Свет
17-годишна тинејџерка влегла во камперот и починала од струен удар во сопствениот двор во Охајо
17-годишната Оливија Брајт била погодена од струен удар додека влегувала во камперот во дворот на нејзиното семејство во Источен Толедо, Охајо.
Девојката боса влегла во камперот кога ја удрила струја. Се верува дека камперот бил влажен поради врнежите што тој ден ја погодија американската сојузна држава.
Полицајците, кои по повикот излегле на терен, околу 21 часот пронашле тинејџерка со срцев удар и со изгореници на десната рака.
„Таа неочекувано почина од струен удар. Ова е исклучително тешко за нашето семејство бидејќи го загубивме нејзиниот брат на 11-годишна возраст во 2019 година поради рак на мозокот“, пишува на страницата што беше отворена за собирање средства за организација на погребот, пишува „Метро“.
Братот на Оливија, Брендон Џејмс Брајт, починал на 11-годишна возраст во февруари 2019 година „по тешка битка со ракот на мозокот во неговиот дом опкружен со неговото семејство“, се вели во неговиот некролог.
Пожарникарите, откако излегле на терен по пријавата, на истражителите им рекле дека камперот бил исклучен и дека на вратата нема траги од пожар.
„Сè што сакам да знам е како почина мојата ќерка. Тоа се одговорите што ги сакам“, рече Кимберли.
“Тешко е. Пред пет и пол години го погребав син ми Брендон. Имаше 11 години, почина од глиобластом”, додала мајката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полскиот премиер: Ако видите германски војници, не паничете
Најлошите поплави што ја погодија централна Европа во најмалку две децении оставија страшна трага на уништување од Романија до Полска, со тони кал и урнатини во градовите, уништени мостови, потопени автомобили и на крајот од драмата во срцето на Европа, сметките за штети ќе се мерат во милијарди долари.
Градовите јужно од Вроцлав, како што е Левин Брзески, веќе ја почувствуваа целата сила на поплавите, принудувајќи ги жителите да минуваат низ водата до половината или да бараат засолниште на покривите на зградите.
Германија им дојде на помош на Полјаците. Тоа беше можност за примеси на хумор во инаку незавидна ситуација. Така полскиот премиер Доналд Туск на хумористичен начин го најави доаѓањето на германски доброволци и војници, кои ќе им помогнат на Полјаците во санирањето на последиците од поплавите.
“If you see German soldiers, don’t panic. They’re here to help,” says Polish PM @donaldtusk after announcing that German troops were volunteering to help tackle the floods in Poland pic.twitter.com/h8XwO2egG3
— Daniel Tilles (@danieltilles1) September 19, 2024
„Ако видите германски војници, не паничете. Дојдоа да помогнат“, рече тој.
Инвазијата на Полска од страна на германските војници на 1 септември 1939 година се смета за почеток на Втората светска војна.
За време на германската окупација, 6 милиони Полјаци ги загубија животите, а повеќе од илјада села и градови беа срамнети со земја.
Свет
Повеќе од 1.000 луѓе евакуирани поради невремето во Италија, училиштата затворени
Реката Сенио се излеа во населбата Кастел Болоњезе кај Равена и водата стигнува до центарот на градот, додека низ регионот Емилија Ромања повеќе од 1.000 луѓе се евакуирани поради влошување на временските услови, соопштија денеска локалните власти.
Покрај 800-те луѓе евакуирани во областа Равена, уште 165 лица биле принудени да ги напуштат своите домови во областа Болоња, пренесува Анса.
Железничкиот сообраќај е во прекин од синоќа меѓу Форли и Фаенца, меѓу Равена и Кастел Болоњезе, Равена и Ферара и меѓу Равена и Фаенца поради временските услови кои можат да доведат до поплави.
Европа
ОН: Руските напади врз енергетската мрежа на Украина го прекршуваат хуманитарното право
Руските воздушни напади врз енергетската мрежа на Украина веројатно го прекршуваат меѓународното хуманитарно право, соопшти набљудувачката мисија на ОН, додека Украинците се подготвуваат за најлошата зима од почетокот на руската инвазија.
За време на инвазијата, Русија истрела стотици проектили и беспилотни летала врз украинските капацитети за производство, пренос и дистрибуција на електрична енергија.
Првиот голем бран удар се случи во есента и зимата 2022 година, неколку месеци откако Русија ја започна својата инвазија. Нападите продолжија во текот на целата војна, иако Москва значително ја засили својата кампања од март.
Секој бран напади ги остави украинските градови без струја.
Набљудувачката мисија на ОН за човекови права во Украина (HRMMU) го фокусираше својот извештај на девет бранови напади помеѓу март и август 2024 година.
„Постојат разумни основи да се верува дека повеќе аспекти на воената кампања за оштетување или уништување на цивилната инфраструктура за производство и пренос на електрична енергија и топлина во Украина ги прекршиле основните принципи на меѓународното хуманитарно право“, се вели во извештајот.