Македонија
Девет активни пожари во Македонија
Вчера имало вкупно 43 пожари, од кои 9 се активни, 4 се под контрола и 30 се изгаснати, соопштија од ЦУК.
ВКУПНО: 43
ИЗГАСНАТИ: 30
ПОД КОНТРОЛА: 4
АКТИВНИ ПОЖАРИ: 9
1. Општина Пехчево: с.Негрево;
2. Општина Старо Нагоричане: с.Малотино и Жегљане;
3. Општина Кратово: с.Татомир;
4. Општина Македонски Брод: с.Тажево – с.Брезница – Крак кон Јасен кон Раставувачи за струја;
5. Општина Свети Николе: с.Горно и Долно Ѓуѓанци, с.Строиманци, с.Ранченци;
6. Општина Пробиштип 1: с.Зелениград – с.Јамиште;
7. Општина Пробиштип 2: с.Стрисовци – с.Барбарево;
8. Општина Пласница: с.Пласница проширен кон с.Латово, Македонски Брод;
9. Општина Кочани: с.Пресека;
ПОД КОНТРОЛА: 4
1. Општина Демир Хисар: Илинска Планина;
2. Општина Кочани: с.Главовица и Пониква;
3. Општина Свети Николе 1: с.Орел кон с.Мездра;
4. Општина Свети Николе 2: с.Ерџелија;
ИЗГАСНАТИ: 30
1. Општина Карбинци: с.Долни и Горни Балван, с.Трогерци;
2. Општина Македонски Брод: с.Слатина, Стојанова населба;
3. Општина Битола: с.Братин Дол;
4. Општина Дојран: помеѓу Стар и Нов Дојран, нас.Карач;
5. Општина Гевгелија: с.Моин – с.Ново Коњско;
6. Општина Охрид 1: нас.Далјан;
7. Општина Охрид 2: ул.Стив Наумов;
8. Општина Струга: с.Белица;
9. Општина Кичево: с.Туин;
10. Општина Кавадарци: с.Трстеник;
11. Општина Штип: нас.Баби;
12. Општина Виница: с.Липец;
13. Општина Пробиштип 1: с.Гајранци;
14. Општина Пробиштип 2: с.Пишица;
15. Општина Чешиново – Облешево: с.Теранци;
16. Општина Куманово 1: с.Романовце;
17. Општина Кавадарци 2: м.в.Ново село;
18. Општина Куманово 3: нас.Бабин Дол;
19. Општина Гостивар 1: с.Врапчиште;
20. Општина Гостивар 2: с.Мало Турчане;
21. Општина Гостивар 3: с.Балиндол;
22. Општина Гостивар 4: с.Вруток – с.Печково;
23. Општина Тетово 1: с.Камењане;
24. Општина Тетово 2: Мала Речица;
25. Општина Тетово 3: с.Челопек;
26. Општина Ѓорче Петров 1: Лепенец ;
27. Општина Ѓорче Петров 2: Лепенец;
28. Општина Петровец: автопат Скопје – Велес;
29. Општина Арачиново: с.Арачиново;
30. Општина Чаир: ул.Бајрам Шабани;
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Митева за извештајот на Советот на јавни обвинители: Институциите мора да се научат дека не може да функционираат по терк кој досега бил пракса со власта на СДС и ДУИ
„Очигледно дека работата на Советот на јавни обвинители не е добра ниту целосна, ниту па ја одразува и ја применува целата улога за која практично беше и формиран. Жалам, поддршка на ваков извештај ниту сега ниту во иднина нема да дадам“, истакна членот на ИК и пратеничка од ВМРО-ДПМНЕ Марија Митева на денешната собраниска Комисија за политички систем на која дебатираа за Годишниот извештај на Советот на јавни обвинители за 2023 година.
„Мора да се научат институциите дека не може да функционираат по терк кој досега бил пракса со власта на СДС и ДУИ каде само бледо ќе напишат некои статистики и ќе ги пратат до Собранието и ќе ценат дека така ќе поминат работите. Мора да размислуваме како да ги подобруваме работите, тоа беше и наше предизборно ветување“, рече Митева.
Таа истакна дека по скандалот со заменик претседателот кој се случи очекувала оставка од сите во Советот на јавни обвинители. „Во најмала рака очекував дека по скандалот кој се случи со заменик претседателот сите како совет на јавни обвинители ќе понесете морална одговорност, оставки и ќе кажете дека не сакате да сте дел од еден таков совет“, посочи Митева.
Македонија
Пренџов: На Македонија и требаат промени, граѓаните со право бараат оставки во судството со 2 проценти доверба
„Огромно мнозинство од граѓаните, пратениците во Собранието и сите добронамерни организации кои и мислат добро на Македонија очекуваа од сите вас во советот денес да си поднесете оставки. Требаше да си поднесете оставки бидејќи крајно време е во Република Македонија да создадеме еден нормален правен систем во кој на челото на правда и правичност ќе бидат пресудни во правниот промет кој го имаат граѓаните со институциите“, истакна пратеникот од ВМРО-ДПМНЕ Љупчо Пренџов на денешната собраниска Комисија за политички систем на која дебатираа за Годишниот извештај на Советот за јавни обвинители за 2023 година.
Пренџов додаде: „Ние во Македонија правна држава немаме. Правната држава почива на два столба првата е јавното обвинителство а вториот е судството. Ниту едното функционира, ниту другото функционира. Срамно е никој да не поднесе оставка од функција за која граѓаните кои сите не плаќаат имате 2% рејтинг“.
Пренџов укажа дека во Македонија нема правна држава, право и обвинителски систем.
„Темата право правда и реформи во правосуден систем беше ставен пред изборот на граѓаните, на секоја анкета немањето право и правда е клучен проблем, ама решение на него не е со вие да продолжите со како до сега да бидете судски совет во оваа држава со 2% рејтинг. На Македонија и требаат промени, а не козметика со зборување еден час и при тоа не кажување ништо“, дециден е Пренџов.
Македонија
Панова за работата на Советот за јавни обвинители: Нема позитивна работа
Во Извештајот за работа на Советот за јавни обвинители се вели дека Советот сите обврски ги има завршено успешно, па прашувам успешно ли е кога довербата во правосудството е минорни два посто, праша пратеничката Ели Панова од ВМРО-ДПМНЕ на денешната седница на собраниската Комисија за политички систем на која дебатираа за Годишниот извештај на Советот за јавни обвинители за 2023 година.
„Гледајќи седница на Советот што видов, што заклучив. Советот кој е составен од 11 члена е нем, никој ништо не зборува зарем тоа е транспарентност. Транспарентност ли е да се молчи. Се гледа дека само немо спроведувате одлуки“, рече Панова.
Панова се осврна на делот на Извештајот во кој се зборува за бројки или за статистика.
„Во делот каде зборувате за претставки давате бројки, статистика и кажувате дека најмногу претставки се во ЈО Скопје што е очекувано најголем број предмети се таму, но стои дека има незадоволство од времетраење на постапки што говори за неажурност, укажуваат за брзо решавање на предмети поднесени за луѓето за кои вие не смеете да постапите и најлесно е да ја отфрлите кривичната пријава, помал број биле претставки од незадоволство од застапената застареност. Или ако претставките зборуваат за неажурност, селективност, застареност на пријавите вие говорите дека позитивно работите“, посочи Панова