Спорт
Бараж финалиња – Кој ќе ги земе последните три карти за ЕУРО 2024?
Вечерва ќе ќе ги дознаеме последните три репрезентации кои ќе учествуваат на Европското првенство во Германија од 14. јуни до 14.јули. На програмата се финалните натпревари во баражите, преку Лигата на нации.
Историјата на грузискиот фудбал може да се испише на стадионот „Борис Паичадзе“ во Тбилиси. Во претходниот циклус, Грузија токуму на овој терен не успеа да ја победи Македонија.
Репрезентацијата која од клупата ја предводи поранешниот европски првак со Франција, Вили Сањол, за првпат има шанса да се пласира на едно големо натпреварување. Грузија никогаш не се радувала на голем резултат, но сега имаат историска шанса.
Грузијците лесно го совладаа Луксембург во полуфиналето од плеј-офот со резултат 2:0 и полни со самодоверба влегуваат во овој историски меч, кој актуелната генерација грузиски фудбалери може да ја запиште со златни букви во историјата на тамошниот фудбал. .
Грузија ќе ја пречека Грција.
Европските шампиони од 2004 година значително го подигнаа своето ниво на игра и откако пропуштија неколку големи натпреварувања, имаат намера да се вратат на завршните турнири.
Добро одигра и Грција во квалификациите каде беше конкурент до последното коло, но сепак покрај фудбалските велесили Франција и Холандија не можеше да стигне подалеку од третото место. Сепак тие имаат шанса преку баражот во Лигата на нации.
Од 2012 година не биле на големо натпреварување и сега е одлична можност да заминат во Германија. Рутински го елиминираа Казахстан со 5:0 на стадионот на АЕК.
Победникот од овој двомеч на ЕУРО ќе биде во група со Турција, Португалија и Чешка.
Украина по неуспехот во баражот за Светското првенство во Катар, каде беше поразена од Велс, нема намера да пропушти уште едно големо натпреварување.
Избраниците на Сергеј Ребров направија голем пресврт и остварија неверојатна победа во Зеница против Босна и Херцеговина во полуфиналето од плеј-офот, кое го добија со 2:1.
Украина беше блиску до пласман на ЕП и преку групата, но Италија имаше подобар меѓусебен скор.
Од познати причини овој натпревар се игра во Полска на арената „Тарзински“ во Вроцлав.
Ривал на Украинците ќе биде селекцијата на Исланд.
Оваа репрезентација исчезна од радарот по неверојатните резултати кои ги постигна на ЕП во 2016, кога ги елиминираа Англичаните и стигнаа до четвртфиналето, а потоа се пласираа на Светското првенство во Русија во 2018 година.
Победникот од овој натпревар на ЕУРО 2024 ќе игра во групата со Е каде се наоѓаат Белгија, Романија и Словачка.
Репрезентацијата на Велс на стадионот во Кардиф има шанса да го продолжи континуитетот на настапи на големите натпреварувања.
Велс полесно од очекувањата ја совлада Финска (4:1) во полуфиналето од плеј-офот пред повеќе од 32.000 навивачи.
Велс двапати играше на ЕП и двата пати ја мина групата. Во Франција во 2016 година постигнаа историски успех кога играа во полуфиналето.
Противник во финалето ќе им биде Полска. Полјаците одиграа лошо во квалификациите, поради што Фернандо Сантош доби отказ, на негово место пристигна Михал Пробиерз.
Во релативно лесна група, Полјаците беа само трети, а пред нив беа Албанија и Чешка, што е голем неуспех за репрезентација која во својот состав има Роберт Левандовски.
До завршниот меч за пласман на ЕП дојдоа со убедливата победа од 5:1 над Естонија.
Победникот од дуелот во Кардиф ќе игра во групата Д во која се Франција, Холандија и Австрија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барселона бара 100 милиони евра за Араухо
Претседателот на Барселона, Џоан лапорта, наводно е подготвен да го продаде Роналдо Араухо.
