Контакт

Спорт

Шесто издание на највисоката трка во Македонија, државното првенство во скај-трчање – „Титов Врв скајрејс“

Објавено пред

На 7.7.2024 се одржува шестото издание на највисоката трка во Македонија, државното првенство во скај-трчање – „Титов Врв акајрејс“.

dobivaj vesti na viber

Шеста година по ред како планинарскиот клуб „Македон“ од Скопје со многу ентузијазам енергија и мотивација ја организара можеби најтешката трка во Македонија.

„Следејќи ги светските трендови и експанзијата на овој вид трки како земја што го зазема високото 7. место во светот во однос на територија/планини, едноставно не смееме да заостануваме во организација на овие настани од причина што имаме преубави планини и што е поважно и сѐ поголем број момци и девојки што сакаат да се предизвикаат себеси за што побрзо совладување на планинските височини и врвови истовремено уживајќи во прекрасните планински пејзажи“, велат од ПК „Македон“.

„Титов врв скајрејс“, освен во Македонија, е и највисока трка во ексју-земјите, како и една од највисоките трки и на Балканот. Од ПК „Македон“ посочуват дека оваа година трката е официјално лиценцирана од страна на меѓународната федерација за скај-трчање и го носи ISF-сертификатот, со што „Титов врв скајрејс“ е на мапата на светската скајранинг-федерација како трка достапна за сите во светот што посетуваат и се натпреваруваат на овие трки.

„Следствено, сите учесници се бодираат и рангираат по меѓународната стандардизирана скала. Сето ова придонесе оваа година трката да достигне повеќе од 100 пријавени натпреварувачи од нашата држава, регионот и пошироко. Како и претходните години, така и сега од оваа трка се формира и репрезентацијата на Македонија, која оваа година цели кон настап шеста година по ред на светското првенство, кое во септември ќе се одржи во Шпанија. Терминот sky, или по наше – небеско трчање, го доловува карактерот на овој тип екстремен спортски натпревар. Освен тоа што дистанцата изнесува 20 километри, се совладуваат речиси 2.000 метри вертикална висинска разлика во качување и спуштање и притоа самата стартна точка, Попова Шапка, се наоѓа на 1.700 метри надморска височина. Тоа значи дека повеќе од 60 проценти и од рутата се наоѓа над 2.000 метри висина“, велат од ПК „Македон“ и додаваат:

„За споредба, за оние што немале можност да го посетат ски-центарот, највисоката точка на нашето локално Водно изнесува 1.000 метри надморска височина. Настрана од цифрите што ја опишуваат рутата, самиот терен е еден од главните предизвици за тркачите“.

Движењето почнува по самите ски-патеки и продолжува по немилосрден и изложен срт. Стрмните падини се карактеризираат со технички каменест терен. Имајќи го сето ова предвид, безбедното завршување на трката е голем успех само по себе.

На десеттиот километар учесниците го совладуваат Титов Врв, највисока точка на трката и највисок врв на Шар Планина. Покрај Титов Врв, тркачите ги качуваат придружно и Син Врв – 2.550 мнв, Карабунар – 2.600 мнв и Бакардан – 2.704 мнв.

„’Титов врв скајрејс’ се одржува во рамките на нашиот најмлад национален парк Шар Планина, со што трката е еден од неговите најголеми промотори и одлична можност за вметнување на Попова Шапка и Шар Планина на европската туристичка планинарска мапа. Па, така, ‘Титов врв скајрејс’ е повеќе од спортски натпревар, трката е отворена покана за сите поддржувачи на спортот и љубители на природата да го посетат и уживаат природното богатство. Од година на година бројот на посетители расте, и тоа не само тркачи, туку нивната поддршка, бројот на волонтери, планинари и случајни минувачи. Можностите и убавините што ги нуди Шара се неизмерни и неизмерно неискористени и надежно оваа трка ќе послужи како еден вид мегафон за ова“, истакнуваат од ПК „Македон“.

Настанот го организира планинарскиот клуб од Скопје, „Македон“, со поддршка од Федерацијата за планинарски спортови.

„На голема жалост и мало изненадување, поддршката што ја даваат државните институции за овој настан е главно во форма на штама. Во споредба со трките од ваков калибар, не само на Западот туку и во блискиот регион, кои се поддржани од разноразни фирми, брендови и државни органи, ‘Титов врв скајрејс’ живее главно од ентузијазмот на членовите на клубот ‘Македон’ и самите пријавени спортисти. Оваа разлика, иако можеби звучи поразително, е доказ за упорноста и потенцијалот не само на клубот, туку и на спортот. Од финансиските средства, логистиката, па сѐ до обележувањето на рутата и поддршката на помошните станици и на самата рута, целиот вложен труд е од волонтерски карактер“, изјавија од „Македон“.

Скај-тркањето кај нас сѐ уште е во својот изгрев. Бројката од стотина пријавени оваа година говори гласно за брзината со која спортот зема замав и се популаризира.

