Спорт
Германија и Шкотска ќе го отворат Европското првенство

Помалку од 24 часа не делат од почетокот на Европското првенство во Германија, кое домаќините ќе го отворат против Шкотска. На континеталниот шампионат учестуваат 24 селекции, титулата освоена во 2021 година ја брани Италија.
Список на сите стадиони:
Берлин – Олимписки стадион, капацитет 74.461
Минхен – Фусбол Арена Минхен, капацитет 70.076
Дортмунд – БВБ Стадион Дортмунд, капацитет 65.849
Штутгарт – Штутгарт Арена, капацитет 54.906
Гелзенкирхен – Арена Ауф Шалке, капацитет 54.740
Франкфурт – Франкфурт Арена, капацитет 54.697
Хамбург – Фолкспарк стадион, капацитет 52.245
Дизелдорф – Дизелдорф Арена, капацитет 51.031
Келн, Стадион Келн, капацитет 49.827
Лајпциг – Стадион Лајпциг, капацитет 42.959
Група А
1. коло: петок, 14 јуни (Минхен) Германија – Шкотска; Сабота, 15 јуни (Келн) Унгарија – Швајцарија
2. коло: среда, 19 јуни (Келн) Шкотска – Швајцарија; Среда, 19 јуни (Штутгарт) Германија – Унгарија
3. коло: недела, 23 јуни (Франкфурт) Швајцарија – Германија; Недела, 23 јуни (Штутгарт) Шкотска – Унгарија
Група Б
1. коло: сабота, 15 јуни (Берлин) Шпанија – Хрватска; Сабота, 15 јуни (Дортмунд) Италија – Албанија
2. коло: среда, 19 јуни (Хамбург) Хрватска – Албанија; Четврток, 20 јуни во (Гелзенкирхен) Шпанија – Италија
3. коло: понеделник, 24 јуни (Лајпциг) Хрватска – Италија; Понеделник, 24 јуни (Дизелдорф) Албанија – Шпанија
Група Ц
1. коло: недела, 16 јуни (Гелзенкирхен) Србија – Англија; Недела, 16 јуни (Штутгарт) Словенија – Данска
2. коло: четврток, 20 јуни (Франкфурт) Данска – Англија; четврток, 20 јуни (Минхен) Словенија – Србија
3. коло: вторник, 25 јуни (Келн) Англија – Словенија; Вторник, 25 јуни (Минхен) Данска – Србија
Група Д
1. коло: недела, 16 јуни (Хамбург) Полска – Холандија; Понеделник, 17 јуни (Дизелдорф) Австрија – Франција
2. коло: петок, 21 јуни (Берлин) Полска-Австрија; Петок, 21 јуни (Лајпциг) Холандија – Франција
3. коло: вторник, 25 јуни (Берлин) Холандија – Австрија; Вторник, 25 јуни (Дортмунд) Франција – Полска
Група Е
1. коло: понеделник, 17 јуни во Франкфурт: Белгија – Словачка; Понеделник, 17 јуни во Минхен: Романија – Украина
2. коло: петок, 21 јуни во Дизелдорф: Словачка – Украина; Сабота, 22 јуни во Келн: Белгија – Романија
3. коло: среда, 26 јуни (Франкфурт) Словачка – Романија; Среда, 26 јуни (Штутгарт) Украина – Белгија
Група Ф
1. коло: вторник, 18 јуни (Дортмунд) Турција – Грузија; Вторник, 18 јуни (Лајпциг) Португалија – Чешка
2. коло: сабота, 22 јуни (Дортмунд) Турција – Португалија; Сабота, 22 јуни (Хамбург) Грузија – Чешка
3. коло: среда, 26 јуни (Гелзенкирхен) Грузија – Португалија; Среда, 26 јуни (Хамбург) Чешка – Турција
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Бунт во соблекувалната на Шведска по шокантниот пораз од Косово

Репрезентацијата на Шведска, и покрај составот полн со ѕвезди, доживеа уште еден понижувачки пораз во во квалификациите за пласман на Светското првенство. Синоќа загубија од Косово во Гетеборг (0:1), а по поразот наводно кулминирале фрустрациите во соблекувалната.
Скандинавците се заглавени на дното од нивната квалификациска група за Светското првенство со само еден бод по четири одиграни натпревари, пишува „Дејли Меил“.
Иако можат да се пофалат со напаѓачко дуо вредно речиси 200 милиони евра, составено од Александар Исак и Виктор Ѓекереш, Швеѓаните постигнаа само два гола во целата кампања, а примија загрижувачки седум.
Нивната напаѓачка линија, составена исклучиво од играчи од Премиер лигата, повторно беше неефикасна во понеделникот вечерта, кога беа поразени дома од аутсајдерот Косово.
Голот на Фисник Аслани во првото полувреме беше доволен за победа на гостите, кои на тој начин ја комплетираа двојната победа над Шведска (првиот натпревар заврши 2:0) и сега се на второто место во групата.
Очекувано, тензиите ескалираа во шведскиот табор по катастрофалниот пораз.. Според шведските медиуми, крилниот напаѓач Ентони Еланга не можел да ги скрие своите фрустрации додека го напуштал теренот.
Селекторот Јон Дал Томасон е под зголемен притисок, пишува локалниот „СпортБладет“, и се верува дека голем број ѕвезди ја изгубиле довербата во 49-годишникот.
„Проклетиот систем мора да си оди“, наводно извикал тој за „Радиоспортен“. Подоцна, во разговор со новинарите, тој додал: „Работевме на системот, на тоа како ќе играме. Потоа можеби изгледа малку поинаку кога сте на теренот. Ние сме исто така тие на теренот и мора да преземеме одговорност“.
Дополнителна конфузија внесе необичниот метод што го користеше тренерот пред натпреварот со Косово, наводно во обид да спречи протекување на информации во медиумите. Томасон одлучи да ги открие почетните единаесет само еден час пред почетокот на натпреварот.
По натпреварот, селекторот Томасон ги критикуваше своите напаѓачи, Александар Исак и Виктор Ѓекереш, тврдејќи дека неговиот тим „заборавил“ како да постигне гол. Исак пропушти три големи шанси, вклучувајќи една во судиското продолжение.
Кога беше прашан за можна оставка, Томасон одговори: „Имам договор со Шведската федерација и сме во средината на квалификациите. Секако, ова не е доволно добро и ова е ужасен резултат. Навистина боли, заборавивме како да постигнуваме голови и не знам зошто.“
Шведска ги има последните два квалификациски натпревари против Швајцарија и Словениј. Овие натпревари ќе се одиграат во ноември.
Фото/ Принтскрин
Спорт
Шампионот ќе биде домаќин и ќе го игра првиот меч во Лигата на шампионите

