Спорт
(Видео) Погба: Пол Погба повеќе не постои
Пол Погба (31), играчот од средниот ред на Јувентус и светски шампион со Франција во 2018 година, пред четири месеци, беше суспендиран на четири години поради допинг. Казната ја одерди италијанското обвинителство за борба против допингот.
Погба е суспендиран затоа што тестот на кој бил подложен по натпреварот меѓу Удинезе и Јувентус на 20 август 2023 година покажал дека има вишок тестостерон.
Деновиве на социјалните мрежи кружи видео на кое Погба настапува со депресивен тон:
„Завршив. Мртв сум. Пол Погба повеќе не постои“, беше објавено во кратко видео.
Погба целата своја професионална кариера ја помина во два клуба, а иако е Французин, ниту еден од нив не е од неговата татковина.
Во академијата на Манчестер јунајтед пристигна на 16-годишна возарст од ле Авр, во 2009 година. Три години подоцна тој се пресели во Јувентус без обештетување. По четири години, летото 2016 година, тој се врати во Јунајтед со отштета од 105 милиони евра.
После шест години, Погба повторно се врати во Јувентус и повторно го напушти „Олд Трафорд“ како слободен играч.
Но во втората сезона таму поради повреди и споменатата суспензија поради допинг одигра само 12 натпревари.
Погба освои четири шампионски титули и два купа со Јувентус, сите во неговиот прв мандат во клубот. Како играч на Манчестер јунајтед ги освои Лига Купот и Лига Европа.
"I’m over, I’m dead. Paul Pogba doesn’t exist anymore." 😞💔
— CentreGoals. (@centregoals) June 23, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Палмер шоу на „Стенфорд Бриџ“ – Челси го победи Брајтон
Челси го победи Брајтон со 4:2 во шестото коло во Премиер лигата. Челси ја забележа првата победа дома во новата сезона, а Брајтон прв пат е поразен како гостин во сезоната 2024/2025. Двата тима одиграа едно од најдобрите полувремиња во последните 15 години во Премиер лигата. Полувремето го обележа Кол Палмер.
Палмер стана првиот играч во историјата кој постигнал четири гола во првото полувреме во натпревар од Премиер лигата.
Фудбалерот на Челси во интервал од 20 минути четири пати го совлада голманот на Брајтон.
Првиот гол го постигна во 21. минута кога ја искористи несебична асистенција на Николас Џексон. Во тој монент го изедначи резултатот, откако Брајтон дојде до предност со голот на Рутер во седмата минута.
Во 27-та погоди од пенал, а во 31-та изведе перфектен слободен удар од 27 метри за 3:1.
Брајтон накратко се врати преку Балеба во 34. минута, а потоа во 41. по асистенцијата на Санчо, Палмер од левата страна го погоди поблискиот гол за 4:2.
Челси со оваа победа „скокна“ на третото место на табелата со бод помалку од лидерот Манчестер сити.
Резултати:
Арсенал-Лестер 4:2
Нотингем Форест-Фулам 0:1
Брентфорд-Вест Хем 1:1
Евертон-Кристал Палас 2:1
Спорт
ФИФА го суспендира Емилијано Мартинез
Голманот на Аргентина, Емилијано Мартинез, доби суспензија од ФИФА на два натпревари поради повеќекратно неспортско однесување по натпреварите.
Суспензијата значи дека тој нема да може да и помогне на својата репрезентација во квалификациите за Светското првенство против Венецуела и Боливија во октомври.
ФИФА го суспендираше Мартинез на два натпревари поради непристојни гестови и удирање на ТВ камера.
„Дисциплинската комисија на ФИФА го суспендираше Емилијано Мартинез на два натпревари поради прекршување на член 13 од Дисциплинскиот кодекс на ФИФА (навредливо однесување и кршење на принципите на фер-плеј) за време на натпреварите Аргентина – Чиле на 5 септември и Аргентина – Колумбија на 10 септември“, пишува во соопштението на ФИФА.
32-годишниот голман на Астон Вила го привлече вниманието со своето однесување по финалето на Светското првенство во Катар, кога пред камера го држеше трофејот меѓу нозете, диво гестикулирајќи.
Сето тоа го направи повторно на крајот од натпреварот против Чиле, кога стави реплика на трофејот од Копа Америка меѓу нозете на истиот дрзок начин како што го направи по финалето против Франција на Светското првенство во 2022 година.
По мечот со Колумбија тој жестоко ја удри ТВ камерата која го следеше на теренот.
Спорт
(Видео) Хаос во Колумбија. Десетици избодени, хулиганите ги фрала од трибините
Големото дерби од 10. коло на колумбискиот шампионат меѓу Атлетико Национал и Атлетико Јуниор е прекинато во 55. минута од натпреварот по целосен хаос на трибините на стадионот во Меделин. Атлетико Насионал водеше со 2:0, а по вториот гол гостинските навивачи почнаа да ги напаѓаат гледачите, но и играчите.
TESTIMONIO 😰😱 | El fotógrafo del periódico El Tiempo, Jaiver Nieto, dejó saber el testimonio de lo que pasó en el estudio Atanasio Girardot.
“Con el segundo gol de Nacional empezaron a agredir los hinchas de Junior a los de Nacional en la tribuna norte, y ahí ya empezaron las… pic.twitter.com/k9QwroP6Jv
— NOTICIAS DEL VERDE (@NOTICIASDEVERDE) September 27, 2024
На видеата кои кружат на „Х “(поранешен Твитер) може да се види како еден од домашните играчи е погоден со нож во главата, но за среќа со рачката. Кога го видоа тоа, ултрасите на Национал се втурнаа преку овалната трибина кон гостинските навивачи и тогаш настана целосен хаос.
Se conocen más imágenes de la violencia que se vivió entre barras del junior de Barranquilla y Atlético Nacional
¿Dónde están los controles al ingreso de armas blancas? pic.twitter.com/GRB23zxG4W
— ENTÉRATE 📢 (@enterate_0812) September 27, 2024
Навивачите на Национал фрлија неколку навивачи на Јуниор на долната трибина, а дел од нив бегајќи од противниците и самите скокнаа на долната трибина каде што домашните навивачи потоа ги претепаа.
No sé ustedes pero no se ven jugadores del Atlético Nacional ayudando a rescatar a los heridos de esa turba que golpeaba sin misericordia a los hinchas visitantes,solo se ven jugadores del Junior de Barranquilla. pic.twitter.com/PCuxGBX2OS
— William Figueroa (Locura Tiburona) Maptv 10⭐ (@LTiburona) September 27, 2024
Набрзо, десетици навивачи се најдоа на тревникот, а дел од гостинските навивачи мораа да бидат спасени од бруталните тепања на фудбалерите. На едно видео се гледаат двајца играчи како носат еден од своите навивачи подалеку од толпата гневни хулигани.
Esto sucedió en el partido Atlético Nacional vs Junior de Barranquilla ¿por qué llegan a esto? El fútbol es para disfrutarlo, Dios los proteja a todos los hinchas pic.twitter.com/WEQ8SBsT2o
— Vales Copa (@ValesCopa) September 27, 2024