Регион
Прокурдските активисти во Истанбул против пучистите и вонредната состојба
Неколку илјади прокурдски активисти се собраа во Истанбул во саботата вечерта за да го изразат противењето кон почистите, но и кон вонредната состојба којашто ја прогласи турскиот претседател Реџеп Тајип Ердоган по неуспешниот обид за воен преврат.
Демонстрантите се собраа на повикот на главната прокурдска Народна демократска партија (HDP) во северниот истанбулски кварт извикувјаќи „Не за пучистите“.
„Не сакаме воен удар во земјата“, изјавила за AFP триесетгодишната Латифа, приврзаничка на HDP, додавајќи дека „Политиката на Ердоган не оди во прилог на демократијата“. „Ние сакаме демократија, но не неговата“, порачала.
„Да се бориш против пучот е праведно, легитимно и оправдан. Меѓутоа, мерките кои се преземени само ќе го отворат патот за уште поголема неправда“, смета претседателот на локалниот огранок на HDP и адвокат Селахатин Демирташ, еден од учесниците на протестот.
Турскиот претседател Реџеп Тајип Ердоган прогласи во средата тримесечна вонредна состојба на територијата на цела Турција, уверувајќи дека тоа ќе им овозможи на властите брза и ефикасна акција против одговорните за неуспешниот обид за пуч од ноќта на 15-ти јули.
Таа мерка беше „неопходна за брзо искоренување на сите елементи на терористичката организација вмешани во обидот за пуч“, рече Ердоган алудирајќи на мрежата на исламскиот проповедник Фетулах Ѓулен кого го обвини дека го поттикнувал пучот. Ѓулен, кој од 1999 година е во доброволен егзил во САД, ја негира својата вмешаноста во овие настани./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.