Спорт
Скариоло ќе добие нов договор
Серџо Скариоло и шпанската кошаркарска репрезентација ја имаат една од најуспешните и најдолги соработки во историјата на спортот. Според информациите на „АС“, сработката ќе трае уште најмалку четири години, откако италијанскиот стратег и челниците на Шпанската кошаркарска асоцијација се договориле за продолжување на соработката.
Во својот прв мандат, Скариоло и донесе сребро на Шпанија на Олимписките игри во Лондон во 2012 година, додека во вториот, кој започна во 2015 година, ја направи Шпанија светска кошаркарска сила. Освоен е Мундобаскет 2019 во Кина, трето место на Олимписките игри во Рио 2016 година, а на Европските шампионати освои четири златни и еден бронзен медал.
Успешната серија на освојување медали на Скариоло ќе се обиде да продолжи и на претстојните Олимписки игри во Париз, но прво ќе треба да обезбеди виза за учество на најголемиот спортски настан.
Противниците како Либан и Ангола, односно Бахамите, Полска и Финска, не треба да бидат проблем за „Црвената фурија“.
Единствена пречка за останување на Скариоло на шпанската клупа би можела да биде промената на претседателот на Федерацијата, односно заминувањето на Елиса Агилар од таа функција, што е малку веројатно бидејќи „АС“ пишува дека таа најверојатно ќе биде единствениот кандидат во претседателски избори на 20 мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Во сообраќајна несреќа тешко повреден Бабнгида, брат му загина, сопругата и детето се во критична состојба
Поранешниот нигериски фудбалер Тијани Бабангида (50) имал тешка сообраќајна несреќа на автопатот во Нигерија, а во несреќата загинал неговиот три години помлад брат Ибрахим.
Тијани, неговата сопруга, син и куќна помошничка, кои исто така биле во автомобилот, со тешки повреди биле примени во болница.
Некои медиуми тврдат дека Тијани е свесен, а остатокот од семејството сѐ уште е во критична состојба, но закрепнува.
Тијани Бабангида беше репрезентативец на Нигерија од 1994 до 2004 година и играше на Светското првенство во 1998 година, а најголема трага во клупскиот фудбал остави во Ајакс во периодот од 1996 до 2003 година.
Тијани моментно е претседател на Здружението на професионалните фудбалери на Нигерија. Фудбал играше и трагично загинатиот Ибрахим. Најмногу играше за африкански клубови, но стигна и до холандски Волендам.
Спорт
Евролига: Прочида најдобар млад играч
Кошаркарот на Алба од Берлин, Габриеле Процида е прогласен за најдобар млад играч на Евролигата, објавено е на веб-страницата на елитното натпреварување.
Прочида е третиот Италијанец кој ја освоил престижната награда, по Андреа Барњани (2005/06) и Данило Галинари (2007/08).
Талентираниот кошаркар имаше голема конкуренција за наградата, особено од неговиот соиграч од Алба и сонародник Матео Спањоло.
Сепак, тој имаше поголема улога во тимот, поради што и го доби признанието кое го изгласаа тренерите на екипи во Евролигата.
Оваа сезона имаше просек од 8,3 поени, 1,6 скока и 1,4 украдени топки.
Сезонава 10 пати имаше двоцифрен учинок, а најдобра партија ја имаше против Макаби, кога мечот го заврши со 22 поени и три украдени топки.
Спорт
Дест се враќа во Барселона – ПСВ нема да го откупи неговиот договор
Сержињо Десет како позајмен од Барселона во ПСВ ја освои титулата во Холандија со клубот од Ајндховен. Сепак ПСВ нема да го откупи неговиот договор и покрај тоа што во клубот биле задоволни од неговите изданија. Причината е повредата на коленото од која репрезентативецот на САД се уште не се рехабилитирал.
Дест во јуни ќе се врати во Барселона каде ќе ја продолжи со рехабилитацијата по операцијата на коленото во Холандија.
Дест се пресели од Ајакс во Барселона во 2020 година, вкупно за Барселона одигра 72 натпревари и постигна три гола.
Тој минатата сезона замина на позајмица во Милан, незадоволен од својата минутажа во Барселона, а оваа сезона ја мина на позајмица во ПСВ.
Се очекува тој да се врати на терените на почетокот на 2025 година.