Македонија
Бојмацалиев: Вложени 12.800.000 денари во европски работни услови во ОВР Ресен, постигната ефикасност од 44 отсто
Дополнителниот заменик-министер за внатрешни работи, Митко Бојмацалиев, заедно со директорот на Бирото за јавна безбедност, Сашо Тасевски, беше во работна посета на Ресен, каде што оствари средби со раководствата на ОВР Ресен и полициските станици за граничен надзор Маркова Нога и Стење во рамките на серијата посети што ги реализира во сите сектори во земјата како би се запознале одблиску со постигнатите резултати и секојдневните работни активности, но и со евентуалните проблеми во рамките на работниот процес.
Бојмацалиев потенцира дека со инвестирани 12.800.000 денари објектот на ОВР Ресен е дел од планот за квалитативно подобрување на условите за работа на полициските службеници, со што во континуитет се докажува дека концептот задоволна полиција безбедни граѓани носи високи резултати.
Од страна на раководството на ОВР Ресен, Бојмацалиев и Тасевски беа брифирани за постигнатите резултати на оваа организациска единица, при што таа беше оценета како поволна и без поголеми нарушувања на ЈРМ.
„Од вкупниот број регистрирани кривични дела во 2023 година, со непознат сторител пријавени се 25, односно 20 %. Од делата пријавени со непознат сторител расветлени се 11 кривични дела, со што е постигната ефикасност во расветлување од 44 % на годишно ниво“, информираше Бојмацалиев додавајќи дека во текот на извештајниот период е расветлено и едно дело од 2021 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денеска во „Скопје сити мол“ информативен штанд за едукација за превенција од рак на дојка
Во рамки на националната кампања на Министерството за здравство под мотото „Октомвриски розов караван – превенцијата е најдобра заштита“ денеска во „Скопје сити мол“ ќе биде поставен информативен штанд и посетителите ќе имаат можност да се информираат за тековните активности за превенција и лекување на рак на дојка.
Според програмата, денеска во 13:00 часот ќе се одржи централна трибина во „Синеплекс“, „Скопје сити мол“, каде панелисти ќе бидат членови на Националната комисија за скрининг на рак на дојка.
Кампањата се спроведува со поддршка од СЗО, УНФПА, Град Скопје, Здружение за помош и поддршка на пациенти со гинеколошки заболувања „Фемина М“, Националната опера и балет, Факултетот за музичка уметност-Скопје и општествено одговорните компании „Скопје сити мол“ и „Синеплекс“.
Министерството за здравство на 16 овој месец ја почна националната кампања под мотото „Октомвриски розов караван – превенцијата е најдобра заштита“ со цел подигнување на свесноста за рано откривање рак на дојка.
Македонија
Стрелките на часовникот ноќеска се враќаат еден час назад
Од ноќеска во три часот по полноќ почнува зимското сметање на времето со кое стрелките од часовникот ќе се вратат еден час назад. Зимското сметање на времето почнува секој последен викенд во октомври и трае до последниот викенд во март следната година, кога повторно настапува летното сметање на времето.
Сезонското менување на времето, освен во Европа, се применува и во повеќето земји од Северна и Централна Америка, како и во повеќе други држави во светот. Времето не се менува во Јапонија, Кина, Јужна Кореја, ниту во земјите од африканскиот континент.
Македонија
Утрата студени, преку ден сончево
Времето денес наутро ќе биде ведро и студено со услови за појава на магла по одделни котлини, а преку денот сончево со мала локална облачност. Ќе дува слаб до умерен ветер од југоисточен правец. Минималната температура ќе биде во интервал од -1 до 7, а максималната ќе достигне од 19 до 24 степени.
Во Скопје утрото студено, преку денот сончево со мала облачност. Ќе дува слаб ветер од јужен правец. Минималната температура ќе се спушти до 6, а максималната ќе достигне до 23 степени.
Од УХМР соопштија дека продолжува периодот на стабилно време со студени утра и со услови за појава на утринска магла или ниска облачност по одделни котлини. Дневната температура ќе биде без значителни промени.