Скопје
Очекувавме седница, но се закажа само затворена координација со градоначалничката, се жалат советниците во Град Скопје обвинети дека ја кочат Арсовска
Кога станува збор за интересите на граѓаните, особено во делот на јавна чистота, комунална хигиена и јавни претпријатија, сите одлуки сме ги поддржувале бидејќи сме тука за да им излеземе во пресрет на граѓаните и да овозможиме подобар живот за оние што ги користат јавните услуги во градот Скопје, вели Гордан Шутаров, советник во Советот на Град Скопје
„Очекувам дека до советниците на оваа координативна средба ќе биде предложен определен совет што како план треба понатаму да се изгласа. Ние остануваме конструктивни и во делот на прифаќањето предлози, давање определени наши сугестии и за тоа како може да се подобрат состојбите исто така како што во претходните две години сме одлучувале, сме давале свои ставови и размислувања во предлог-одлуки што биле давани од страна на градоначалничката Арсовска зашто сме ги гласале и поддржувале, но исто така сме имале и став зашто некои одлуки не сме ги поддржале“, посочува координаторот на советничката група на Град Скопје и додава:
„Јас правев една споредба, во 2021 година кога Советот го изгласа буџетот на Град Скопје за 2022 година, паралелено на тоа се изгласале и сите програми. Тогаш во 2023 година некои од програмите не се гласаат, а оваа година сме гласале само за неколку програми, не се изгласани програмите за јавен превоз, локален превоз на патници, не се изгласани ниту некои од активностите во јавната чистота, паркови и зеленило, генерално, јавните претпријатија треба да работат врз основа на изгласани програми од страна на Советот. За жал, иако сме имале определени забелешки, не сме сакале да бидеме кочничари на процесот, сме давале позитивно мислење и позитивна одлука за определени програми, но програмите за фукционирањето на јавните претпријатија не добија доволен број гласови, односно нема мнозинство од Советот на Град Скопје за да бидат изгласани“.
Мартин Стојановски, координатор на советничката група на Град Скопје, вели дека денеска се свикани како координаторите на советничките групи од страна на градоначалничката Арсовска во врска со разгледување на предлозите за проектите што таа ќе ги понуди и за програмите, особено за решенија за комуналната хигиена, но и за неколку други претпријатија.
„Жалам што очекувавме да имаме седница, но видовте дека имаме една затворена координација, која, според мене, требаше да биде јавна, но со големо жалење кажувам дека ќе биде затворена. Се надевам дека во иднина ваквите координации ќе бидат отворени за јавноста за граѓаните да имаат можност да видат за што точно се работи, да ги слушнат аргументите и на советничките групи и на градоначалничката, секако, од другата страна“, вели тој и додава:
„Се надевам дека ќе бидат прифатени понудените одлуки доколу бидат издржани затоа што навистина како советници, не само ние, гледате дека градоначалничката, која тврди дека програмите не ѝ се изгласани, се изгласани, за оние што се изгласани, се изгласани со мнозинство, за оние што не се изгласани, како за новите автобуси, проаѓаат само со 6-7 гласа и значи дека не само советничката група на ВМРО-ДПМНЕ и коалицијата, туку и другите советнички групи не ги гласаат“, изјави Мартин Стојановски, координатор на советничката група на Град Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Ѓорѓиевски: По четири децении, нов асфалт на краците 1, 7, 9 и 11 од улицата ,Христо Татарчев
Се реконструираат краците на улицата „Христо Татарчев“ во Кисела Вода.
Според она што го изјави градоначалникот Орце Ѓорѓиевски, се работи за улици кои не биле реконтруирани четири децении. Реконструкцијата на овој дел од општината опфаќа 3500м2 површина, а обновата на целата патна инфраструктура продолжува и понатаму.
– Она за кое со доаѓањето на градоначалничката функција дадов збор пред мојот народ, а тоа е дека до крајот на мандатот нема да има неасфалтирани улици во Кисела Вода, се остварува според утврдениот план. Се работи за реконструкција улицата „Христо Татарчев“ со вкупна површина од 3500 метри квадратни, односно краците 1, 7, 9 и 11 кои со децении биле заборавени од минатите локални власти.
Реконструкцијата на целата патна инфраструктура во Кисела Вода беше голем предизвик. И денес, со гордост можам да кажам дека направивме повеќе од предвиденото, си поставивме цел и докажавме дека со многу труд, посветеност и желба за работа се стигнува до целта.
Нашата цел е населбите во општината да бидат модерни и да ги нудат сите потребни услови за живеење“, истакна Ѓорѓиевски.
Скопје
Герасимовски: Пријавете дупка на улица во вашето маало
Градоначалникот на Општина Центар Горан Герасимовски ги повика граѓаните да пријавуваат дупки на улиците со цел истите да бидат санирани.
Граѓаните, како што објави општината, тоа може да го направат преку пријавување на телефонскиот број 076381673 секој работен ден од 8 до 16 часот.
„Верувам дека овој начин на комуникација ќе донесе поголеми и побрзи резултати за граѓаните. Ние досега реконструиравме 17 улици, во моментов се работи на две тоа се улиците Елисие Поповски и Блаже Тодоровски и следуваат уште неколку за реконструкција. Но доколку станува збор за одредена дупка ги повикувам граѓаните да се јават на телефонскиот број, да ни остават точна локација и нашите службеници ќе ја пополнат,“ истакнува Герасимовски.
Општина Центар, како што е истакнато во соопштението, ќе продолжи да работи на редовно одржување на улиците со цел безбедно движење на граѓаните, велосипедите и автомобилите.
Скопје
„Комунална хигиена“ – Скопје отстрани диви депонии на пластичарската улица и во населбата Топанско Поле
Во текот на минатата ноќ, екипите на ЈП Комунална хигиена-Скопје реализираа активности за отстранување обемна дива депонија лоцирана на булеварот Никола Карев (Пластичарска улица), на аголот со улицата Максут Садик, во непосредна близина на Амбасадата на САД.
Воедно, интервенирано е и на булеварот Македонско-косовска бригада во населбата Топаана, каде што е извршено расчистување на повеќе помали диви депонии.
Посочените локации претставуваат „црни точки“ каде што веќе подолг период е забележано континуирано одлагање отпад на јавни и сообраќајни површини. Во рамките на активностите се подигнати и транспортирани приближно 30 кубни метри непрописно одложен отпад на јавни и на сообраќајни површини, информираше ЈП Комунална хигиена-Скопје.