Скопје
Дружење и дегустација на храна: утре во Паркот на франкофонијата ќе се одржи манифестацијата „Нож и виљушка на европска чинија“
![](https://makfax.com.mk/wp-content/uploads/2024/05/WhatsApp-Image-2024-05-24-at-17.26.52_b86d223b.jpg)
Во организација на Општина Центар утре, на 31 мај во Паркот на Франкофонијата во периодот од 17 до 19 часот ќе се одржи манифестацијата „Нож и виљушка на Европска чинија“. Општина Центар како домаќин на овој настан на посетителите ќе им понуди квалитетно после работно дружење, преку уникатно музичко и гастрономско доживување, велат од општината.
Паркот на Франкофонијата ќе биде точка каде ќе се спојат домашните македонски производители и угостители кои подготвуваат автентична домашна храна и пијалаци, еко производи, но и традиционални специјалитети од Австрија, Германија, Франција, Турција, Италија и други европски држави.
„Ги повикувам граѓаните да не посетат и да дегустираат од домашните и европски традиционални јадења и пијалаци, но и да купат производи што можеби нема да ги најдат во супермаркетите, а кои дома ќе можат да ги пробаат со своето семејство. Учесниците на настанот на креативно изложбени штандови ќе ги промовираат своите производи и специјалитети, а меѓу учесниците кои ќе се претстават се: Мелем од вкусови, Туф.мк, Моја бавча, Натурал 2020, Смидџин, Сакам пиво, Фајн Крафт ракија ‘ Вк, Нутрико, Натс, како и многу други изложувачи што ќе презентираат македонска и европска храна. На учесниците ќе им се придружи и Активот на жени од здружението на пензионери на Општина Центар, кои освен што ќе ги презентираат специјалитетите од нашето поднебје, тие и на лице место со своите вешти раце на помладите генерации ќе им прикажат како се меси, плете и везе. Верувам дека оваа дружба ќе биде интересна за секој посетител“, порачува Герасимовски.
Музиката има уникатна сила и моќ да допре до душата, да инспирира и да ги зближи луѓето од сите генерации. Центарци и сите љубители на добрата музика и храна ќе уживаат во специјално подготвена музичка програма во изведба на музичко дуо-слободни уметници, како и на хорот „Елегија“ при Здружението на пензионери на Центар со популарни македонски, англиски, француски и италијански безвременски мелодии, што имаат трајни вредности во македонската и светска музичка култура. На овој настан своја изведба ќе имаат и членовите на ансламблот „Орце Николов“ кои ќе се претстават со традиционалните македонски песни и игри.
Општина Центар ги поддржува малите екопроизводители кои ги промовираат своите производи и специјалитети, а целта на настанот е да поттикне дружење и забава во правец на негување на македонската гастрономска традиција, но и афирмирање на европската гастрономска култура.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Скопје
Кисела Вода поставува надворешни пречистувачи за воздух во парковите
![](https://makfax.com.mk/wp-content/uploads/2024/06/2-7.jpg)
Кисела Вода е првата општина која поставува надворешни пречистувачи за воздух! Во рамки на роденденското празнување во кое покрај останатите случувања се промовираат и капитални проекти кои се од големо знаење за граѓаните, се реализира ова иновативно еколошко решение. Пречистувачите се поставуваат во најголемите паркови, каде што има најголема фреквенција на луѓе. Претходно, во рамки на истото партнерство со општествено одговорната компанија ЕКОТИП, поставивме и најсовремени внатрешни пречистувачи на воздух во ООУ ,,Невена Георгиева-Дуња” во сите училници.
–Во рамки на родендеската седмица на општина Кисела Вода, денес повторно излегуваме со многу значаен проект, прв во Македонија. Се работи за 5 најсовремени Filter Cube III 5 уреди за надворешна употреба кои се со ненадминливи перформанси досега. Со максимален проток на воздух на Filter од 16,625 м³/ч, обезбедуваат оптимално прочистување на воздухот.
Ова се многу моќни и ефикасни уреди со тежина од 1000 кг и димензии 94 см x 94 см x 360 кои се долготрајни и мошне тивки, кои ќе бидат поставени во парковите и каде што има голема фрекфенција на луѓе и ќе го прочистуваат воздухот.
Претходно, поставивме и најсовремени внатрешни пречистувачи на воздух во ООУ ,,Невена Георгиева-Дуња” во сите училници, што го направи ова училиште првото на Балканот кое има заштита од вируси од ваков тип.
Оваа е вредна донација од општествено одговорната компанија ЕКОТИП, со која Општина Кисела Вода склучи стратешко партнерство и започна заедничка кампања за имплементирање на најсовремени иновативни еколошки решенија.
Сакам искрено и од срце да им се заблагодарам.
