Топ
Запленети возила, цигари, облека: Царинската управа спречи обиди за шверцување разна стока
Во текот на минатата седмица царинските службеници спречија повеќе обиди за шверцување разна стока, при што привремено се задржани цигари, облека, моторни возила и друго.
114 штеки цигари „карелија“, без акцизни маркички, и 5 штеки цигари „собрание “, со бугарски акцизни маркички, биле откриени на Меѓународниот аеродром „Скопје“ при контрола на патните торби на македонски државјанин, кој имал намера да отпатува со лет за Лондон.
По пријава од аеродромската служба за безбедност дека патникот има тежок багаж, царинските службеници извршиле детален преглед на неговиот куфер, при што биле пронајдени непријавените цигари.
Цигарите се привремено задржани, а против патникот ќе биде поведена прекршочна постапка, соопштија надлежните.
„Во согласност со член 278 од Кривичниот законик, Царинската управа поднесе кривична пријава за шверцување 52 свечени фустани, откриени при контрола на косовски автомобил, управуван од косовски државјанин, пријавен за влез во државата на граничниот премин Блаце. Возачот првично не застанал на царинска контрола, но по реакцијата на царинските службеници, бил вратен назад по што бил извршен детален преглед. Притоа во 3 вреќи смесени зад задните седишта и 2 кеси сместени под совозачкото седиште биле пронајдени непријавените фустани, кои се привремено задржани.
350 маици со кратки ракави, откриени од страна на мобилните царински тимови со скенер, при контрола на косовски автомобил, управуван од турски државјанин, пријавен за излез од државата на граничниот премин Блаце. Непријавените производи, за кои возачот изјавил дека се набавени во Турција, но не поседувал никаков документ за нив, биле пронајдени во патна торба и повеќе пластични кеси сместени на задното седиште и во багажниот простор. Маиците се привремено задржани, а против возачот ќе биде поведена прекршочна постапка“, соопштија од Царинската управа.
Известуваат дека патничко возило марка „форд фиеста 1.4 TD“, со словачки регистарски таблички, со кое македонски државјанин без регулиран престој во странство се пријавил за влез во државата на граничниот премин Јажинце. Поради тоа што сопственикот на возилото, словачки државјанин, не бил присутен во возилото, возачот направил царински прекршок, односно се однесувал како возилото да е пуштено во слободен промет.
Возилото, како што појаснуваат, е привремено задржано, а против возачот ќе биде поведена прекршочна постапка.
„9 употребувани моторни возила (четирицикли, моторцикли и скутери), 4 електрични инвалидски колички, 42 употребувани звучници, 21 употребувани гуми, 1 употребуван фрижидер, 1 употребувана надворешна единица за климатизер, 35 употребувани метални држачи и 1 гумен базен, со вкупна вредност од речиси 2,3 милиона денари, откриени од страна на мобилните царински тимови, при контрола на стока по потекло од Швајцарија, пријавена за увозно царинење во царинската филијала Скопје 3. Производите, кои не биле опфатени со царинските документи, се привремено задржани, а против увозникот, физичко лице од Скопје, ќе биде поведена соодветна постапка“, соопштија од Царината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бугарскиот амбасадор повикан во МНР: „Побаравме објаснување од бугарската страна за фотографирањето“
Денеска, во Министерството за надворешни работи и надворешна трговија беше повикан амбасадорот на Република Бугарија, Желјаско Радов, каде беше изразена загриженост поради отстапувањето од договорениот протокол за фотографирањето на двајцата претседатели, при што дополнително беше побарано објаснување од бугарската страна, соопшти Министерството.
Во разговорот со бугарскиот амбасадор било потенцирано дека средбата и заедничкиот ручек на двајцата претседатели поминале во пријателска атмосфера.
Дополнително, на амбасадорот Радуков му било укажано дека Министерството за надворешни работи и надворешна трговија е непријатно изненадено од последната изјава на амбасадорот Ангел Димитров, претседавач на бугарскиот дел од Заедничката мултидисциплинарна експертска комисија за историски и образовни прашања, дадена во емисијата „Офанзива со Љубомир Огњанов“ на НОВА Вести.
„Изјавата во основа го нарушува начелото дека претседавачот на експертската комисија не треба да дава политички изјави за Владата на соседна држава, која е легитимно избрана. Сметаме дека оваа изјава е несоодветна и непримерна“, велат од МНР.
