Регион
Во Косово почна пописот на населението
Пописот на населението, домаќинствата и становите во Косово почна денеска и се очекува да трае до 17 мај.
Тоа е прв попис на населението во Косово од 2011 година.
Агенцијата за статистика на Косово (АСК) на својата веб-страница објави дека од 5 до 10 април нејзините вработени ќе ги посетат домовите на голем број граѓани за да делат материјали, како летоци, информативни писма и известувања за областите за регистрација.
Во тој период ќе се разговара со некои домаќинства.
Како што рекоа од Агенцијата за статистика, генералното пријавување треба да почне на 10 април.
Во меѓувреме, на денот на почетокот на пописот на средбата на премиерот на Косово, Аљбин Курти, со градоначалниците на општините, беа упатени критики дека процесот не е добро подготвен.
Во некои општини, како Призрен, регистрацијата нема да почне пред понеделник бидејќи се потребни дополнителни подготовки.
Претходно, беше најавено дека граѓаните ќе пополнат седум прашалници, меѓу кои и оној за штетите предизвикани за време на конфликтот во 1998 и 1999 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.