Спорт
(Фото) 200.000 Шкоти лудо се забавуваат во Минхен
Шкотските навивачи познати под името „татран Арми“, приредија незаборавна атмосфера во најголемиот град на германската покраина Баварија, Минхен. Вчерва од 21 часот, на стадионот на Баерн, Германија и Шкотска ќе го отворат 17. Европско првенство во фудбал.
Шкотите се апсолутен хит на ЕП во Германија. Шкотска е аутсајдер во дуелот со домаќинот Германија на отворањето на континенталниот шампионат, но нивните навивачи засега ги засенија сите останати.
Според некои прогнози во Минхен има околу 200.000 шкотски навивачи, лудо се забавуваат од вчера. Јасно е дека мал дел од нив ќе ја имаат привилегијата да бидат на „Алијанц арена“ и во живо да го следатт првиот натпревар на ЕУРО 2024.
Но, нема да биде лошо ниту во пабовите во Минхен, Шкотите ќе знаат да направат одлична атмосфера таму.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола потврди дека сезоната за Родри е завршена
Менаџерот на Манчестер сити, Пеп Гвардиола потврди дека Родри ќе го пропушти остатокот од сезоната поради повреда на предните вкрстени лигаменти.
„Тој денеска беше опериран, мислам дека го повреди и менискусот. Тој ќе се врати следната сезона. Оваа сезона заврши. За жал, ги добивме најлошите вести. Понекогаш, за жал, тоа се случува. Тука сме да го поддржиме и да му помогнеме да се опорави добро, чекор по чекор“, изјави Гвардиола на прес-конференција пред натпреварот со Њукасл.
28-годишниот шпански фудбалер се повреди минатата недела на дербито против Арсенал (2:2), кога се судри со противничкиот играч Томас Парти.
Родри е еден од најважните играчи на Сити. Минатата сезона тимот ја освои рекордната четврта последователна титула во Премиер лигата. Минатата сезона во првенството Сити доживеа три порази, сите кога во тимот го немаше Родри.
Родри во пресрет на повредата го критикуваше проширениот натпреварувачки календар и рече дека играчите биле блиску до одлука за штрајк поради премногу работа.
„Тоа што ни го дава, немаме сличен играч, но сите други играчи заедно можат да го заменат она што Родри ни го даде откако дојде. Ќе мораме да го направиме тоа како тим и да најдеме начин да играме многу натпревари без важен играч за нас“, додаде Гвардиола.
Родри е еден од нкандидатите за „Златната топка“ оваа година, бидејќи освен добрите настапи во Сити, и помогна на Шпанија да го освои Европското првенство летово. Беше прогласен за МВП на Европското првенство.
Спорт
Џенова и Јувентус ќе играат пред празни трибини
Утрешниот натпревар меѓу Џенова и Јувентус, на „Луиџи Ферарис“ стадионот ќе се одигра без присуство на публика. Натпреварот од шестото коло во Серија А ќе започне во 18 часот.
Џенова, пред два дена во 1/16 финалето на италијанскиот Куп играше против градскиот ривал Сампдорија. По 1:1 во 90 минути, Сампдорија победи по изведувањето на пенали.
Серизни инциденти се случија и на стадионот но и надвор од него. Во пресметките меѓу хулиганите беа повредени повеќе од 38 лица, меѓу кои и полицајци.
Фудбалската федерација на Италија експресно реагираше, ја казни Џенова, која ќе мора еден натпревар да одигра пред празни трибини.
Паоло Кортис, претседател на Националната опсерваторија за национални спортски настани, предупреди во интервју објавено во петокот дека мерките преземени против Џенова треба да „испратат сигнал“ до другите клубови и нивните навивачи.
Спорт
„Таков играч не може да биде проблем“
Спортскиот директор на Јувентус, Кристијано Џунтоли проговори на актуелната тема во клубот, лошата форма во кој се наоѓа напаѓачот Душан Влаховиќ.
Пред неколку дена се појави информација дека Јувентус сака да му ја намали платата, кој Влаховиќ и неговиот менаџер го одбиле.
Поради сето ова се огласи директорот на „Старата дама“, убеден дека ќе се најде компромисно решение со српскиот играч.
„Што се однесува до иднината на Душан, тука нема проблем. Наскоро ќе седнеме и ќе најдеме решение. Играч како Влаховиќ никогаш не може да биде проблем. Целта е нов договор и ќе успееме. Тој е играч кој вреди многу и заработува многу, тоа е предност за нас“, изјави Џунтоли.
Јувентус не постигна гол на последните три натпревари во Серија А, па поради ова јавноста најмногу го критикува Влаховиќ.