Спорт
Почеток на подготовките на кадетската репрезентација во кошарка
Од вчера, „во погон“ е ставена и машка кадетска селекција во кошарка.
Со првиот собир во СРЦ „Кале“, нашиот национален тим „под 16“ години ги започна подготовките за настап на Европското првенство од Дивизијата „Б“ кое од 8. до 17.август ќе се одржи во главниот град.
Селекторот Александар Јованчев и неговиот стручен тим се одлучија за еден поширок список на играчи, поради што првите работни денови ќе бидат и селективни.
Ќе бидат проверени сите повикани кошаркари, и веќе на почетокот на следната седмица, стручниот штаб ќе има и појасна „слика“ за она што следува во наредниот период.
Согласно со планот, првиот дел од подготовките кадетите ќе го одработат во салата на СРЦ „Кале“ во Скопје.
На 14 јули следува гостување во Тиват, каде ќе бидат реализирани две контролни средби против соодветната селекција на Црна Гора.
По враќањето, за 25 јули е закажано учество и на турнирот во Гевгелија, каде е предвидено одигрување на уште три натпревари.
Гевгелија ќе биде втората „база“ на кадетската репрезентација, каде на 3. август, Македонија ќе ги одмери силите со репрезентацијата на Исланд, по што мислите ќе бидат насочени кон Скопје, каде ќе се игра кадетскиот европски шампионат на кој ние сме во улога на домаќини, информираат од КФСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вардар немоќен против Струга, Работички од Охрид се искачи на челната позиција
Фото/ https://www.facebook.com/FKVardarSkopje/
Дветтата рунда во Првата македонска фудбалска лига донесе смена на врвот и уште еден тежок пораз на Вардар.
Ремито без голови на Шкендија во Кратово против Силекс го искористи Работнички и со победата над Воска спорт во Охрид се искачи на првата позиција на табелата. „Романтичарите“ победија со головите на Регба и Мазари. Тие се уште се без пораз сезонава. Пораз нема и Гостивар кој во ова коло одигра 1:1 Беса. Стрелци на головите беа Ивановски за Гостивар и Скендери за Беса.
Вардар доживеа пораз од актуелниот шампион Струга 1:4. Поразот на Вардар го најави Камбери по само три минути игра. Босанчиќ изедначи во 27.минута, по што следуваа два гола на Кампаоре во 41. и 66.минута. Кехинде во 73.минута стави точка на натпреварот.
Шкупи со головите на Едмунсон, Јумеми и Ајетовиќ славеше против АП Брера со 3:1, а без голови заврши натпреварот Пелистер-Тиквеш.
Резултати, 9.коло:
Вардар-Струга ТЛ 1:4
Пелистер-Тиквеш 0:0
Силекс-Шкендија 0:0
Шкупи-АП Брера 3:1
Гостивар-Беса 1:1
Воска спорт-Работнички 0:2
Табела:
Спорт
Навивачите му порачаа на Гвардиола: Сакаме да останеш
Навивачите на Манчестер Сити за време на денешниот натпревар против Фулам во Премиер лигата истакнаа транспарент со кој го замолија тренерот Пеп Гвардиола да остане во фудбалскиот клуб.
Навивачите на Сити кренаа транспарент на кој на каталонски пишуваше: „Pep Guardiola — Volem Que Et Quedis!“, (Пеп Гвардиола – Сакаме да останеш).
Pep Guardiola – we want you to stay. Message on banner in home end at the Etihad Stadium. pic.twitter.com/apqluoxmwp
— Paul Hirst (@hirstclass) October 5, 2024
Договорот на Гвардиола истекува на крајот од сезоната, а тој се уште не донел одлука дали ќе остане на „Етихад“. Гвардиола во Сити дојде во 2016 година.
Гвардиола се понуди да им ги покрие трошоците на навивачите кои за да го внесат транспарентот платиле 1.000 фунти.
„Нека ми ја донесат сметката јас ќе платам. Не сакам да трошат пари на вакви работи, што да кажам? Ви благодарам многу“, изјави Гвардиола.
Тој го постигна најголемиот успех во клупската историја на Сити, вклучувајќи четири последователни титули во Премиер лигата. Сити шест пати беше шампион во последните седум години, а во 2023 година ја освои тројната круна – Премиер лигата, ФА Купот и Лигата на шампионите.
Со Гвардиола, Сити освои и два ФА Купа, четири Лига Купа, три Комјунити Шилд, Суперкупот на Европа и Светското клупско првенство.
Вкупно освои 18 трофеи во осум сезони на „Етихад“.
Минатата година тој рече дека е „поблиску“ до заминување, но одби да биде конкретен за неговите планови.
Спорт
(Видео) Победи со пресврт на Сити, Арсенал и Вест Хем, осум гола на мечот Брентфорд-Вулвс
Во саботната попладневна сесија, во натпреварите од седмото коло на Премиер лигата, победи забелажаа Арсенал, Манчестер Сити, Лестер и Вест Хем, а Брентфорд во спектакуларен натпревар со осум гола го победи последнопласираниот тим на табелата Вулверхемптон.
Резултати, 7.коло:
Арсенал – Саутемптон 3:1 (0:0)
Хаверц 58, Мартинели 68, Сака 88 – Арчер 55
Брентфорд – Вулверхемптон 5:3 (4:2)
Колинс 2, Мбуемо 20, Норгард 28, Пинок 45+2, Карваљо 90 – Куња 4, Ларсен 26, Еит Нури 90+3
Лестер – Бурнемаут 1:0 (1:0)
Буананоте 16
Манчестер Сити – Фулам 3:2 (1:1)
Ковачиќ 32, 47, Доку 82 – Переира 26, Муниз 89
Вест Хем – Ипсвич 4:1 (2:1)
Антонио 1, Кудус 43, Бувен 49, Пакета 69 – Делап 6