Тајванската компанија Голд Аполо денеска објави дека ја овластила компанијата со седиште во Будимпешта да ги произведува пејџерите што експлодираа вчера во Либан и Сирија.

„Пејџерите AR-924 што ги користеа милитантите (Хезболах) беа произведени од „BAC Consulting KFT“, со седиште во Будимпешта. Според договорот за соработка, го овластивме BAC да ја користи нашата трговска марка за продажба на производот во одредени региони, но дизајнот и производството на производот е исклучиво нивна одговорност“, се наведува во соопштението на Gold Apollo, пренесува АП.

Претседателот на Голд Аполо, Хсу Чинг-Куанг денеска им изјави на новинарите дека неговата компанија има договор за лиценцирање со BAC во последните три години, но нема докази за договорот.

Ер Франс ги прекина летовите од парискиот аеродром Шарл де Гол до Бејрут и Тел Авив до утре, заклучно со 19 септември, поради ескалација на безбедносната ситуација на Блискиот Исток.

„Летовите ќе бидат обновени по проценка на ситуацијата“, додаваат од авиокомпанијата, пренесува Ројтерс.

Претходно во текот на денот, Луфтханза исто така соопшти дека ги прекинува летовите до и од Тел Авив и Техеран и дека ќе го заобиколи израелскиот и иранскиот воздушен простор до 19 септември.

Тајванската компанија Gold Apollo не ги направи пејџерите што експлодираа вчера во Либан, при што загинаа најмалку девет лица, изјави за новинарите основачот на компанијата Хсу Чинг-Куанг.

Најмалку девет лица загинаа, а речиси 3.000 се повредени кога пејџерите користени од членовите на Хезболах експлодираа истовремено низ Либан.

Сликите на уништените пејџери, анализирани од Ројтерс, покажуваат формат и налепници на задната страна кои се во согласност со пејџерите направени од Gold Apollo.

Хсу рече дека пејџерите користени во експлозијата биле направени од компанија во Европа која имала право да го користи заштитниот знак на тајванската фирма.

Либанското Министерство за надворешни работи ги опиша експлозиите како „опасна и намерна израелска ескалација“, за која рече дека е „придружена со израелски закани за продолжување на војната во Либан во големи размери“.

Бранот експлозии траеше околу еден час по првите детонации. Неименуван функционер на Хезболах рече дека детонирањето на пејџерот е „најголемото безбедносно нарушување“ со кое се соочи либанската милитантна група во речиси една година војна со Израел.