Во согласност со извештајот на акредитирана лабораторија „Техно лаб“ во Скопје, водата во Крива Река, по земените примероци, еден ден по хаваријата во рудникот Ораница е сериозно загадена и претставува опасност за животот и здравјето на луѓето долж течението на реката, но и на флората и фауната. Ова го истакна градоначалникот на Општина Крива Паланка, Сашко Митовски.

„Извештајот покажува неверојатно зголемени концентрации на штетни материи, а она што најмногу загрижува е десеткратното зголемено присуство и концентрација на тешки метали, поточно количината на олово во водата. Дополнително за неколку стотици пати е зголемена концентрацијата на цијанид, фосфор и азот во Крива Река“, рече градоначалникот.

Нагласи и дека како резултат на ова загадување загрозена е и почвата по текот на овие две реки, и на реката Пчиња, но и на земјоделските насади кои се наводнуваат од овие подрачја. Во ризик е ставено и здравјето на луѓето кои ќе ги консумираат овие зејоделски и сточарски производи, предупреди градоначалникот.

За ова загадување општината ќе бара и кривична одговорснот. Гo повикуваа јавниот обвинител итно да преземе мерки за сторителот на ова загадување, по повеќе точки од кривичниот законик.

ДУИ, по 22 години владеење и уништување на правосудниот систем, денес се обидува да глуми жртва, барајќи истрага само за трагедијата во Кочани, реагираат од „Вреди“, откако ДУИ побара ургентно формирање парламентарна комисија по трагедијата во Кочани.

Но, граѓаните, како што велат, не забораваат кој го создаде овој расипан систем.

„Кој ги штитеше криминалците? Кој ги претвори судовите и обвинителството во приватни партиски канцеларии?
„Вреди“ нема да дозволи вистината да се манипулира. Бараме анкетна комисија за сите трагедии од изминатите години – од Ласкарци, модуларната болница, Беса Транс, па сè до Кочани. Нема да дозволиме ДУИ да одлучува кои жртви заслужуваат правда, а кои треба да се заборават“, нагласуваат од коалцијата.

Порачуваат: Доста со манипулации. Граѓаните, според нив, знаат кој го создаде овој корумпиран систем и кој со години ја покриваше неправдата.

Вреди нагласува дека ќе продолжи да се бори за вистинска правда, а не за политички фарси на партија што веќе е минато.

Министерот за европски прашања Орхан Муртезани и амбасадорот и шеф на Делегацијата на Европската Унија во Република Северна Македонија, Михалис Рокас, одржаа заедничка прес-конференција на која ги презентираа главните аспекти од Планот за раст за Западен Балкан и Реформската агенда 2024-2027 за Северна Македонија.

Рокас ја нагласи силната поддршка од Европската Унија преку конкретни финансиски и стратешки мерки кои ќе овозможат забрзување на реформите, подобрување на социо-економските услови и приближување на Северна Македонија кон членството во ЕУ.

Муртезани се осврна на значењето на јасната, транспарентна и ефективна комуникација со граѓаните, претставувајќи го Планот за комуникација и видливост на Планот за раст за Западен Балкан и Реформската агенда 2024 – 2027 на Северна Македонија кој е наменет за зголемување на довербата во реформските процеси и поголема видливост на конкретните придобивки од евроинтегративниот процес.

Преку овој План, граѓаните, рече Муртезани, ќе можат јасно да ги согледаат конкретните резултати и ефекти на реформите – од подобрување на деловното окружување и отворање нови работни места, до поголема економска конкурентност и зајакнати демократски институции.

Оценува дека на овој начин, Планот не само што ќе ја зголеми видливоста на активностите што ги реализираме со помош на ЕУ, туку и ќе ја засили довербата на граѓаните во реформскиот процес и во самата европска иднина на нашата држава.

Според него, тој е политичка порака дека Северна Македонија сериозно и одговорно чекори напред кон својата европска иднина.

Има три јасни и важни столбови, нагласи министерот.

Првиот е лесниот пристап до јасни и точни информации. За таа цел, ќе креираме специјализирана онлајн платформа, која ќе биде централна точка за следење на сите активности, напредок и резултати од реформите. Оваа платформа ќе обезбедува транспарентност и ќе овозможи директна комуникација помеѓу институциите и јавноста.

Вториот елемент е активното вклучување на граѓаните и сите релевантни засегнати страни во процесот на реформите. Преку јавни настани, дискусии и медиумски кампањи, ќе овозможиме двонасочна комуникација што ќе поттикне отворен дијалог и ќе изгради силно партнерство меѓу институциите и граѓаните.

Третиот столб е препознатливоста и конзистентноста во комуникацијата преку единствен визуелен идентитет. Со развој на јасно лого, шема на бои и визуелен бренд, ќе обезбедиме дека секоја активност поврзана со реформите и Планот за раст е лесно препознатлива и ја носи пораката за нашите заеднички европски вредности и цели.