Македонија
Тренчевска: Со фенер да ги бараше понеспособни кандидати за заменици Мицкоски не можеше да најде
Денес имаме на дневен ред избор на заменици министри, со фенер да ги баравте, понеспособни кандидати немаше да најдете, битно вдомивте 20 функционери, рече пратеничката Јована Тренчевска.
Тренчевска истакна дека ако се погледнат биографиите на предложените заменици министри очигледно е дека нема да сработат ништо.
-Предлогот за заменик министер во министерството за одбрана нема ниту еден ден работно искуство во одбрана или барем нешто поврзано со обраната, освен она што сама си го навела во биографијата дека била придружник на лице упатено во делегација во Брисел и тоа го наведува како искуство. Ова да не е жално. Ескперт за веб дизјан од приватна фирма оди во општинска администрација, напредува, ја вработува сопругата во оптшината и ја прави инспектор бидејќи инспекторите земаат 30 % повисока плата, прави партизација на општината, а зборува за департизација. Доктор по науки за кинзиологија е предлог на заменик министер за внатрешни и да бидам искрена биографијата е добра за спорт, а не за МВР, а таму оди инженер за информатика. И нема да наборјувам уште се што имаме и повторно ќе кажам секоја чест на исклучите, заота што е многу тажно на кое ниво е спуштена финкцијата заменик министер. Со вакви министри и заменици министри не може да очекуваме ништо добро за граѓаните, за државата, освен лаги, неостварени програми и лажен пиар за Македонија повторно горда, порача пратеничката на СДСМ Јована Тренчевска, од собраниската говорница.
Битно вдомивте нови 20 функционери, 20 партиски послушници, а тоа што со ребаланост кратите од, младите, од болните, од лицата со попреченост, од граѓанските организации, од платите од професорите од лекарите, само за да на овие 20 нови функционери и на вашите нови 24 кабинети да им обезбедите убави плати не е битен квалитетот, битно е да се задоволи владината коалиција. Велат какви министри такви заменици, првите катастрофа, вторите уште поголема, рече Тренчевска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски најави нова обиколница во Штип следната година
Премиерот Христијан Мицкоски најави нова обиколница во Штип следната година.
„Обиколницата е проект којшто во оваа фаза ќе биде со вредност нешто помала од 2 милиони евра, но затоа на почетокот од следната година повторно планираме сериозни инвестиции во општините и повторно ќе има јавен повик преку Министерството за локална самоуправа и тука очекувам дополнителни проекти за штипјани, коишто ќе произлезат од страна на Општината, а знам дека и градоначалникот и советниците и администрацијата и пратениците од овде од Штип работат многу, работат заеднички и знам дека такви проекти веќе се подготвени и чекаат практично на реализација“, рече Мицкоски.
Премиерот денеска присуствуваше на Пастрмајлијадата во Штип. Истакна дека се очекува голема потрошувачка на штипскиот специјалитет, а граѓаните да си поминат убаво. Сите оние коишто овој викенд имаат дилема како да го поминат, Мицкоски ги покани во Штип на уживање во штипскиот специјалитет и убава музика.
Македонија
(Видео) Мицкоски: Да не влегуваме во замката на бугарската предизборна кампања
Потпретседателот Александар Николоски даде одговор на тезата на Борисов, јас немам што повеќе да додадам, кажа премиерот Христијан Мицкоски од Штип во одговор на новинарското прашање како го коментира барањето на Борисов за оставка на министерот Николоски.
„Ќе треба да си го гледаме нашиот интерес како држава, да не влегуваме во замката на нивната предизборна кампања и реториката која што е дел од предизборната кампања во Бугарија. Жалам што во отсуство на сериозна визија, проекти, стратегија и политики, главна тема во Бугарија сакаат да биде Македонија и македонското прашање, но тоа е нивен избор, не е наш избор“, рече Мицкоски.
Тој им посака успешна кампања и избор на стабилна влада.
„Конечно по седми пат да изберат стабилна политичка влада со која што ние како македонска влада ќе можеме да градиме вистински добрососедски односни и заеднички да чекориме кон патот на целосна интеграција на нашата земја во рамките на ЕУ. Тоа се очекува од добри соседи и затоа постои договор кој што е наречен добрососедски договор“, додаде премиерот.
Македонија
(Видео) Мицкоски за барањето на Ковачев ВМРО-ДПМНЕ да се исклучи од ЕНП: Тоа би била добра првоаприлска шега
Премиерот Христијан Мицкоски денеска од Штип го искоментира барањето на европратеникот од ГЕРБ, Андреј Ковачев да се исклучи партијата ВМРО-ДПМНЕ од Европската народна партија.
„Не е април. Тоа би била добра првоаприлска шега“, рече Мицкоски.
Европратеникот од ГЕРБ, Андреј Ковачев за БНТ изјави дека ја информирале „Европската народна партија за однесувањето на ВМРО-ДПМНЕ“ и ќе побараат да се иницира процедура за исклучување на таа партија од ЕНП.