Спорт
Синдикатот на фудбалерите поднесе тужба против ФИФА
Меѓународниот фудбалски синдикат ФИФПРО поднесе тужба против Меѓународната фудбалска федерација (ФИФА) во судот во Брисел поради проширување на Светското клупско првенство.
Светско клупско првенство, во новиот формат, со 32 екипи, ќе се одржи во јуни и јули 2025 година во САД.
ФИФПРО веднаш излегоа со став дека се загрижени за физичките и металните барања што им се поставуваат на играчите и додаде дека ваквите одлуки „ги кршат правата на играчите и нивните синдикати“.
Се додава дека и синдикатите на фудбалери од Англија и Франција поднеле тужба до Стопанскиот суд во Брисел. Од бриселскиот суд се бара да го упати случајот до Европскиот суд на правдата.
ФИФА ги откри деталите за своето проширено Светско клупско првенство во декември.
ФИФПРО веднаш се спротивстави на плановите, за кои рече дека покажува „недостаток на грижа за менталното и физичкото здравје на играчите, како и непочитување на нивниот личен и семеен живот“.
ФИФА соопшти дека распоредот за едномесечниот турнир, за време на паузата во повеќето лиги ширум светот, ќе обезбеди играчите да имаат доволно одмор.
Тоа тврдење беше оспорено од ФИФПРО.
„Кога се вклучени подготвителните периоди и патувањата, турнирот најверојатно ќе создаде до шест недели дополнителна работа, што дополнително ќе го оптовари веќе преполниот распоред“, се вели во соопштението на ФИФПРО.
Организацијата на Светското клупско првенство во 2025 година значи дека најдобрите светски фудбалери три години по ред ќе играат големи натпреварувања во летниот период, со оглед на тоа што оваа година се одржуваат Европското првенство и Копа Америка, а Светското првенство е во 2026 година.
„Бидејќи сите обиди за дијалог не успеаја, сега останува на нас да обезбедиме целосно почитување на основните права на фудбалерите со тоа што ќе го изнесеме предметот на суд“, рече претседателот на ФИФПРО Европа, Дејвид Терие.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хрватска го дозна противникот во полуфиналето од квалификациите за ОИ
Противник на хрватската кошаркарска репрезентација во полуфиналето од квалификациите за Олимписките игри ќе биде Доминиканска Република.
Ова и официјално беше потврдено откако домаќинот Грција во последниот натпревар го победи Египет со 93:71. Хрватска во сабота од 20 часот ќе игра со Доминиканската Република.
Противникот на Хрватска на овој турнир не може да смета на неколку клучни играчи.
Во споредба со ланското Светско првенство, го нема центарот Карл-Ентони Таунс, ѕвездата на Минесота Тимбервулфс, како и Анхел Делгадо, исто така центар, кој игра за Галатасарај.
Недостига и Лестер Кињонес од Голден Стејт Вориорс.
Еден од предводниците на оваа репрезентација е 26-годишниот плејмејкер Андрес Фелиз, кој од следната сезона ќе настапува за Реал Мадрид, а тука е и Крис Дуарте, шутер кој настапува за Сакраменто Кингс во НБА лигата.
Во случај на победа над Доминиканската Република, Хрватска би се пласирала во квалификациското финале кое ќе се игра веќе во недела.
Нејзин противник би бил подобриот од дуелот Словенија и Грција.
Спорт
Бојан Богдановиќ во Бруклин
Њујорк Никс направи голема работа и се договори со Бруклин Нетс.
Њујорк Никс веќе имаат шампионски тим од универзитетот Виланова, бидејќи Џејлен Брансон, Џош Харт и Донте Дивиченцо ја делат соблекувалната, а сега ќе им се придружи и Мајкл Бриџис.
Играчот беше превземен од Бруклин Нетс во Њујорк Никс и сега целата зделка ќе биде завршена.
Според Шемс Чаранија, во се е вклучен и Бојан Богдановиќ.
Никс договорија тригодишен договор вреден 9 милиони долари со Малик Милтон, кој заедно со Бојан Богдановиќ ќе оди во Бруклин Нетс, а во Њујорк доаѓа Кеита Бејтс-Диоп, како и Мајкл Бриџис, кој е централна фигура на оваа размена.
Оваа година, поради големиот број повреди, Никс го пропуштија Источното финале кога беа поразени во седмиот натпревар во Медисон Сквер Гарден од Индијана Пејсерс.
Спорт
УЕФА жестоко го казни Демирал
Турскиот стопер Мерих Демирал е суспендиран од УЕФА поради истакнување на симболот на терористичка организација.
Мерих Демирал ги постигна двата гола во победата на Турција над Австрија во осминафиналето на Европското првенство, а натпреварот заврши со резултат 2:1.
Демирал ги прослави головите покажувајќи го поздравот на „Сивите волци“, односно симбол на десничарската екстремистичка идеологија, која во некои земји се смета за терористичка порака.
Демирал на тој начин доби казна за која сигурно нема да игра во четврт-финалето кое Турција ќе го игра в сабота против Холандија, а дури и да се пласира во полуфиналето неговата селекција нема да биде во тимот.
Стоперот ќе може да им помогне на своите момци само доколку Турција се пласира во финалето на Европското првенство, одлучи УЕФА.