Спорт
Јуве и Аталанта го договриле трансферот на Копмајнерс
Фудбалскиот клуб Јувентус го комплетира најскапиот трансфер во овој преоден рок. До крајот на денот договор со „старата дама“ ќе потпише Теун Копмајнерс (26). Преговорите со Аталанта траеја од почетокот на преодниот рок, клубот мораше да се согласи на продажба откако фудбалерот одби да тренира барајќи трансфер.
Јувентус за трансферот на Холанѓанецот ќе издвои фикнси 52 милиони евра, а преку бонуси Аталанта може да заработи уште седум милиони евра.
Копмајнерс денеска ќе ги мине лекарските прегледи и ќе потпише договор со Јувентус и ќе стане шесто засилување на „старата дама“ ова лето. Досега во клубот пристигнаа Даглас Луиз, Кефрен Тирам, Хуан Кабал, Нико Гонзалес и Пјер Калулу.
До крајот на преодниот рок Јувенус планира уште еден трансфер. Според италијанските медиуми Џејдон Санчо е приоритет на Јувентус до крајот на преодниот рок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Динамо го отпушти тренерот Јакировиќ
Сергеј Јакировиќ (47) повеќе не е тренер на Динамо Загреб, објавија хрватските медиуми. Тренерот доби отказ поради серијата лоши резултати која започна со ремито во Риека (1:1), а продолжи со поразот од Хајдук на домашен терен (0:1), а кулминираше во Минхен со историскиот пораз од Баерн во Лигата на шампионите. (9:2).
Јакировиќ на клупата на Динамо остана нешто помалку од 13 месеци. Тој на „Максимир“ пристигна на почетокот на минатата сезона во контроверзен трансфер, кога ненадејно ја напушти Риека, кога доби понуда од Динамо.
Динамо успешно го предводеше до двојната круна, а летово успешно мина низ квалификациите за пласман во главната фаза во Лигата на шампионите.
Претходно ги водеше Сесвете, Горица, Марибор и Зрињски.
Досега како потенцијални замени се споменуваа поранешниот тренер на Динамо Ненад Бјелица и до неодамна тренер на Риека Жељко Шопиќ кои моментално се без работа. Се шпекулираше и со името на поранешниот селектор на Хрватска, Нико Ковач, но според хрватските медиуми тврдат дека тој нема да го преземе Динамо.
Спорт
Де Брујне неизвесен за Арсенал
Манчестер сити не успеа да го победи Интер во првото коло од Лигата на шампионите, а дополнителен проблем за тренерот Пеп Гвардиола е повредата на Кевин Де Брујне.
Белгиецот поради повреда беше заменет на полувремето од натпреварот против тимот на Милано.
„Не знам точно во што е проблемот. Сè уште не сум разговарал со лекарите. Верувам дека се ќе биде појасно во петок“, изјави тренерот Пеп Гвардиола.
Според медиумите во Англија, мали се шансите Де Брујне да го започне натпреварот против Арсенал во Премиер лигата, во недела.
Сити освои четири последователни титули на островот, а Арсенал е нивниот главен ривал во последните две сезони.
Спорт
Си-би-ес: Јокиќ е најдобриот играч во НБА
Познатата американска телевизиска куќа Си-би-ес направи листа на 100 најдобри кошаркари во НБА. На прво место е Никола Јокиќ, најдобриот играч на Денвер.
„Јокиќ е единствениот играч во светот кој може да му гарантира на својот тим квалитетен шут во секој посед. Не постои ситуација надвор или внатре што не може да ја искористи. Многу се подобри и во одбраната. Тој е целосно ослободен од егото. Јокиќ е најчистото олицетворение на кошаркар“, се вели во образложението за одлуката.
Јокиќ три пати во последните четири сезони беше прогласен за МВП на сезоната.
Второто место на оваа листа го зазема Гркот Јанис Адетокумбо (Милвоки Бакс), додека на третото место е уште еден Европеец, Лука Дончиќ (Далас Маверикс).
Во првите десет се уште: Шеј Гилџес-Александер (Оклахома Тандер), Џоел Ембиид (Филаделфија ’76), Стеф Кари (Голден стејт Вориорс), Џејсон Тејтум (Бостон Селтикс), Леброн Џејмс (ЛА Лејкерс), Кевин Дурент (Феникс Санс) и Ентони Едвардс (Минесота Тимбервулвс).
CBS Sports' annual NBA Top 100 is here. 10 analysts voted on the top 100 players for the 2024-25 season.
99. Klay Thompson
68. Michael Porter Jr.
58. LaMelo Ball
30. Chet Holmgren
8. LeBron James
1. Nikola JokicFull list 👇https://t.co/TwneRW4Rit
— CBS Sports NBA (@CBSSportsNBA) September 17, 2024