Скопје
Без струја и вода неколку скопски општини
Поради планирани прекини во електродистрибутивната мрежа без електрична енергија утре ќе бидат делови од општините Центар, Петровец, Чучер Сандево и Аеродром.
Според Регионалниот центар за управување со кризи, кој се повикува на информација од ЕВН, од 9 до 12 часот без струја ќе бидат жителите од улиците „Рилски Конгрес“, „Кајларска“, „Банско“, „Наум Охридски“ и „Востаничка“ во општина Центар.
Од 08:30 до 14:30 часот без струја ќе останат дел од Катланово, селото Брезница и селото Летевци во општина Петровец, а од 09 до 16 часот корисниците од населените места Кучевиште, Мирковци, Побожје, Бродец, Малино и Танушевци.
Без струја од 08:30 до 15 часот ќе бидат корисниците од улиците Ѓорге Андреевиќ,-Кун, Благоја Мучето, Димитар Благоев, Дете Татуличе, Тодор Чангов, Божидар Рајковиќ и дел од бул.12-та Македонска Бригада во општина Аеродром.
Од ЈП Водовод и канализација, пак, информираат дека поради дефект на приклучна цевка на улицата „Прашка 42“ во општина Карпош, од 9 часот прекинато водоснабдување ќе имаат корисниците од истата улица. Водоснабдувањето ќе биде прекинато до санација на дефектот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Делови од три скопски општини денеска без струја
Според добиеното известување од ЕВН Македонија, Регионалниот центар за управување со кризи информира дека поради реконструкција денеска без снабдување со електрична енергија ќе останат делови од три скопски општини.
Во периодот од 09:00 до 15:00 часот без напојување ќе останат корисниците на дел од село Долно Лисиче, реонот околу чаталот, ул.10 во општина Аеродром.
Во периодот од 10:30 до 14:30 часот без напојување ќе останат корисниците дел од улица 16, на патот кон Визбегово во општина Карпош.
Во периодот од 13:00 до 14:30 часот без напојување ќе останат објектите на градинката Росица, на улица Мечкин Камен, број 45А. во општина Ѓорче Петров.
Скопје
Уште 20 нови дигитални услуги на интернет-страницата на Општина Кисела Вода
Запишување на децата во градинка по електронски пат, пријава за инспекциски служби, поставување директни прашања до градоначалникот или до советниците се едни од 20 нови дигитални услуги што Општината Кисела Вода ги воведе денеска.
Овие услуги се достапни на новата општинска интернет-страница и со ова продолжува дигитализацијата на Општината почната пред речиси две години.
„Дигитализацијата на Општината претставува значаен чекор кон подобрување на транспарентноста, отвореноста и ефикасноста на локалната самоуправа. Воведувањето дигитални услуги овозможува значително олеснување на процедурите за граѓаните и бизнис-заедницата и истовремено го намалува ризикот од коруптивни дејства. Овие промени ја поставуваат основата за една модерна, ефективна и отворена општина, која е насочена кон потребите на своите граѓани“, изјави градоначалникот на Кисела Вода, Орце Ѓорѓиевски.
Со новите услуги ќе биде овозможено следење на системот на јавни набавки, плаќање на такси поврзани со Општината.
„Нема да има повеќе уписи преку врски во градинки. Родителот од дома ќе може да аплицира, да наведе за која градинка е заинтересиран и за неа да аплицира. Со тоа и ние како локална самоуправа точно ќе знаеме во секој момент колкав број деца има за упис, каде има потреба од отворање дополнителни капацитети. Преку апликациите ‘Прашај го градоначалникот’ и ‘Прашај го својот советник’ нашите жители ќе може да комуницираат во прво лице со лицата што ги избрале да ги решаваат нивните проблеми“, додаде Ѓорѓиевски.
Скопје
108 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територијата на град Скопје изречени се вкупно 108 мерки, меѓу кои девет мерки за возење без возачка дозвола, четири санкции за минување на затворен сигнал – црвено светло, седум мерки за користење мобилен телефон при возење, осум санкции за некористење на сигурносен појас…“, извести МВР.
Од таму додаваат дека сообраќајните контроли продолжуваат и во наредните денови.