Македонија
По етничка основа и без никаква реална потреба, МОН продолжува со сегрегација на учениците во велешката гимназија, реагираат од училиштето
![](https://makfax.com.mk/wp-content/uploads/2020/08/Screen-Shot-2020-08-26-at-11.40.30-AM.png)
Министерството за образование и наука продолжува со сегрегација на учениците во велешката гимназија, единствено по етничка основа и без никаква реална потреба, реагираат од велешката гимназија „Кочо Рацин“.
Од таму велат дека спротивно на анализите на СОУ „Гимназија Кочо Рацин“ од Велес за реалните потреби и доставениот предлог-план за упис на ученици во прва година во учебната 2024/2025 година, МОН предлага укинување на една паралелка на наставен македонски јазик, со што директно им го скратува правото на учениците деветтоодделенци кои следат настава на македонски јазик. Ваквиот предлог доаѓа со цел продолжување на минатогодишното кршење на наставниот процес исклучиво по етничка основа за политички цели од политички фактори од албанска националност.
„Имено, на 29.3.2024 година беше објавен конкурсот за запишување ученици во јавните средни училишта за учебната 2024/2025 година во РС Македонија, во кој министерот Јетон Шаќири како потписник на спорниот конкурс предлага отворање втора албанска паралелка за сметка на укинатата македонска, иако податоците говорат дека нема реална потреба за тоа.
Во гимназијата последователно во претходните учебни години се пријавуваат од 25 до 30 ученици за настава на албански наставен јазик, од кои критериумите за упис во прва година (60 поени) ги исполнуваат од 12 до 22 ученици. Во учебната 2020/2021 се запишале 22 ученика, 2021/2022 – 15 ученика, 2022/2023 – 17 ученика, а во учебната 2023/2024 година се запишале 31 ученик, од кои само 20 го исполнуваа условот од 60 поени, а другите се запишаа по указ на министерот, со што се нанесе неправда кон учениците деветтооделенци, кои наставата ја завршија на македонски наставен јазик, конкурираа, но им беше скратено правото на упис со помалку од 60 поени.
Од погоре наведената статистика јасно забележливи е дека нема потреба од втора албанска паралелка, уште помалку од директна интервенција од страна на министерот Шаќири за спуштање на критериумите единствено по етничка основа бидејќи токму овие ученици во текот на годината постигнуваат слаби резултати со евидентирани негативни оцени (ова да се илустрира со оценките на овие 11 ученици наспроти другите 20 од албанската паралека), со што тенденциозно се прави удар и врз реномето на најстарата гимназија во Македонија, која се наоѓа на врвот на образовните институции во земјата“, пишуваат во информацијата од гимназијата.
Во напишаното појаснуваат дека СОУ „Гимназија Кочо Рацин“ од Велес има вековна педагошка и културно-просветителска традиција во градот, постојано вложувајќи се во младите за градење напредни генерации. Во таа насока, во доставениот предлог-план од наша страна првпат е предвидена една билигвална паралелка, која ќе биде поле за натпревар на најдобрите, без разлика на кој наставен јазик (македонски или албански) ја следеле наставата во основното образование.
„Следствено на ова, сметаме дека во објавениот конкурс е нанесена неправда и е неприфатливо решение поради што наставничкиот совет на гимназијата донесе одлука за исправка и усогласување на конкурсот за запишување ученици во јавните средни училишта за учебната 2024/2025 година во РС Македонија и усогласување со предлог-планот за упис на ученици во учебната 2024/2025 во прва година до МОН преку градоначалникот на општина Велес, односно во прва година во СОУ „Гимназија Кочо Рацин“ – Велес да се запишат 204 ученици во 6 паралелки, и тоа:
– 4 паралелки со изведување настава на македонски јазик или 136 ученици со минимум 60 поени;
– 1 билингвална (македонско-англиска) паралелка или 34 ученици со минимум 60 поени;
– 1 паралелка со изведување настава на јазикот на заедницата – албански јазик или 34 ученика со минимум 60 поени“.
Со цел заштита на интересите на учениците, наставниците и велешката јавност, информираат дека гимназијата се обратила писмено до МОН по ова прашање и се надеваат дека ќе преовлада разумот наспроти верската, националната или етничката припадност.
„Со меѓусебно разбирање и усогласување со реалните потреби директно ќе влијаеме на образување и воспитување ученици, идни млади поколенија, кои ќе ја развиваат државата во духот на заедништвото и еднакви можности за сите“, нагласуваат од Гимназијата „Кочо Рацин“ во Велес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.