Свет
Објавен е идентитетот на двете тела извлечени од потоната јахта на брегот на Сицилија
Двете тела што нуркачите ги извлекоа од потоната јахта на брегот на Сицилија претходно денеска се телата на Мајк Линч и неговата ќерка Хана.
Потрагата по шестмината исчезнати сега е трет ден, откако јахтата потона во понеделникот рано наутро поради ненадејно торнадо, пишува Дејли Меил.
Инаку, се уште трагаат по четири лица, од вкупно 22 кои биле на јахтата во моментот на бродската несреќа. Според извештаите на италијанска „Република“, во внатрешноста на бродот, зад два душека биле пронајдени две тела.
Малку подоцна беше потврдено дека се пронајдени уште две тела, со што вкупниот број на потврдени жртви се искачи на пет.
Претходно денеска бројни светски медиуми, како и порталот „Телеграф.рс“ објавија дека британскиот тајкун Мајк Линч, познат и како „Британецот Бил Гејтс“, имал бизнис и со британските и со американските безбедносни агенции.
Исчезнувањето на британскиот технолошки тајкун Мајк Линч во бурните мориња кај брегот на Сицилија стана уште почудно кога неговиот деловен партнер Стивен Чембрлен загина во сообраќајна несреќа два дена претходно, пишува Politico.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелски бизнисмен обвинет за заговор за атентат врз Нетанјаху: „Иран стои зад се“
Израелската разузнавачка агенција Шин Бет денеска објави дека обвинила израелски бизнисмен за заговор за атентат врз Бенјамин Нетанјаху.
Според тврдењата на агенцијата, човекот планирал да ги убие министерот за одбрана Јоав Галант и шефот на Шин Бет Ронен Бар, а планот бил развиен од разузнавачките агенции во Иран. Осомничениот, наводно, двапати го посетил Иран – во мај и август – и за тие средби добил 5.000 евра.
„Шин Бет“ соопшти дека на човекот му било наредено да преземе финансиски, логистички и активности поврзани со оружје како дел од планот.
Мажот беше уапсен минатиот месец под сомнение дека „извршил безбедносни прекршувања поврзани со контакт со разузнавачки елементи на иранскиот режим“.
Свет
Силен земјотрес ја погоди Индонезија: има загинати, над 80 се повредени, а стотици се евакуирани
Во земјотресот со јачина од 4,9 степени според Рихтеровата скала што ја погоди Западна Јава во Индонезија, едно лице загина, а најмалку 82 се повредени, јави агенцијата ВНА.
Епицентарот на земјотресот бил на 24 километри југоисточно од провинцијата Бандунг и на длабочина од 10 километри.
Најпогодено е подрачјето на Бандунг, каде се повредени 81 лице, а по него е Гарут.
Според првите проценки, оштетени се околу 700 куќи.
Оштетени се и речиси 100 здравствени, образовни, верски и јавни објекти, вклучително и пазари.
Поради земјотресот евакуирани се 450 лица.
Регион
(Видео) Голем пожар избувна во Бања Лука, дел од градот остана без струја
Синоќа во населбата Дервиши во Бања Лука избувна голем пожар кој ги вознемири жителите од тој дел на градот, јавува Кликс.ба
Според локалните медиуми, пожарот ја зафатил зградата на поранешната компанија „Кристал“, во која сега се наоѓа кујната на еден од поголемите трговски синџири.
Пожарот брзо се проширил и се издигнал неколку метри над зградата, создавајќи застрашувачки сцени. Сведоците на местото на настанот ја опишаа сцената како апокалиптична, а овие тврдења се поткрепени со видеа и фотографии кои кружат на социјалните мрежи.
Поради пожарот дел од населбата остана без струја. Се претпоставува дека пожарот бил причина за прекинот. На терен беа распоредени бројни противпожарни возила и припадници на бањалучката противпожарна и спасувачка бригада во обид да го стават огнот под контрола, а полицијата го обезбедува теренот за да спречи натамошно ширење на пожарот и можни несреќи.
Причината за пожарот се уште не е позната, а нема информации за повредени лица. Истрагата е во тек.