Свет
Аналитичари: Признавањето на Палестина е петти бран од цунамито што го погоди Израел и има домино-ефект
![](https://makfax.com.mk/wp-content/uploads/2024/05/spanski-studenti-protest-palestina.jpg)
Политичките аналитичари едногласно се согласија дека немаше да има признавање на државата Палестина од трите европски земји да не беа непоколебливоста и отпорот на палестинскиот народ, а некои го опишаа како петти бран од цунамито што го погоди Израел од 7 октомври минатата година.
Според генералниот секретар на Палестинската национална иницијатива (ПНИ), Мустафа Баргути, норвешкото, шпанското и ирското признавање на Палестина е одраз на она што се случува на глобалната улица, а неговата вредност лежи во фактот што палестинската земјa е под окупација и сите израелски мерки на неа, како што е насилното присвојување на земјиштето во Ерусалим и на Западниот Брег, немаат никаква вредност.
Тој изрази надеж дека ќе се зголеми меѓународниот притисок за запирање на геноцидот во Газа опишувајќи ја позицијата на Соединетите Американски Држави за признавањето на Палестина како лицемерна бидејќи разбираат дека Израел одбива да седне на преговарачка маса.
Тој очекува светот да се движи кон целосна меѓународна поларизација, во која Израел и Америка ќе бидат на едната страна. Тој посочува дека секоја спротивна изјава на САД е покритие за вистинската позиција на Вашингтон, со оглед на неговата поддршка за израелската воена операција во Рафа во јужниот дел на Појасот Газа.
Баргути смета дека европското признавање е втор удар за Израел во рок од 48 часа по барањето на Меѓународниот кривичен суд за налог за апсење на премиерот Бенјамин Нетанјаху и неговиот министер за одбрана, Јоав Галант.
Тој ја нагласи потребата да се комбинира палестинската непоколебливост на теренот и да се мобилизира народната солидарност во целиот свет и изрази уверување дека следниот удар за Израел ќе биде голема и сеопфатна ескалација на бојкотите и воведување санкции против Израел.
Раид Наират, професор по политички науки на палестинскиот Универзитет „Ан-Наџа“, рече дека европското признавање на Палестина е нов бран цунами за Израел, што следуваше на 7 октомври, покрај протестите на меѓународните универзитети, одлуката на Обединетите нации, Генералноto собрание и тужби пред меѓународните судови и кривичните судови.
Има три важни димензии на ова признание, вели Наират. Првата е дека доаѓа од Норвешка, која го водеше мировниот процес меѓу Палестинците и Израелците, па неговото признавање се смета за камен-темелник, а овој чекор укажува на целосен неуспех на израелската политика.
Признавањето исто така го означува вознемиреноста на израелската политичка елита кога Тел Авив вели дека ќе воведе санкции за земјите што ја признаваат Палестина, што е сосема спротивно од реалноста.
Членот на ирскиот парламент, Ричард Бојд Барет, се надева дека признавањето на Палестина ќе го зголеми притисокот врз европските влади да се откажат од нивната неморална поддршка за Израел, што се рефлектира во неговото вооружување и обезбедување економска помош, како и други форми на поддршка, поради нејзините политики на апартхејд и етничко чистење.
Според Барет, признавањето дошло поради отпорот на палестинскиот народ кон окупацијата и поради народниот гнев и протестите во Ирска и европските земји, кои бараат поддршка за Палестинците.
Тој ја нагласи потребата од воведување санкции кон Израел од Ирска и европските земји и покрај тоа што Тел Авив тврди дека ќе возврати бидејќи врши злосторства. Тоа укажува дека санкциите мора да бидат реални, а не симболични, како што е прекинот на трговските и дипломатските односи.