„Без разлика дали имате планинарско искуство или каков било спортски ентузијазам, без разлика дали сте љубител на планините или не, доколку сте барем малку љубопитни и сакате да си поминете викенд на ладовина, далеку од бетонските жештини и во незаборавна атмосфера, сметајте го ова за покана. Бидете дел од вревата на финишот и којзнае, можеби еден ден и вие ќе стоите зад стартната линија одбројувајќи од 10 наназад“, завршуваат од ПК „Македон“.

 

Спорт

„Ѓоковиќ е Леброн на светскиот тенис, а Синнер и Алкараз се како Битлси и Ролинг Стоунс“

Објавено пред

Легендарниот американски тенисер Џон Мекенро смета дека Новак Ѓоковиќ не треба да се пензионира. Оваа теза ја објасни со неодамнешниот настап на Ѓоковиќ на Ролан Гарос, каде Ѓоковиќ дојде до полуфиналето.

dobivaj vesti na viber

„Зошто да се пензионира кога е сè уште конкурентен?“, прашува Мекенро во интервју за „Кориере дел Сера“ и додава:

„Тој сè уште се натпреварува со Алкараз и Синер. Има два големи адути: искуство и способност да се справи со тешки моменти.“

Потоа Американецот во суперлативи говореше за српскиот тенисер.

„Невозможно е да не му се восхитувате. Тој е Леброн Џејмс на светскиот тенис. Поради неговите години, станува сè потешко да се справи со Јаник и Карлос, но сепак е вистинско чудо. Некој што треба да го проучува науката“, вели Мекенро.

Седумкратниот шампион на Гренд слем ги пофали и првиот и вториот тенисер на планетата.

„Алкараз зрачи со харизма и тоа ги прави неговите натпревари „тензични“. Морам да кажам дека Карлос е најталентираниот тенисер што сум го видел. Тој е едноставно брилијантен. Харизмата не може да се создаде, со неа се раѓаш“, рече Мекенро и додаде:

„Јаник е поконзистентен, а она што импресионира е чистотата на неговите удари и звукот што го слушате кога ја удира топката. Никогаш не сум слушнал нешто слично. Исто така, сум импресиониран од леснотијата со која Алкараз се извлекува од тешкотиите во кои запаѓа, исто така со неверојатна леснотија. Тој е единствениот тенисер за кого би платил билет за да го гледам. Тој е најдобриот подарок што го добил тенисот по големата тројка. Би рекол дека тие двајца се како Битлси и Ролинг Стоунс.“

Конечно, споредба со „големата тројка“.

„Ни во моите најлуди соништа не можев да сонувам дека Роџер, Рафа и Новак ќе стигнат до 20 или повеќе Гренд слем титули. Сега, ако ме прашате дали Алкараз и Синнер ќе освојат 25… не знам, ми се чини лудо, но никогаш не вели никогаш. Ако има некој што може да го направи тоа, тоа се тие двајца“, подвлече Мекенро.

Прикажи повеќе...

Спорт

(Видео) Матурин херој од сенка – Индијана ја победи Оклахома

Објавено пред

Кошаркарските Индијана Пејсерс го добија третиот натпревар од финалната серија на НБА против Индијана на домашен терен со 116:107 и сега водат со вкупен резултат 2:1.

dobivaj vesti na viber

Во „Филдхаус“, во Индијанаполис, се водеше изедначена борба во текот на целиот натпревар, кој беше решен во последните три минути .

При резултат 98:98 Шејсерс направија серија 12:4, отидоа на 110:102 и практично го решија прашањето за победникот. Халибартон започна со тројка, а Нејсмит го зададе завршниот удар.

Одличната тимска игра, која ја краси Индијана во текот на целиот плејоф, повторно дојде до израз. Овој пат се херој од сенка беше Бенедикт Матурин, кој постигна 27 поени со четири скока и една асистенција за само 22 минути на теренот.

Халибартон беше на работ на трипл-дабл со 22 поени, девет скока и 11 асистенции, додека Паскал Сиакам имаше 21 поен.

Џејлен Вилијамс со 26 поени беше најдобар во редовите на Оклахома. МВП-то на регуларната сезона Шеј Гилџис Александар постигна 24 поени со осум скока и четири асистенции.

Титулата ќе ја освои првиот тим што ќе стигне до четири победи. Четвртиот натпревар од серијата се игра ноќта меѓу петок и сабота исто така во Индијанаполис.

Прикажи повеќе...

Спорт

Свилар останува во Рим

Објавено пред

Миле Свилар би можел да ја продолжи кариерата во Рим.

dobivaj vesti na viber

Голманот со српско потекло имаше одлична сезона со тимот од Рим и беше прогласен за најдобар голман на мрежата на Серија А.

Поради тоа, Рома нема нема намера да го пушти Свилар, па преговорите околу неговото останување во Рим се веќе во завршна фаза.

Олеснителна околност е тоа што Свилар сака да остане во тимот.

 

Свилар ќе добива 3.000.000 евра по сезона.

Прикажи повеќе...

Најново

Свет21 минута

Германскиот министер за одбрана: Правиме сè што можеме за да ѝ помогнеме на Украина да се одбрани

Германскиот министер за одбрана, Борис Писториус, пристигна во Киев за да разговара за воената поддршка за Украина во нејзината војна...

