Македонија
Муцунски во Брисел на средби со европарламентарците Мекалистер, Ќучук и Стрик
![](https://makfax.com.mk/wp-content/uploads/2024/06/Mucunski_26062024_1.jpeg)
Министерот за надворешни работи и надворешна трговија, Тимчо Муцунски во рамките на својата прва посета на Брисел, оствари повеќе одвоени средби со неколку европарламентарци, членови на различни политички групации на Европскиот Парламент, Дејвид Мекалистер (EPP), Илхан Ќучук (Renew) и Тинеке Стрик (Greens).
Муцунски ја нагласи одличната соработка и односи со Европскиот парламент, а посебно со акцент на придобивките од воспоставениот процес на парламентарна соработка – „Жан Моне“. Упати благодарност за нивната работа и поддршката која што ја даваат на земјата во поглед на пристапниот процес и изрази очекување дека интензитетот на истата ќе продолжи во наредниот период.
“Значајно е да се задржи и да се зајакне позитивниот наратив во ЕП за да се одржи моментумот на проширувањето на ЕУ и да се даде силна поддршка на земјава за пристапување во Унијата. Сега, заради променетите геостратешки околности, земјите-членки на ЕУ треба вложат повеќе во соодветно забрзување на пристапниот процес за земјите од Западен Балкан, врз основа на заслуги и постигнувања на секоја земја“, нагласи Муцунски.
Истакнувајќи ги спецификите на пристапното досие на земјава, посебно од аспект на долготрајноста и фазите на процесот изминатите 20 години, Муцунски нагласи дека е потребно да се задржи кредибилитетот на процесот, што ќе придонесе за постепена интеграција пред членството, за што добра алатка е Планот за раст и неговото спроведување од сите инволвирани страни.
“Преговорите за пристапување во ЕУ се најдобар начин како да се обезбеди неповратност на општествената реформа и демократски развој во земјата, и за нас треба да се изнајде пат што ќе овозможи продолжување на преговорите со ЕУ, без одлагање кое е наметнато врз основа на билатерално барање”, порача Муцунски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Филков-Агелер: Поддршка за реформите во правосудството и забрзување на евроинтегративниот процес
![](https://makfax.com.mk/wp-content/uploads/2024/07/0.jpg)
Министерот за правда Игор Филков оствари средба со Амбасадорката на Соединетите Американски Држави во земјава, Н.Е. Анџела Агелер на која се разговараше за спроведување на реформските заложби, засилување на борбата против криминалот и корупијата, состојбите во правосудството,затворите како и обезбедување на услови за непречено спроведување на предвидените активности.
Амбасадорката Агелер му посака успешна работа на Филков и очекува реализација на реформската законодавна агенда.
Министерот за правда Игор Филков порача дека промени мора да се испорачаат брзо затоа што граѓаните бараат резултати.
На средбата беше потврдена заложбата и посветеноста за натамошно развивање на билатералните односи меѓу двете земји како и продолжување на досегашната соработка.
Македонија
Муцунски – Дуџијак: Поздравена континуираната поддршка од ОН за севкупниот напредок на нашата земја
![](https://makfax.com.mk/wp-content/uploads/2024/07/Mucunski_Dudziak2.jpeg)
Министерот за надворешни работи и надворешна трговија, Тимчо Муцунски, денеска ja прими постојаната координаторка на ОН во земјата, Росана Дуџијак.
На средбата стана збор за рамката за соработка за одржлив развој 2021 – 2025, при што беше нагласено дека нејзината имплементација ќе придонесе и за целосна реализација на целите за одржлив развој до 2030, на што земјава е во целост посветена.
Министерот се заблагодари на досегашната поддршка на Канцеларијата на резидентниот координатор на ОН во земјата во исполнувањето на нашите национални приоритети нагласувајќи ја посветеноста на новата Влада на реформските процеси и понатамошниот демократски развој.
Дополнително, беше поздравена континуираната поддршка од ОН за севкупниот напредок на нашата земја преку разни проекти и активности нагласувајќи дека тие им помагаат и на нашите клучни процеси, како што е процесот на пристапување во ЕУ.
Воедно, стана збор и за нашето учество на Генералното собрание на ОН, што ќе се одржи во септември оваа година, како и за календарот на активности во претстојните месеци.
Македонија
По 15 години, Таравари ќе направи нова позитивна листа на лекови штом се назначи нов директор на Фондот за здравство
![](https://makfax.com.mk/wp-content/uploads/2024/07/Taravri-vo-apteka.jpg)
Нова позитивна листа на лекови и нов закон за лекови најави денес министерот за здравство, Арбен Таравари. Ревидирање на листата на лекови кои се на товар на државата, министерот Таравари смета дека треба да се прави еднаш годишно.
„Јас чекам само директорот на Фондот да се назначи, затоа кажав за две недели и веднаш, по 15 години, ќе излеземе со нова позитивна листа, која повремено ќе биде ажурирана. Мислам дека таа листа треба да се обновува секоја година, меѓутоа ќе излеземе и со нов закон за лекови, со кој ќе обезбедиме квалитетни лекови во државата, но истовремено ќе побараме и рационално користење и припишување на лековите. Ни треба период со експертите, можеби и со претставници од сите поголеми политички партии, здравствени комисии, да седнеме да направиме еден закон што ќе биде одржлив и прифатлив за сите во периодот, да речеме, за следните десет години“, вели министерот Таравари.
Целта на измените ќе биде секоја болница во секое време да ги има потребните лекови, но нагласи дека особено ќе внимаваат на злоупотреби на лековите за што смета дека решение е дигитализацијата.
„Ни се случи Онкологија. Јас не би сакал да размислувам или да верувам дека има многу онкологии во Македонија, така што ќе треба интензивно да работиме и на дигитализација на здравството. Евентуално да се стават кодови во лековите за да имаме комплетна контрола и да има заеднички информатички систем за приватните и за државните јавни установи, стоматолошките, фармацевтските, а тука ги вклучувам и лабораториите, комплетно сè да биде дигитализирано и под контрола“, вели министерот Таравари.
Менување на позитивната листа на лекови најавуваа и сите негови претходници, но измени не се направија.