Европската фудбалска асоцијација (УЕФА) објави дека од сезоната 2027/28 ќе воведе дополнителна новина во календарот на Лигата на шампионите. Сезоната ќе започне со домашен натпревар на бранителот на титулата во посебен термин.
Средбата шампуионот ќе се игра во вторник, додека сите други натпревари од 1. коло ќе се играат во среда и четврток.
УЕФА сака на овој начин да му даде посебено медиумско внимание, како што е случајот во американската професионална лига на американски фудбал, НФЛ, која со години започнува со домашен натпревар на бранителите на титулата во четврток, односно три дена пред да се играат другите натпревари од 1. коло.
Во позадина на оваа одлука е можноста за дополнителни приходи од продажбата на телевизиските права за следниот тригодишен период, кој ќе започне токму со сезоната 2027/28, кога дел од натпреварите би можеле да се префрлат на канали како DAZN, Netflix или Disney.
Спорт
Гаскоњ: Испив девет чаши бренди и бев прогласен за играч на натпреварот

Веројатно најталентираниот фудбалер во историјата на англискиот фудбал, Пол Гаскоњ, се потсети на неколку моменти од својата кариера во ТВ-шоуто „Добро утро Британијо“.
Животот на Пол Гаскоњ беше обележан со неверојатен дар за фудбал, но и со ексцеси во неговиот приватен живот, од кои некои оставија големи последици за него. Неодамна, тој објави автобиографија наречена „Осум“. Во ТВ-шоуто „Добро утро Британијо“, Газа се потсети на неколку моменти од својата кариера, како и на некои надвор од теренот.
Една од епизодите се случи за време на финалето на Шкотскиот Лига Куп. Глазгов Ренџерс играше против Хартс, а тогашниот менаџер на „Полицајците“, Волтер Смит, најде начин да го разбуди Пол.
„На полувремето ме праша дали сум пиел пред натпреварот, јас реков не, на што тој одговори: „Оди да се напиеш неколку пијалоци“. Испив девет чаши бренди, се вратив на теренот, постигнав два гола и бев прогласен за играч на натпреварот“, рече Гаскоњ.
Колку и да беше гениј на теренот, толку беше самодеструктивен надвор од него, понекогаш штетен дури и за оние што му беа најблиски.
„Со години се дистанцирав од семејството, тишината ме обземаше. Кога татко ми одлучи да ме смести во психијатриска установа, сфатив колку е сериозна ситуацијата. Поминав 11 дена во таа установа и тоа ми го спаси животот.“
Можеби најтешкиот дел од приказната е оној за неговиот помлад брат. За Пол, тоа беше најголемата траума.
„Самиот си ја презедов обврската да се грижам за него. Но, во момент на невнимание, тој истрча пред мене. Го удри автомобил. Мислев дека сè уште дише. Ми почина во раце.“
Неговите проблеми со алкохолот му предизвикаа многу проблеми, до тој степен што го уништија на секој можен начин.
„Можев да поминам месеци без да предизвикувам проблеми, а потоа пиев два дена и последиците ќе се почувствуваа. Се чувствував мизерно. Морав да одам на состанок на Анонимните алкохоличари. Дури кога отидов кај нив сфатив дека сум алкохоличар. Ја напишав книгата „Осум“ за да им помогнам на другите. Нема никаква врска со фудбалот“.
Друга интересна ситуација се случи во летото 1988 година. Гаскоњ тогаш се пресели од Њукасл во Тотенхем. Сер Алекс Фергусон сакаше да го доведе во Манчестер Јунајтед, Газа му ветил, но не го одржал ветувањето. Клучна улога одиграл тогашниот претседател на Тотенхем, Ирвинг Сколар.
„Татко ми сакаше 120.000 фунти и БМВ, сестра ми сакаше лежалка пред куќата. Сколар прифати сè и договорот беше склучен. Кога го видов Фергусон години подоцна, разговаравме и тој ми рече: „Како, по ѓаволите, се осмели да ме одбиеш. Ја направи најголемата грешка во животот“, се присети Гаскоњ.