Македонија28 минути

За три дена, 109 повредени од Кочани доставиле барања и предлози на телефонската линија на Владата

109 граѓани за три дена од пуштање на телефонската линија за повредените лица и нивните семејства, која е во директна...

Свет12 часа

Вучиќ е единствениот кој не ја потпиша декларацијата за поддршка на Украина

Претседателот на Србија, Александар Вучиќ, ги опиша денешните состаноци во Одеса на самитот „Украина-Југоисточна Европа“ како многу успешни, но тој...

Македонија13 часа

Меџити во Украина: Силно ја осудуваме руската агресија и бараме итно запирање на војната

Првиот вицепремиер и министер за животна средина и просторно планирање на Република Северна Македонија, Изет Меџити, денес учествуваше на Самитот...

Топ14 часа

Битолчанка сакала да ги убие своите баба и дедо, ги избодела со нож

Полицијата приведе жена од Битола која со нож ги избодела своите баба и дедо. „По овластување на јавен обвинител од...

Економија16 часа

Паушалите во сметките за струја ќе станат минато, Министерството за енергетика почна серија брифинзи за новиот закон

До 2031 година 80 отсто од граѓаните треба да имаат смарт броила, а првите веќе се очекува да бидат инсталирани...

Македонија19 часа

Македонската дипломатија нема да биде ничија партиска сопственост, одговори МНР по прозивките од СДСМ

Македонската дипломатија не е, и нема да биде ничија партиска сопственост. По години на политичка злоупотреба, ја враќаме дипломатијата на...

Македонија19 часа

Побаран доживотен затвор за убијците на Вања и Панче: Двете дела се убиства на свиреп начин за кои е предвидена најтешка казна

Обвинителките Ана Стојковиќ-Димитровска и Жаклина Крстевска во завршните зборови на денешното судење за убиствата на 14-годишната Вања Ѓорчевска и 74-годишниот...

Македонија19 часа

(Видео) Обвинителството да отвори постапка за криминалниот круг Филипче – Заев – Зобек мининг, бара Петрушевски

Фрапирани сме од молкот во СДС и кај Венко Филипче, за неговата фирма во Бугарија, џипот купен од фирма која...

Македонија21 час

(Видео) Костова: Тотален дебакл на Мицкоски во економијата, инфлацијата го изеде семејниот буџет

Се случува тотален дебакл на економски план, економската политика на владата на Мицкоски и ВМРО-ДПМНЕ е целосно промашена. Последните податоци...

Македонија22 часа

За прв пат после шест години, учениците во основните училишта ќе имаат учебници по сите странски јазици, вели Јаневска

„Наместо училиштата да им делат парталави и неупотребливи учебници на учениците, треба да ги пријават во електронскиот систем на Министерството...

Македонија24 часа

Арсовска: Аценце, те чекам на ТВ дуел

Градоначалничката на Град Скопје, Данела Арсовска преку социјалните мрежи го повика градоначалникот на Ѓорче Петров на ТВ дуел. „Во меѓувреме...

Македонија1 ден

(Фото) ДЗС: Пронајдени артилериска граната од 75 mm и рачна бомба од Првата светска војна

Во последното деноноќие, вчера во пределот на преспанскиот дел од Национален парк Галичица, беа пронајдени една артилериска граната 75 mm...

Свет1 ден

Хронологија на масакрот: Австриецот нишанел во главите на децата, оставил видео-порака за мајката

Првиот училишен ден по долгиот викенд. Потоа започнува ужасот: некои деца се преправаат дека се мртви, други очајно им се...

Европа1 ден

Словачка се заканува дека ќе ги блокира новите санкции кон Русија

Словачка би можела да го блокира новиот пакет санкции на Европската Унија кон Русија доколку Европската комисија не понуди решение...

Свет1 ден

Трамп: Нѐ напаѓаат странски непријатели, сакаат да предизвикаат инвазија

Американскиот претседател Доналд Трамп во вторникот изјави дека „странски непријатели“ го напаѓаат Лос Анџелес, каде што беснеат немири од петокот...

Европа1 ден

Жителите на Грац запалија свеќи во центарот на градот за да оддадат почит на жртвите од нападот

Граѓаните на Грац се собраа на главниот плоштад во градот за да запалат свеќи и да им оддадат почит на...

Европа1 ден

(Видео) Масовен напад врз Харков, гори станбена зграда: има мртви и многу повредени

Во новите руски напади врз североисточниот украински град Харков во текот на ноќта во вторник загинаа две лица, а повеќе...

Свет1 ден

Америка до Русија: Веднаш престанете со нападите врз украинските градови

Руските напади врз украинските градови мора веднаш да престанат, изјави денес портпаролот на американскиот Стејт департмент, осудувајќи го еден од...

Свет1 ден

Трамп: Грета е чудна и бесна; Грета: Искрено, на светот му требаат повеќе бесни жени

Шведската активистка Грета Тунберг му возврати на американскиот претседател Доналд Трамп откако тој ја опиша како „чудна“ и „бесна“ поради...