На средбата во Министерството за надворешни работи и надворешна трговија, на амбасадорот Радуков, исто така, му било пренесено дека Република Северна Македонија и понатаму останува посветена на позитивен развој, унапредување и зајакнување на билатералните односи и соработката во сите области од заемен интерес за двете држави и нивните народи, за што била потврдена подготвеност и од другата страна.
Македонија
Од почит кон Бугарија, поради авионската несреќа, Муцунски не реагирал јавно во петокот за фотографирањето без македонското знаме
Пропуст и непочитување на договореното од страна на бугарскиот протокол e фотографирањето на македонската претседателка Гордана Сиљановска-Давкова со бугарскиот претседател Румен Радев, без македонското знаме, покрај знамињата на Бугарија и на Европската Унија, објаснија денес од Министерството за надворешни работи и надворешна трговија. Министерот Тимчо Муцунски, кој заедно со министерот за култура, Зоран Љутков, беше дел од делегацијата што ја придружуваше претседателката Сиљановска-Давква. Од Министерството за надворешни работи велат дека иако биле делегација од повеќемина, во работните простории на претседателот Радев, каде што била средбата, ѝ било дозволено да присуствува само на претседателката Сиљановска-Давкова. Другите членови на делегацијата како нејзина придружба биле сместени во посебна просторија.
„Фотографирањето беше на пат кон средбата меѓу претседателите. Македонскиот и бугарскиот протокол имаа координација пред средбата и јасно беше определено дека нема фотографирање. Ние сега бараме одговор на прашањето зошто бугарската страна отстапила од јасно договорениот протокол“, велат од Министерството за надворешни работи и нагласуваат дека по средбата, целата делегација заминала на заеднички ручек, на кој уверуваат дека имало и македонско знаме.
Иако можел веднаш да реагира на фотографирањето без македонско знаме, министерот Муцунски ја одложил реакцијата за првиот работен ден по посетата. Од Министерството објаснуваат дека министерот не реагирал од почит кон Бугарија поради авионската несреќа, во која загинаа двајца пилоти.
„Имаше консултации, но министерот не реагира јавно за време на посетата од почит оти фотографирањето беше само неколку часа по авионската несреќа во Бугарија, во која загинаа двајца пилоти. Беше оценето дека е несоодветно јавно да се реагира поради трагедијата“, уверуваат од Министерството за надворешни работи.
Од таму не објаснија зошто веднаш не реагирал македонскиот протокол, туку го дозволиле фотографирањето.
Денес, на состанок во Министерството е повикан бугарскиот амбасадор во Македонија, Желјазко Радуков, кому ќе му биде врачена протестна нота. Тоа нема да го направи министерот Муцунски, туку директорот на Инспекторатот за регионални инцијативи оти така било соодветно, објаснија од Министерството за надворешни работи.
Претседателката Сиљановска-Давкова и министрите Муцунски и Љутков во петокот имаа културно-дипломатска мисија во Бугарија. Отидоа за да го проследат настапот на Националната опера и Балет со операта „Набуко“ од Џузепе Верди, а настанот беше искористен и за средба на претседателката со бугарскиот претседател.
Македонија
„Арсовска е промашена инвестиција“- Таравари цени дека не треба да се остави простор политичари да разрешуваат градоначалници
Според министерот за здравство, Арбен Таравари, скопската градоначалничка Данела Арсовска е промашена инвестиција, но, како што вели, не смее да се остави простор политичари да разрешуваат градоначалници.
„Има предлог од ЗЕЛС или градоначалникот на Кисела Вода како да се разговара за разрешување градоначалници, јас мислам дека градоначалниците се избираат непосредно од народот. Ние предлагаме промени во Законот за локалната самоуправа. Значи, целта е да рационализираме, да нема избори и во декември или јануари, па октомври повторно идната година“, вели Таравари.
Прецизира дека на градоначалниците мандатот може да им го земе само тој што им го дава, во случајот народот.
„Иако има градоначалници, кои иако се избрани од народот, не функциниораат како што треба. Јас мислам дека градоначалникот на Кисела Вода се повикаува најмногу на градоначалничката на град Скопје, која е промашена инвестиција“, додава Таравари.
Според него, треба да има политичка одлука за разрешувањето.
„Но, народот ги избира, народот може да ги разреши градоначалниците“, потенцира Таравари.