцијата од Град Скопје.
Очигледно, како што додаваат, советникот Пановски нема храброст да го контактира својот помошник-министер во МВР, кој доаѓа токму од неговата партија ЛДП и да го запраша до каде е истрагата за случајот или ќе продолжи и натаму да соли памет на социјалните мрежи.
„Доколку не побара одговорност од својот партиски кадар на ЛДП, тој ќе ги потврди појавените сомнежи, кои иницираат прашање дали тој самиот е инволвиран во случајот за кражбата на клупи имајќи предвид колку е запознаен во детали за начинот на кој е оштетен имотот на граѓаните и на кој се исчезнати клупите од градскиот парк“, се потенцира во дописот од Град Скопје.
Никола Пановски на својот фејсбук-профил објави дека на кејот на реката Вардар исчезнале дури 29 клупи, а за тоа нема одговор од надлежните.
„Исчезнатите 29 нови клупи на кејот на Вардар во Градскиот парк, голема мистерија“, напиша, меѓу другото, Пановски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
																	
																															Македонија
Герасимовски: Во следните денови поставуваме мерачи за бучава на 30 локации
														Градоначалникот на Општина Центар Горан Герасимовски, на средбата со раководителите на сектори дискутираа за проектите што е предвидено да се реализираат во наредните четири години.
Тој најави дека, во месец ноември ќе се одржат буџетските форуми кадешто граѓаните се добредојдени да дадат што поголем број на идеи и предлози за развој на општината.
„Буџетските форуми поминаа искрено одлично со голема посетеност, но и заинтересираност од страна на жителите. Ноември месец се токму за нив. Добредојдени се граѓаните да ни дадат што поголем број на предлози и идеи за да ги ставиме во новата програма и ги преточиме во буџетот“, рече Герасимовски.
Герасимовски, истакна дека завршена е постапката за уредите за мерење на бучава.
„Предлагам истите да почнат што поскоро да се поставуваат. Ако можеме уште од оваа недела да се поставуваат на 30 локации, да видиме кои ни се оние ударни локации кадешто граѓаните најмногу се жалат за бучава во ноќните часови. Според бројот на пријави и поплаки од жителите и таму да се постават“, посочи Герасимовски.
На состанокот со вработените во општината, тие разговараа и за хортикултурното и партерно уредување на плочникот кај Зелен пазар. Тој, потенцираше дека на оваа локација улица нема да има, туку ќе се реконструира кошаркарското и детското игралиште, ќе има ново зеленило. Герасимовски, изјави дека ветувањето е дека до месец мај мора да се заврши.
Во однос на хигиената, Герасимовски порача дека хигиничарите се секојдневно на терен и ќе преземат се’ што треба за да нема смет по улиците.
„Гледаме дека градот почна, односно има ветувања дека ќе почне со расчистување на сметот, но ние нема да го чекаме градот, како и досега си продолжуваме. И од сабајле, и ги слушаме и ги гледаме нашите хигиеничари. Имавме доста проблеми викендов што не се чистеа подземните контејнери, па работеа и сабота и недела, но Центар мора да биде чист, нема да го чекаме градот, туку сами ќе се превземаме се што треба за да немаме смет по улиците“, додаде Герасимовски.
Македонија
Без струја делови од Сопиште, Петровец и Гази Баба
														Од ЕВН Македонија АД известуваат дека денеска без електрична енергија ќе останат:
· од 08.00 до 14.00 часот, дел од корисниците од дел од с.Долно Соње.(Општина Сопиште)
· од 08.30 до 11.30 часот, корисниците од с. Горно, Средно и Долно Коњари. (Општина Петровец)
· од 08.30 до 11.30 часот, корисниците од с. Чифлик. (Општина Сопиште)
· од 08.30 до 11.30 часот, корисниците од с. Катлановска Сушица. (Општина Петровец)
· од 09.00 до 12.00 часот, корисниците од ул. Вера Вучкова Жежељ, во нас. Хиподром. (Општина Гази Баба)
Македонија
Делови од пет скопски општини денеска без струја
														Од ЕВН Македонија АД известуваат дека денеска без електрична енергија ќе останат:
· од 08:00 до 14:00 часот, корисниците од дел од село Долно Лисиче. (Општина Аеродром)
· од 08:30 до 12:30 часот, корисниците од дел од ул. Димче Милошевски. (Општина Гази Баба)
· од 09:00 до 12:00 часот, корисниците од дел од ул. 1 во с. Сопиште. (Општина Сопиште)
· од 09:00 до 13:00 часот, корисниците од дел од ул. Димитар Мирсачев. (Општина Кисела Вода)
· од 09:00 до 15:00 часот, корисниците од објектите во околината на ул. Леринска бр. 3. (Општина Карпош)

