Регион
(Видео) Тепачка во турскиот парламент, се судрија пратениците од партијата на Ердоган и опозицијата

На седницата на турскиот парламент дошло до тепачка, јавува „Канал 8“.
Седницата што ја иницираа претставниците на опозицијата брзо се претвори во хаос и физички пресметки по изјавите на претставникот на работничката партија, Ахмет Шик насочени против владејачката АКП партија, на претседателот Реџеп Ердоган.
Тензиите ескалираа речиси во моментот кога Шик зеде збор, што предизвика жестока реакција кај толпата, која набрзо прерасна во тепачка.
Потпретседателот на Собранието Бекир Боздаг беше принуден да ја прекине седницата на 15 минути за да се воспостави ред.
Turkish Parliament Erupts in Tensions: DEM Party MP Injured in Altercation#Turkey #DEMParty #Parliament #Kurdistan pic.twitter.com/8ulbA06pjY
— Channel 8 English (@Channel8English) August 16, 2024
Причина за сето ова беше претходното исфрлање од парламентот на пратеникот Џан Аталај, кој беше осуден од Врховниот суд на 18 години затвор „за помагање во обидот за соборување на владата на Република Турција“.
Одлуката на Врховниот суд доведе до дисквалификација на Аталај како претставник, намалувајќи ја застапеноста на партијата во парламентот од четири на три места.
Сепак, Уставниот суд подоцна пресуди дека одлуката за одземање на пратеничкото место на Аталаја во парламентот е „ништовна“, што дополнително го искомплицира случајот, а сега доведе до физички пресметки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.