Ирскиот парламент очекува дека на Норвешка, Шпанија и на Ирска ќе им се придружат и други европски земји, како Малта, Словенија и Кипар, поради зголемениот притисок на јавноста. Тој изразува надеж дека ефектот од признавањето ќе биде домино-ефект, дека ќе биде придружен со санкции и мерки против Израел, со цел да се изолира економски, политички и дипломатски, сметајќи го за одговорен за геноцид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Нетанјаху доби предупредување од комисијата што го истражува купувањето на подморници од страна на владата
![](https://makfax.com.mk/wp-content/uploads/2024/01/netanjahu.jpg)
Израелската комисија, која спроведе истрага за сомневањата дека имало злоупотреби при владината набавка на подморници и ракетни бродови од Германија, денеска упати предупредување до израелскиот премиер Бенјамин Нетанјаху дека ја искористил својата позиција за да ја одобри набавката без да ја следи пропишанота постапка.
Комисијата го информираше Нетанјаху дека, врз основа на собраните докази досега, утврдила дека тој ја искористил својата позиција како премиер помеѓу 2009 и 2016 година за да добие „зелено светло“ за купување без да следи соодветна процедура, објави Ројтерс.
Израелскиот премиер Бенјамин Нетанјаху денеска изјави дека набавката на подморници од Германија е клучно прашање за безбедноста на Израел со цел да се одбрани од Иран, кој, како што наведе, се обидува да ја уништи еврејската држава.
Регион
Во Грција од почетокот на месецот шест туристи загинаа поради големи горештини
![](https://makfax.com.mk/wp-content/uploads/2024/06/hj.jpg)
Поради високите температури, кои достигнуваат и до 40 Целзиусови степени, од почетокот на месецот во Грција загинаа шест туристи, а неколкумина се водат за исчезнати.
Последната жртва е 67-годишен Германец, кој е пронајден мртов на островот Крит, соопшти денеска полицијата. Туристот во неделата сам излегол на прошетка во кањонот, а по неколку часа ѝ се јавил на сопругата и рекол дека не се чувствува добро.
„Операцијата за пребарување и спасување почна веднаш и специјална единица за спасување со дронови забележа тело на маж во кањонот Трипити“, изјави полициски претставник за „Ројтерс“.
Спасувачките екипи трагаат и по две Французинки на возраст од 73 и 64 години на островот Сикинос, како и по 59-годишен американски полицаец, кој е на одмор на островот Аморгос. Уште еден Американец беше пронајден мртов на грчкиот остров Матраки во Јонското Море минатата недела, а холандски турист беше пронајден мртов на егејскиот остров Самос претходно овој месец.
Телото на британскиот ТВ-водител Мајкл Мозли беше пронајдено на 9 јуни на Сими, остров во Егејското Море, по четиридневна операција за пребарување со авиони, дронови и чамци. Мозли наводно одел сам на високите температури пред да исчезне.
Свет
Европската Унија го усвои 14-тиот пакет-санкции против Русија
![](https://makfax.com.mk/wp-content/uploads/2022/10/195659_16102019briselzastave_f.jpg)
Европската унија го усвои 14-тиот пакет-санкции против Русија поради нејзината војна против Украина, која почна во февруари 2022 година, објави Европскиот совет.
„Денеска, Советот го усвои 14-тиот пакет економски и индивидуални рестриктивни мерки, кои задаваат дополнителен удар на режимот на Владимир Путин и на оние што ја одржуваат неговата незаконска, неиспровоцирана и неоправдана агресивна војна против Украина“, се наведува во соопштението.
Како што се додава, санкциите ќе ги погодат високовредните сектори на руската економија, како што се енергијата, финансиите и трговијата, и ќе го отежнат заобиколувањето на санкциите на ЕУ.
Пакетот вклучува рестриктивни мерки за дополнителни 116 поединци и субјекти „одговорни за дејства што ги поткопуваат или загрозуваат територијалниот интегритет, суверенитетот и независноста на Украина“.
Европската Унија воведе забрана за европските банки надвор од Русија да го користат SPFS (Системот за финансиски пораки), кој е руски еквивалент на SWIFT, за размена на финансиски пораки.