На Каталонците очајно им требаат пари од продажба на играчи за да се засилат во летниот преоден рок, а Френки де Јонг по којзнае кој пат одбива да го напушти клубот.
Барселона е подготвена да го продаде Рафиња, но заминувањето на Бразилецот нема да биде доволно за да се обезбедат дополнителни пари за трансфери.
Наводно, одлуката да биде продаден Араухо, била донесена бидејќи од неговата продажба клубот може да инкасира околу 100 милиони евра. Голем интерес во јануарскиот преоден рок за Араухо покажа Баерн Минхен. Тогаш баварците нуде 70 милиони евра за Уругваецот.
Од евентуалните продажби на Араухо и Рафиња, Барселона планира да заработи помеѓу 150 и 180 милиони евра.
Тогаш клубот може да почне да ги реализира плановите на тренерот Чави, односно да се насочи кон трансферите на Нико Вилијамс од Атлетик Билбао и фудбалерите на Лајпциг Дани Олмо и Чави Симонс.
Во одбраната, никој не би го заменил Араухо, бидејќи наводно клубот верува дека таа позиција е добро покриена кога Жил Кунде ќе се врати во срцето на одбраната, заедно со Кристенсен, Кубарси, Иниго Мартинез и повратникот Ерик Гарсија.
Спорт
Јокиќ: Петтиот натпревар ќе биде најтежок во нашите животи
Денвер Нагетс ја вратија предноста на домашниот терен, во серијата со Минесота, откако го добија и вториот натпревар во Минеаполис.
Петтиот меч се игра во Денвер, во среда од 4:40 часот по македонско време.
Актуелниот МВП, Никола Јокиќ блескаше во четвртиот натпревар со 35 поени и по седум скока и асистенции. Голема помош, Јокиќ доби од Арон Гордон, кој мечот го заврши со 27 поени.
На прашањето дали моментумот сега е на страната на Нагетс, Јокиќ одговари:
„Да и не, знаеме дека сè уште ништо не сме направиле. Знаеме дека петтиот натпревар ќе биде најтешкиот натпревар во нашите животи, па ќе се подготвиме соодветно. Уште пред да започне серијата мислев дека ќе биде интересна серија. Во првите два натпревари не натераа да играме брзо, не ја игравме нашата игра, а сега си го вративме ритамот“.
Спорт
РФМ: Благодарност до македонската ракометна јавност
Ракометната федерација на Македонија упатува голема благодарност до сите што безрезервно ѝ дадоа поддршка на машката македонска сениорска репрезентација во спортскиот центар „Борис Трајковски“ за победата против селекцијата на Фарските Острови, дополнително благодарност и до сите што го следеа натпреварот и ги бодреа нашите ракометари пред малите екрани.
„Во рамките на своите програмски определби, Ракометната федерација на Македонија како приоритет број еден ги има промоцијата и унапредувањето на македонскиот ракометен спорт во меѓународни рамки. Во текот на репрезентативните квалификациски циклуси/баражи и утврдени натпреварувачки системи од EHF/IHF во машка и во женска конкуренција за сите возрасни категории, националните селекции обезбедија учество на следните завршни турнири на континентално и на мундијално ниво:
1. Женска сениорска репрезентација – ЕП 2024 (Австрија, Унгарија, Швајцарија) 28.11.2024-15.12.2024
2. Машка сениорска ракометна репрезентација – СП 2025 (Хрватска, Данска, Норвешка) 14.01.2025 – 02.02.2025
3. Женска младинска ракометна репрезентација – СП 2024 (Македонија) 19.06.2024-30.06.2024
4. Машка младинска ракометна репрезентација – ЕП 2024 (Словенија) 10.07.2024- 21.07.2024
5. Машка кадетска ракометна репрезентација – ЕП 2024 (Црна Гора) 07.08.2024- 18.08.2024
Честитки до сите ракометари и ракометарки и до членовите на стручните штабови на сите македонски ракометни селекции! Вие сте наша гордост!!! Со почит. Ракометна федерација на Македонија“, стои во објавата на РФМ.