Скопје
Продолжува акцијата за собирање кабаст отпад во скопските општини
ЈП „Комунална хигиена“ – Скопје продолжува со акцијата за собирање кабаст отпад во сите скопски општини. Веќе се реализирани активностите во општината Ѓорче Петров, каде што беа подигнати и транспортирани околу 130 кубни метри кабаст отпад, како и во општината Карпош, каде што граѓаните одложиле вкупно 170 кубни метри стар мебел и покуќнина.
Во моментот акцијата се реализира во скопската општина Центар, а од 17.8.2024 година активностите ќе се одвиваат во општината Кисела Вода, каде што на четири локации ЈП „Комунална хигиена“ – Скопје ќе постави специјални садови во кои жителите на оваа скопска општина ќе може да го одложат својот кабаст отпад.
Локации за контејнери наменети за одлагање кабаст отпад:
Општина Кисела Вода од 17.8.2024 до 20.8.2024 година
1. УЗ Населба Драчево ул.Бранко Заревски бр.17, Парк на бранители 2. УЗ Кисела Вода ул.Христо Татарчев (главна) наспроти ЈДГ 8-ми Март 3. УЗ Цветан Димов ул.Георги Димитров (заден влез на СГУ Васил Антевски Дрен) 4. УЗ Црниче ул.Наум Охридски бб (пред УЗ Црниче) Општина Аеродром од 21.08.2024 до 24.08.2024 година 1. бул АСНОМ бр. 68, Реон: населба: Јане Сандански 2. ул. Коста Новаковиќ бр.48 (23ти Октомври бр.29), Реон: населба: Стар Аеродром 3. бул. Видoe Смилевски Бато бр. 19, Реон: населба: Ново Лисиче 4. бул.АСНОМ бр.5 (кај „Рамстор“),
Реон: населба: Ново Лисиче Општина Гази Баба од 25.08.2024 до 28.08.2024 година 1. ул. Маџари, спроти ресторан „Далиа“,
Ченто 2. 2. ул. Лазар Поп Трајков, кај месната заедница, Автокоманда 3. 3. ул.М.А.Ченто, кај кај месната заедница, Алија Авдовиќ 4. 4. ул. Благоја Стефковски, кај КАМ маркет, Триангла Општина Чаир од 29.08.2024 до 01.09.2024 година 1. раскрсницата меѓу бул. Цветан Димов и ул. Коста Абрашевиќ 2. ул. Ферид Мурад, до средното училиште Цветан Димов, кај Топлана Север 3. ул. Крсте Асенов бр. 5 кај контејнерите (до чајџилница Пајтон) 4. раскрсницата меѓу ул. Дижонска и ул. Втора македонска бригада (кај контејнерите)
Општина Бутел од 02.09.2024 до 05.09.2024 година 1. Скопје Север – кај Стокомак 2. Бутел 2 – на платото кај џамијата 3. Помегу 1 и 2 влез во Радишани 4. Спроти црквата Св.Јован кај трансформаторот во Бутел 1
Општина Шуто Оризари од 06.09.2024 до 09.09.2024 година 1. Автобуска постојка на последна 19-ка 2. Спроти затворот, кај Жуто Лукс 3. На паркингот зад општината Шуто Оризари Општина Сарај од 10.09.2024 до 13.09.2024 година 1. Кај претоварната станица на ЈПКХС 2. Локација кај општина Сарај 3.Влез во Сарај кај стариот мост 4.Љубин, ул.10
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Над 7.500 ученици во општина Аеродром добија бесплатни училишни униформи
Над 7.500 ученици од сите основни училишта и оваа година добиваат бесплатни училишни униформи составени од две блузи, две маички и дуксер.
В. д. градоначалникот на Општина Аеродром. Дејан Митески денеска присуствуваше на доделувањето на униформите во ООУ „Александар Македонски“ во Реонски центар Аеродром, каде што дечињата со радост ја добија својата нова училишна облека.
Целта на овој проект е да обезбеди подобри и посовремени услови за одвивање на наставата, истовремено водејќи сметка во голема мера да се растовари и буџетот на семејствата кои имаат основци.
Општина Аеродром за набавка на овие униформи издвои речиси 19 милиони денари.
Сакаме сите ученици да имаат еднаков пристап до образованието, а ние како Општина ќе продолжиме да вложуваме во училиштата и во подобрување на условите за наставата, велат од Општината.
Скопје
Стефковски: Градиме нов паркинг во Автокоманда
Градоначалникот на општина Гази Баба Бобан Стефковски утрово беше на терен во Автокоманда каде што направи увид на градежните активности за изградба на нов паркинг простор на улица Габреш.
За посетата, градоначалникот Стефковски информираше на својата официјална страна на фејсбук на која напиша:
Градиме нов паркинг простор на улица Габреш во Автокоманда. Утрово направивме увид на градежните активности за изградба на нов паркинг простор на улица Габреш во Автокоманда. Со реализација на овој проект обезбедуваме 58 нови паркинг места.
Решавањето на проблемот со недостатокот на паркинг места во Автокоманда, останува еден од клучните приоритети на општината.
Заклучно со изградбата на овој паркинг од почетокот на мојот мандат имаме обезбедено повеќе од 150 нови паркинг места за жителите на Автокоманда. Дополнително тим од општината во соработка со надлежните институции посветено работи на реализација на сообраќајната студија со која ќе се воведе ред во сообраќајот во мирување. Како општина работиме и на промена на Деталниот урбанистички план со кој обезбедуваме локации за изградба на катни гаражи. – напиша Стефковски.
Скопје
Општина Центар распиша оглас за доделување стипендии за талентирани ученици од областа на културата, спортот, науката, техниката и посебните вештини
Општина Центар распиша оглас за доделување на стипендии за талентирани ученици од сите осум основни училишта од областа на културата, спортот, науката, техниката и посебните вештини. Заинтересираните ученици кои сакаат да аплицираат за дадените огласи ќе може да поднесат документи само на еден оглас од областа на култура, науки, техника и посебни вештини или спорт. Доколку ученикот поднесе документи во различни категории, истите нема да се разгледуваат. Комисијата при изборот на ученици стипендисти ќе го вреднува успехот постигнат во последните три учебни години.
Стипендиите за учениците од областа на науката, техниката и посебните вештини изнесуваат од 3.000,00 до 3.500,00 денари месечно, за учениците од областа на културата 2.500,00 денари и 3.000,00 денари месечно и за талентираните спортисти стипендијата изнесува од 2.500 до 3.500 денари месечно за осум месеци во текот на учебната 2024/2025 година.
Општина Центар има за цел од секое училиште да се избере најмалку еден ученик, иден стипендист, кој во наведениот период постигнал одредени резултати и ги исполнува условите на огласот. Доколку од некое училиште нема ученик што целосно ги исполнува критериумите и условите, Комисијата ќе избере ученик што покажал највисоки резултати на одредени натпреварувања и својата одлука за тоа му ја доставува на градоначалникот за донесување решение.
Огласите се објавени на веб страната на општината каде се опишани сите услови и потребни документи за учениците кои сакаат да аплицираат и бидат идни стипендисти.
Општина Центар останува отворена за секое прашање на заинтересираните ученици.