Спорт
Capology ги објави платите на сите игрчи во Премиер лигата
Финансискиот портал „Capology“, објави податоци за платите на сите фудбалери во Премиер лигата пред почетокот на новата сезона 2024/25. На првите четири места има двајца асови на Манчестер сити и по еден на Ливерпул и Манчестер Јунајтед.
Како што пренесува овој портал, за платите на 590 фудбалери се издвојуваат околу 1,8 милијарди фунти (околу 2,1 милијарди евра), односно просечната плата на фудбалерите во елитната англиска лига е околу три милиони фунти годишно (околу 3,5 милиони евра).
Најплатен фудбалер во Премиер лигата е играчот од средниот ред на Манчестер сити, Кевин Де Брујне. Белгиецот заработува 20,8 милиони фунти годишно (околу 24,7 милиони евра). Или 400.000 фунти неделно, што е околу 475.000 евра.
Второто место го зазема неговиот норвешки соиграч Ерлинг Халанд со 19,5 милиони фунти (23,2 милиони евра). Неговата неделна плата изнесува 375.000 фунти.
Третото место го поделија Мохамед Салах од Ливерпул и бразилскиот играч за врска на Манчестер јунајтед Касемиро. Годишно заработуваат по 18,2 милиони фунти (21,6 милиони евра), односно недлно инкасираат по 350.000 фунти неделно.
Многумина ќе бидат изненадени од некои имиња, на пример, најплатен играч на Челзи е Белгиецот Ромелу Лулаку, и покрај тоа што во последните две сезони тој не одигра ниту една секунда за клубот од „Стемфорд Бриџ“. Лукаку играше на позајмици во Интер односно Рома. иста плата како Лукаку има и Рахим Стерлинг, 16,9 милиони фунти (околу 20 милиони евра).
Жоао Кансело и Џејдон Санчо се слични примери. Португалецот играше како позајмен за Баерн и Барселона, а е четврти најплатен играч во тимот на Пеп Гвардиола, додека Англичанецот минатата сезона повторно го носеше дресот на Борусија Дортмунд и е четврти најплатен играч во тимот на Ерик Тен Хаг.
Топ 30 според платите:
Кевин Де Брујне (Манчестер сити) 20,8 милиони фунти
Ерлинг Халанд (Манчестер сити) 19.5
Мохамед Салах (Ливерпул) 18.2
Касемиро (Манчестер јунајтед) 18.2
Рахим Стерлинг (Челзи) 16,9
Ромелу Лукаку (Челзи) 16.9
Бернардо Силва (Манчестер сити) 15.6
Маркус Рашфорд (Манчестер сунајтед) 15.6
Џек Грилиш (Манчестер сити) 15.6
Каи Хаверц (Арсенал) 14.56
Габриел Жесус (Арсенал) 13,78
Жоао Кансело (Манчестер сити) 13.0
Мејсон Маунт (Манчестер јунајтед) 13.0
Џон Стоунс (Манчестер сити) 13.0
Џејдон Санчо (Манчестер јунајтед) 13.0
Рис Џејмс (Челзи) 13.0
Бруно Фернандеш (Манчестер јунајтед) 12.48
Деклан Рајс (Арсенал) 12.48
Мартин Едегор (Арсенал) 12.48
Фил Фоден (Манчестер сити) 11.7
Вирџил ван Дијк (Ливерпул) 11.44
Родри (Манчестер сити) 11.44
Антони (Манчестер јунајтед) 10.4
Бен Чилвел (Челзи) 10.4
Томас Парти (Арсенал) 10.4
Јошко Гвардиол (Манчестер сити) 10.4
Весли Фофана (Челзи) 10.4
Кристофер Нкунку (Челзи) 10.14
Букајо Сака (Арсенал) 19.14
Хеунг-мин Сон (Тотенхем) 9,88
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Рикиардо би можел да го напушти тимот по ГП во Сингапур
Возачот на РБ, јуниорскиот тим на Ред Бул, Даниел Рикиардо изјави дека не е сигурен дали ќе остане во тој тим до крајот на сезоната во Формула 1 по трката во Сингапур.
Договорот на Рикиардо истекува на крајот од сезоната, но има шпекулации дека по неделната трка во Сингапур, тој би можел да биде заменет со Лиам Лосон во последните шест трки од сезоната на тимот РБ.
„Знам како е и како оди и знаев дека ќе има некои датуми и датуми оваа година, без разлика дали е летниот распуст или сега по Сингапур. Мислам дека има уште многу неизвесност. Ќе видиме како ќе помине викендот Ќе дадам се од себе, за се што имам секогаш има за што да се борам, планот е да се обидам да стигнам до подиумот“, изјави Рикиардо.
35-годишниот австралиски возач се врати во Формула 1 кон средината на минатата сезона со РБ, но не успеа да се врати во добра форма и сега е 14-ти во генералниот пласман кај возачите, со 10 поени помалку од тимскиот колега Јуки Цунода.
Запрашан дали трката во Сингапур може да биде негова последна, со оглед на условите на договорот, Рикиардо рече дека не мисли така.
„Но, јас исто така не сакам да почнам овде и да бидам адвокат. Би одговорил на прашањето – не, но знаеме како функционира овој спорт. Не сакам да кажам дека останувам и „100 проценти се обложувам на тоа Она што е лудо во врска со овој спорт е дека ако сум на подиумот овој викенд, веројатно ќе бидам еден од најпопуларните“, рече тој.
Рикиардо додаде дека работите брзо се менуваат во Формула 1, дека е свесен дека ситуацијата се вжештува, но дека ќе се концентрира на своите перформанси и ќе даде се од себе.
Големата награда на Сингапур се вози во недела од 14 часот.
Спорт
Карвахал се закани со штрајк: фудбалерите никој ништо не ги прашува
Дани Карвахал, легендата на Реал Мадрид и на шпанската репрезентација, клучен играч за освојување на европските титули за клубот и репрезентацијата, откри дека фудбалерите планираат радикален протест поради зголемениот број на натпревари.
„Штрајкот поради премногу натпревари во текот на сезоната е опција, можност што ние играчите ја разгледуваме. Никој ништо не не прашува, воопшто не ни обрнуваат внимание и затоа мораме да го кренеме гласот“, изјави тој за популарната радио емисија „Тоемпо де Хуего“.
Играчите во врвните клубови и репрезентации се револтирани што и онака пренатрупаниот распоред на натпревари е зголемен оваа сезона. На пример, Реал на Карвахал одигра 55 натпревари минатата сезона.
Поради новиот формат на Лигата на шампионите и на клупското СП, би можеле да одиграат над 70 натпревари Ако на тоа се додаде дека репрезентацијата на Карвахал од минатото до ова лето одиграа дури 18 натпревари, јасно е зошто е шпанскиот ас е уште еден од низатта фудбалери кои јавно го искажаа своето незадоволство.
Спорт
Флик: Можеме да ја освоиме Лигата на шампионите
Барселона го започнува овогодинешното учество во Лигата на шампионите со гостувањето во Монте Карло кај Монако.
Каталонците одлично го започнаа шпанското првенство, во првите пет натпревари имаат исто толку победи.
Германскиот стручњак Ханси Флик смета дека неговиот тим може да оди до крај во елитното европско натпреварување.
„Верувам дека можеме да стигнеме до титулата во Лигата на шампионите. Тоа е секогаш цел на најголемите клубови. Лигата на шампионите е најсилното натпреварување во светот, а јас сум убеден дека Барса може да игра и да ги победи сите“, изјави Флик.