Македонија
Првоодделенци од Илинден со цртежи и рачни изработки го одбележаа Светскиот ден на водата
Со мотото „Вода за мир“, денеска, во општина Илинден беше одбележан Светскиот ден на водата, 22 март, кој е прогласен според календарот на Обединетите нации.
Градоначалникот на општина Илинден, Александар Георгиевски, заедно со претставници од ЈКП „Водовод“ го посети новото општинско основно училиште „Гоце Делчев“ во Илинден, каде што се одржа настан со дечињата од прво одделение. Заедно донесоа заклучоци за важноста на водата во човековиот живот.
„Некои од заклучоците се дека треба да ја вреднуваме водата, како и да работиме сите заедно за одржливо управување со овој скапоцен ресурс. Водата е основата за постоењето живот на планетата Земја, а чистата вода за пиење и за одржување на хигиената е неопходна за одржување на животот и здравјето на целиот жив свет. Водата е во основата на одржливиот развој и клучот за социо-економскиот развој, здравите екосистеми и за самиот опстанок на човекот. Тоа е од витално значење за намалување на глобалното оптоварување со болести и подобрување на здравјето, благосостојба и продуктивноста на населението“, соопшти Општина Илинден.
Учениците цртаа и разговараа на теми за водата и му подарија на градоначалникот некои од рачните изработки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одбележување на 9 Мај, Денот на победата над фашизмот и Денот на Европа
По повод Денот на победата над фашизмот и Денот на Европа, денеска Владата на Република Северна Македонија свечено ќе ги одбележи овие два значајни празника.
Во 11:00 часот, владина делегација предводена од Ристо Пенов, министер за локална самоуправа и Викторија Аврамовска Мадиќ, заменик – министер за правда, ќе положат свежо цвеќе на Партизанските гробишта Бутел, Скопје.
Во 12:00 часот, владина делегација предводена од Талат Џафери, претседател на Владата на Република Северна Македонија, Ристо Пенов, министер за локална самоуправа и Викторија Аврамовска Мадиќ, заменик – министер за правда, ќе положат свежо цвеќе пред Споменикот „Ослободители на Скопје“ на платото пред Владата на Република Северна Македонија.
Македонија
ЦУК апелира на внимателност при појава на силни електрични празнења, засилен ветер и појава на град, најавени за попладне
Метеоролозите најавија дека денеска, особено попладне, ќе има локална појава на метеоролошка нестабилност, со локално пороен дожд, грмежи, силни електрични празнења, засилен ветер и појава на град.
ЦУК апелира на голема внимателност при појавата на локалните нагли метео промени и особена внимателност при грмежите и молњите, односно при силните електрични празнења, да не се престојува на отворен простор и под осамени дрвја.
Сите итни случаи, како што додаваат од центарот, се пријавуваат на единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е потребно и е корисно да се следат препораките и информациите од медиумите за превенција, а и за реагирање при итни случаи.
Македонија
Пожар на железничката станица во Гевгелија: се запалила локомотива од воз
Центарот за управување со кризи (ЦУК) информира дека во последното деноноќие бил евидентиран еден пожар на отворено вчера во Охрид а во Гевгелија синоќа имало еден невообичаен пожар на железничката станица во Гевгелија.
Конкретно, Регионалниот ЦУК Охрид , известува дека пожарникарите од ТППЕ Охрид, од 11.10 до 12.10 часот, со 2 пожарникара и 1 ПП возило, гаснеле запалено стрниште во с.Рамне.
Регионалниот ЦУК Струмица известува дека пожарникарите од ТППЕ Гевгелија со едно ПП возила и два пожарникара од 00.30 до 01.07 часот имале интервенција за гаснење на запалено влечно возило – локомотива од воз, на железничката станица во Гевгелија, при што нема повредени лица.
Пожарот е целосно изгаснат. Штетата дополнително ќе се утврдува, појаснуваат од ЦУК.