Се надевам, дека ова повторно ќе биде пример за другите општини и градот Скопје, сѐ со цел да се подобри животната средина, чистиот воздух и здравјето на идните генерации-изјави градоначалникот Орце Ѓорѓиевски.
Скопје
Две нови детски катчиња во урбаниот дел на општина Кисела Вода
![](https://makfax.com.mk/wp-content/uploads/2024/06/3-11.jpg)
Продолжува роденденската седмица на Општина Кисела Вода, која под слоганот “Кисела Вода, 69 години храброто срце на градот”, се одвива од вчера. Веќе традиционално, во склоп на празнувањето, секојдневно се реализираат поголеми инфраструктурни проекти, а вечерите се резервирани за културното лето. Утрово, градоначалникот Орце Ѓорѓиевски отвори две нови детски катчиња. Првото во населбата Кисела Вода, второто во Бирарија.
На улицата ,,Ѓорѓи Димитров” се поставени современи реквизити за детска игра, безбедни дури и за најмладите, изграден е терен за мал фудбал со вештачка трева, а поставена е и урбана опрема, со што дечињата, но и повозрасните добиваат нов простор за игра и одмор. Ваков простор за себе добија и жителите на улица ,,Антон Попов”. Покрај детските реквизити, тука е изграден и летниковец и поставена урбана опрема, сето тоа, оплеменето со парковско зеленило и дрвца.
-Со големо задоволство денес отвораме две нови детски катчиња во населбите Кисела Вода и Бирарија кои ќе донесат радост и забава на најмладите и на нивните најблиски. Овие катчиња не се само места за игра, туку и за дружење, рекреација и одмор на сите генерации. Моја стратегија и заложба како градоначалник е да инвестирам во проекти кои ќе ги опфатат сите генерации, сите сфери од општинското работење и сите населби и населени места во нашата општина. Целиме кон постигнување на рамномерен развој и подобрување на квалитетот на живот на сите наши граѓани и токму затоа, нашите проекти, па и овие, кои ги промовираме во роденденската седмица на општината, се шаренолики и разновидни. Вчера поставивме камен-темелник на новото училиште во селото Драчево, а денеска ги отвораме овие две нови локации кои најмногу ќе ги користат најмладите. Во нивната изградба, предвидовме и содржини за родителите, бабите и дедовците кои често доаѓаат со децата или се одмораат во близина. Во изминатите три години, интензивно работиме на изградба на нови и реконструкција на постоечки паркови, детски катчиња и рекреативни центри. Со гордост можам да кажам дека бројот на вакви проекти веќе достигна околу 20. И ова е насоката кон која ќе продолжиме и понатаму. Сакам да ги поканам сите жители на општина Кисела Вода и на градот Скопје да ни се придружат на втората вечер од културното лето, кое ќе се одржи вечерва во населбата Расадник, каде ќе настапат “Два Бона” и Пајак. А два часа претходно, во паркот Шопен, пензионерите од Кисела Вода ќе ја одржат хуманитарната коријада на ќе можат да се купат печива подготвени од нив. Настанот ќе биде музички збогатен со настап на членови на Здружението на пензионери и хорот “Вања Лазарова”-изјави градоначалникот Ѓорѓиевски.
Скопје
Започна Културно лето 2024 на Општина Кисела Вода
![](https://makfax.com.mk/wp-content/uploads/2024/06/01-1-1.jpg)
И покрај лошите временски услови, започна Културно лето 2024 на Општина Кисела Вода. На отворањето на настанот покрај градоначалникот Орце Ѓорѓиевски, присуствуваше и министерот за култура и туризам Зоран Љутков кои заедно со бројната публика ја следеа програмата на првата од четирите вечери на оваа традиционална манифестација.
„Вечерта ја отвори најнаградуваниот хор од ООУ “Кузман Јосифовски Питу”, кој предводен од нивната наставничка Вера неодмна се врати од натпреварот во Италија со 6 награди. Вечерта продолжи со концерт на КУД Китка од Драчево, а потоа и со ѕвездите од проектот “Македонијо во срце те носиме”. Културното лето продолжува утре вечер во паркот пред салата Расадник со 2 Бона и Пајак од 20:30, а два часа порано, во паркот Шопен ќе се одржи хуманитарна коријада организирана од Здружението на пензионери на Кисела Вода. Изразуваме надеж дека временските прилики ќе дозволат забавата непречено да се одвива“, велат од Општина Кисела Вода.
-Продолжуваме утре со хуманитарна коријада во 18:30 часот, а потоа ќе ве забавуваат 2 Бона и Пајак. Се гледаме утре и се надевам дека временските услови ќе бидат на наша страна-изјави градоначалникот Орце Ѓорѓиевски.