Спорт
Игор Тудор се договорил со Лацио
Фудбаскиот клуб Лацио, во понеделникот остана без тренер, откако првиот човек Клаудио Лотито ја прифати оставката која ја поднесе Маурицио Сари. Викендов, против Фросиноне, Лацио ќе го предводи помошникот на Сари, Џовани Мартучиело.
Италијанските медиуми тврдат дека Игор Тудор ќе го преземе Лацио. Синоќа, во отсуство на неговиот менаџер Антонио Сериќ, Тудор наводно се сретнал со претседателот на Лацио и спортскиот директор Маријано Фабијани и ги договорил сите детали од договорот.
Се очекува Хрватот да потпише 18-месечен договор со опција за продолжување на уште една сезона.
Тудор треба да го преземе тимот на почетокот на следната недела. Лацио моментално е деветти во Серија А со 40 бодови од 28 натпревари, седум помалку од местата кои водат во Европа.
Игор Тудор е без работа од јуни минатата година кога го напушти Олимпик Марсеј. Претходно ги водеше Верона, Хајдук, Удинезе, Галатасарај, Карабукспор и ПАОК.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Нестварен пресврт на Келн, живи надежта за опстанок во Бундес лигата
Фудбалерите на Келн со се вртија по неагтивата од два гола против Унион Берлин и во пресрет на последното коло во Бундес лигата ги задржаа шансите да останат во лигата.
Унион, кој сезонава одигра солидно во групната фаза од Лигата на шампионите, одлично го започна натпреварот во Келн. По 19.минути игра гостите од престолнината имаа водство 0:2. Стрелци Кнохе во 15. и Фоланд во 19.минута од пенал.
До крајот на првиот дел, Кнајц ја намали предноста на Унион.
И во моментите кога некои навивачи веќе почнаа да го напуштаат стадионот, се појави трошка надеж, во 89. минута Тигес со глава погоди за 2:2., а во третата минута од судиското надополнување ерупција од воодушевување предизвика голот на Даунс.
Келн со 27 поени остана на претпоследното место, Унион е прв над цртата со 30 бода.
Лајпциг дефинитивно е во Лигата на шампионите, но се уште е неизвесно дали ќе биде на четвртото место. Таа позиција можеа да ја потврдат и против Вердер, но освоија бод пред своите гледачи – 1:1. Македонскиот репрезентативец Елмас настапи од 64.минута кога влезе на местото на Баумгартнер.
Резултати:
Фрајбург-Ханденхајм 1:1
Борусија Менхенгладбах-Ајнтрахт 1.1
Лајпциг-Вердер 1.1
Келн-Унион Белрин 2:3.
Спорт
УЕФА ќе го казни судијата кој Баерн го чинеше испаѓање од ЛШ
Полскиот судија Шимон Марчинијак, кој во реваншот од полуфиналето на Лигата на шампионите го оштети Баерн во судиското продолжение против Реал Мадрид, требаше да биде еден од клучните судии на УЕФА на претстојното Европско првенство, но поради оваа грешка го загуби тој статус, пишува „Дејли Мирор“.
Марчинијак, длабоко во судиското надополнување, ја прекина акцијата од која Де Лигт погоди за израмнување, со што натпреварот ќе влезеше во продолженија, иако протоколот предвидува дека линискиот судија треба да пушти акцијата да заврши, а потоа, доколку биде постигнат гол, ВАР собата да пресуди дали имало офсајд.
Судијата овде не го направи тоа и затоа играчите на Баерн и тренерот Томас Тухел целосно ги загубија нервите, а УЕФА е незадоволна и од одлуката на Марчинијак и неговиот помошник Томаш Лискиевич и им подготвува санкции.
Марчинијак судеше неколку големи натпревари, меѓу кои и финалето на Светското првенство во Катар, а тој требаше да го суди и воведниот натпревар на ЕП меѓу домаќинот Германија и Шкотска.
Според „Дејли Мирор“, УЕФА ќе му ја одземе таа чест.
Нејасно е дали казната ќе трае во текот на целото Европско првенство или Марчинијак ќе добие шанса во подоцнежна фаза од натпреварувањето.
Спорт
Селтик го доби „Олд Фирм“, бод го дели од шампионската титула
Селтик славеше на домашен терен во последниот „Олд Фирм“ оваа сезона и на тој начин речиси ја обезбеди титулата во Премиер лигата на Шкотска. Во вечното дерби, Селтик го победи најголемиот ривал Ренџерс со 2:1.
Селтик на две кола до крајот на сезоната еден бод го дели од шампионската титула.
Ренџерс долго време беа лидери во шкотската Премиер лига, но слабите резултати на последните три натпревари пред почетокот на плеј-офот ги спуштија на втората позиција.
Домашните поведоа во 35. минута преку О`Рајли, кој погоди по додавањето на Мек Грегор, а само три минути подоцна Селтик ја удвои предноста со автоголот на Лундстрам. Ренџер намалија на 2.1 во 40. минута преку Дезирс.
Лундстрам во втората минута од судиското надополнување на времето направи уште една глупост, доби црвен картон, поради што Ренџерс второто полувреме го одигра со фудбалер помалку.
Селтик веројатно можеше да реши се во 55. минута, но О`Рајли не искористи пенал.