Спорт
Слот: Трент мораме да го чуваме
Одлично започна ерата на Арне Слот во Ливерпул, со две победи по 2:0. Вчера Ливерпул го победи Брентфрорд со головите на Луис Дијаз и Мохамед Салах. Сепак, англиските медиуми наместо со победата се занимаваат со деталот кој се случи во 72.минута кога тренерот реши да го замени Александер-Арнолс.
Како и против Ипсвич во првото коло и против Брентфорд, Слот реши да го повлече од теренот англискиот репрезентативец. Но за разлика од мечот со Ипсвич, десниот бек вчера не го криеше незадоволството од одлуката на тренерот. Имаше и мала конверзација меѓу тренерот и фудбалерот во моменти кога натпреварот се уште траеше.
„Трент е незадоволен? Верувам дека сите сакаат да играат, оние на клупата сигурно се понезадоволни. Но, Трент имаше напорно лето, играше и за националниот тим и имаше само неколку недели одмор. Тој не ние потребен само првите два-три натпревари, туку ни треба за цела сезона. И затоа го чуваме. И исто така е добро што имам квалитетна замена во Конор (Бредли)“, изјави Слот.
Ваквите работи добиваат уште поголемо значење кога се знае дека договорот на Александар-Арнолд истекува за неполна година, двете страни, како што шпекулираат медиумите поради интересот на Реал Мадрид, се уште се далеку од продолжување на соработката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Баерн среде Бремен го декласира Вердер
Фудбалерите на Баерн Минхен откако во вторникот го демилираа Динамо Загреб со 9:2 во Лигата на шампионите, забележаа убедлива победа и во Бундес лигата. Во рамките на четвртото коло, во Бремен, Баерн го победи Вердер со 5:0.
На „Везер“ стадионот во Бремен, блескаше Мајкл Олисе, засилувањето на Баерн од Кристал Палас. Францускиот репрезентативец, во победата учествуваше со два гола и асистенција. Погоди во 23. и 60.минута.
По гол за Баерн постигнаа Мусијала, Кејн и Гнабри.
🚨🇩🇪 GOAL | Werder Bremen 0-5 Bayern Munich | Serge Gnabry
SERGE GNABRY MAKES IT FIVE !!!!!!!pic.twitter.com/LA5eLhKFCc
— Tekkers Foot (@tekkersfoot) September 21, 2024
Резултати:
Бохум – Кил 2:2 (2:1)
Беро 22, Данер 35 – Пихлер 15, Макино 89
Хајденхајм – Фрајбург 0:3 (0:0)
Доан 54, Грифо 59, 65
Унион Берлин – Хофенхајм 2:1 (2:0)
Рота 4, Џеонг 6 – Битлер 67
Вердер Бремен – Баерн Минхен 0:5 (0:2)
Олисе 23,60, Мусиала 32, Кејн 57, Гнабри 65
18.30 Ајнтрахт Франкфурт – Борусија Мехенгладбах
Спорт
Норис супериорно до пол-позицијата во Сингапур, Саинц заврши во ѕидот, на Леклер му го избришаа кругот
Ландо Норис ја освои шестата пол-поизицја во кариерата петта оваа сезона. Возачот на Мекларен од првото место ќе ја започне трката за Големата награда на Сингапур. Квалификациите ги обележа катастрофата на Ферари, Шарл Леклер и Карлос Саинц ќе стартуваат од деветтото и десеттото место.
Норис ја потврди дека Мекларен во моментов го има најдобриот болид. Го искористи фактот што во третата сесија сите имаа псамо по еден обид да постават најбрз круг.
Со време Норис 1:29:525 минути дојде до пол-позицијата. Две десетински зад него беше лидеот во вкупниот пласман, актуелниот шампион Макс Ферстапен.
Вториот ред им припадна на возачите на Мерцедес, Луис Хамилтон и Џорџ Расел.
Петти на стратот ќе биде победникот од Баку, Оскар Пјастри, кој во текот на целиот викенд не можеше да го прати темпото на тимскиот колега Норис.
Следуваат Нико Хулкенберг (Хас), Фернандо Алонсо (Астон Мартин), Јуки Цунода (РБ) и двоецот на Ферари Леклер и Саинц.
Карлос Саинц, заврши во ѕидот во подготвителниот круг на самиот почеток на последната сесија.
За разлика од Шпанецот, единственото време кое Леклер го постави во последната сесија беше избришано бидејќи излета од патеката во 19 свиок.
Спорт
(Видео) Челси го прегази Вест Хем
Фудбалерите на Челзи победија на гости кај Вест Хем со 3:0 во 5. коло од Премиер лигата.
Натпреварот на „Олимпискиот стадион“ во Лондон беше игра на мачка и глушец. Фудбалерите на Челси решително влегоа во натпреварот и буквално го прегазија ривалот.
Двоен стрелец за „сините“ денеска во бела опрема беше Николас Џексон. Тој ги постигна првите два гола во четвртата и 18.минута.
Во 47. минута запиша и асистенција за Кол Палмер, кој стави точка на резултатот и на прашањето на победникот.