Спорт
(Видео) Арсенал победи во Брајтон
Фудбалерите на Арсенал ја забележаа 22. победа оваа сезонава. Избраниците на Микел Артета славеа на гостувањето кај Брајтон во натпреварот од 31. коло 3:0, па ќе преноќат на првото место на табелата, а ќе останат таму доколку Ливерпул утре не го победи Манчестер јунајтед.
„Топчиите“ поведоа во 33 минута од пенал. Букајо Сака беше сигурен и прецизен. На пеналот му претходеше фаул направен од Тари Лампти врз Габриел Жесус.
Во самиот финиш на полувремето, Брајтон сериозно, но Раја беше сигурен.
Арсенал не се откажа од нападот ниту во остатокот од натпреварот. И тоа вроди со плод во 62. минута, кога додавањето на Жоргињо во гол го претвори Каи Хаверц.
Победата на Арсенал ја потврди Леандро Тросар во 86. минута. Овој пат Хаверц беше во улога на асистент.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Дедовците“ Пепе и Роналдо се најстарите фудбалери на ЕУРО 2024
Двајцата највозрасни играчи на овогодинешното Европско првенство во Германија доаѓаат од Португалија.
За шампионите од 2016 година игра Пепе, кој на 26 февруари наполни 41 година. Дефанзивецот на Порто повторно го најде своето место во националниот тим.
Второто место на листата на најстари му припаѓа уште еден Португалец, Кристијано Роналдо, кој на 2 мај го прослави својот 39-ти роденден. За Роналдо ова е шесто последователно континентално првенство во кое учествува.
Лука Модриќ е малку помлад од Роналдо. Хрватскиот репрезентативец на 9 септември ќе наполни 39 години.
На листата на десет најстари се и: Шпанецот Хесус Навас (роден 21.11.1985), Грузиецот Гиорги Лорија (27.01.1986), Германецот Мануел Нојер (27.03.1986), Французинот Оливие Жиру (30.09.1986), Словакот Петер Пекарик (30.10.1986), Данецот Каспер Шмајхел (11.05.1986) и Словакот Јурај Куцка (26.02.1987).
Европското првенство започнува вечерва со натпреварот меѓу Германија и Шкотска од 21 часот.
Спорт
Барселона има нов тренер
Шпанскиот кошаркарски стручњак Жоан Пењароја ќе го преземе тимот на Барселона.
Според шпанските медиуми, Пењароја договорил двегодишна соработка со Каталонците.
Барселона, под водство на Роџер Гримау имаше скромна сезона, во Евролигата испаднаа во Топ 8 фазата од натпреварувањето кога пред своите гледачи го загубија петтиот меч од Олимпијакос, а во шпанската АЦБ лига беа убедливо поразени од Реал Мадрид во полуфиналето.
Се шпекулираше дека Димитрис Итудис би можел да го замени Гримау, но челниците на Барселона се одлучија за Жоан Пењароја.
Пењароја го привлече вниманието како тренер на Валенсија, минатата сезона бележеше добри резултати со Басконија, но на почетокот на оваа по серијата лоши резултати во Евролигата доби отказ.
Јасно е дека клупата на Барселона ќе биде најголемиот предизвик во неговата досегашна кариера.
Спорт
По Терзиќ и Хумелс ја напушти Борусија
Матс Хумелс (35) како слободен играч ќе го напушти Дортмунд. Ветеранот нема да го продолжи договорот со клубот. Борусија за нешто повеќе од 24 часа остана без тренер и без најважниот играч во одбраната.
Да потсетиме, Един Терзиќ вчера поднесе оставка, а денеска Хумелс реши да си замине.
Изминатите недели тренерот и дефанзивецот имале жестоки расправии и несогласувања. Дури Хумелс му постави ултиматум на клубот, дека ќе замине доколку Терзиќ остане на тренерската функција.
Бо откако Терзиќ вчера доцна попладнето спогодбено се раздели со клубот, Дортмунд реши да го напушти и Хумелс.
Германскиот стопер во три мандати го носеше дресот на Борусија. За прв пат во сезоната 2008/2009. како позајмен играч од Баерн. Потоа во 2009 година трајно се пресели во Борусија и во Дортмунд остана во следните седум години. Од 2016 до 2019 година играше за Баерн, а од 2019 година повторно стана играч на Борусија.
За „милионерите“ одигра 508 натпревари, постигна 38 гола и забележа 23 асистенции. Сезонава постигна четири гола на 40 натпревари.