Спорт
Македонската „Скајранинг” репрезентација ќе учествува на светско Првенство во Шпанија
Големите спортски натпреварувања од секогаш се предизвик како за натпреварувачите/спортистите така и за самата држава и нејзините институции.
Да се биде учесник на светско или европско првенство носејќи го дресот и знамето на државата и “борејќи” се во нејзино име е чуство различно од сите трки во годината и чувство на восхит кое ви дава дополнителен мотив да го извадите и дадете најдоброто од себе.
Трчањето на високите планини популарниот skyrunning и трчањето во природа по земјени патеки (trаil running) е спорт кој од година во година станува се по популарен а Македонија и нашите тркачи на планините растат во чекор со тој тренд.
Не случјано и оваа година овој септември Македонската Скајранинг репрезентација шеста година по ред ќе биде учесник на големите натпреварувања. Предизвикот наречен светско првенство не ја остави рамнодушна скајранинг комисија која во последен момент благодарејќи пред се на Планинарската Федерација успеа да обезбеди средства за седумчлената репрезентација да оди во Шпанија, да го облече црвено жолтиот дрес и да се растрча по Ибериските планини.
Иако скромно и на дното (во однос на буџетот) од сите 41 репрезентација кои ќе настапат на ова првенство, (најбројно до сега) и буџет кој не успева да ги покрие ниту основните трошоци за превоз до Сорија, НО со големо срце и желба за натпреварување 7 члената репрезентација заминува во Шпанија, за да покаже дека вреди и за да покаже дека не случјано на минатото европско првенство беше 8мо место од 19 репрезентации и најдобро пласирана репрезентација од Балканот.
Македонија има безброј планини, има момци и девојки кои знаат и можат да бидат исклучително брзи на планините. На нив им треба само малку помош и ветар во грб за гордо да го облечат црвено жолтиот дрес и да се вивнат по планинските патеки.
Елена, Ивана, Сашо, Антонио, Златко, Никола со нетрпение го очекуваат шести септември за повторно да ја направат Македонија горда, за да ја промовираат за да покажат на светот дека нашите планини, природа, култура и историја вредат и сме горди на нив !
Натпреварите се во три дена во три дисциплини
1.Вертикален Километар 4,8км со 1050м вертикално искачување
2.-СкајКласик 37км и 2540м вертикално искачување
3.СкајУлтра 70км со 4350м вертикално искалување
Составот на скајранинг репрезентацијата на Македонија која ќе настапи на светското првенство во Шпанија 6-8 септември и дисциплините во кои ќе настпат.
Елена Ртоска -ВК / СкајКласик
Ивана Пекевска ВК/Скај класик
Сашо Богојевски / ВК/ Скајкласик
Никола Илиевски – ВК/СкајКласик
Антонио Каранфилоски – СкајУлтра
Златко Карчески – СкајУлтра
Тим лидер и официјално лице на репрезентацијата
Душко Петрушевски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сензација во АБА лигата, шампионот Црвена звезда падна во Дубаи
Сезоната во АБА лигата започна со изненадување. Дебитантот Дубаи славеше над актуелниот шампион Црвена звезда 86:84. Прв пат по 2013/2014 Црвена звезда сезона во регионалната лига запчна со пораз.
Дубаи за деби сезоната селектирше добар тим од познати играчи со тренерот Јурица Големац. Во првиот меч ја адиграа Црвена звезда, која одигра под нивото, со исклучок на периодот од четири минути во втората четвртина кога негативата од 17 поени ја претворија во плус од еден поен.
Играчите на Дубаи не попуштија и предводени од Мејсон, Препелиќ и Абас запишаа заслужена победа.
Пресуди тројката на Мејсон на 35 секунди до крајот која на Дубаи му донесе +5. Во следниот напад со трјка возврати Недовиќ. До крајот ниту еден тим не успеа да постигне поени. Црвена звезда го имаше последниот напад, кој заврши со големо промашување на Мекинтаер.
Мејсон постигна 18 поени, Абас мечот го заврши со 17, додека дабл-дабл учинок имаше Препелиќ со 16 поени и 10 асистенции.
Кај Звезда Калиниќ постигна 16 поени, Кенан додаде 13, Митровиќ 12, а Недовиќ 11, поен помалку постигна Милер-Мекинтаер.
Спорт
Норис пред Ферстапен ја освои ГН на Сингапур
Возачот на Мекларен Ландо Норис остври супериорна победа на трката за Големата награда на Сингапур. Британецот кој стартуваше од пол-позицијата, водеше од првиот до последниот круг. Норис со овој триумф ја намали предноста на Макс Ферстапен во генералниот пласман на 51 бод.
Ландо Норис го комплетираше совршениот бикенд во Сингапур со победа на главната трка. Возачот на Мекларен триумфираше пред Ферстапен и тимскиот колега Оскар Пјастри.
Совршениот викенд на Норис му го расипа Даниел Рикиардо, кој со софт гуми, во финишот успеа да му одземе еден поен за најбрз круг во трката. Иринијата е што ова беше последната трка на Рикиардо во Формула. Од следната трка колега на Јуки Цунода ќе му биде Лијајм Лосон.
Покрај најдобрите тројца бодои во Сингапур на „Јас Марина“ освоија Џорџр Расел (Мерцедес), Шарл Леклер (Ферари), Луис Хамилтон (Мерцедес), Карлос Саинц (Ферари), Нико Хулкенберг (Хас), Фернандо Алонсо (Астон Мартин) и Јуки Цунода (РБ).
Спорт
Хулигани го уништиле теренот на стадионот на Партизан
Во ноќта меѓу саботата и неделата група хулиганивлегла на стадионот на Партизан и ја уништииле подлогата. Утре, Партизан треба да ја пречека Црвена звезда во вечното дерби.
Како што пренесува „Телеграф.рс“, вработените кои се задолжени за одржување на теренот веднаш ги известиле сите служби на клубот, кои повикале полиција, а во текот на денот се очекува понатамошна истрага.
Се наведува дека група хулигани ги пробиле бравите на стадионот во Хумска, влегле и ја уништиле тревната површина. Хулиганите врлиле стакло и запалиле дел од теренот.
Се следат снимките од безбедносните камери за да се откријат сторителите на ова кривично дело, а клубот започна и вонредни мерки за санација на теренот.
Сите во клубот се надеваат дека надлежните брзо ќе ги најдат одговорните и дека во иднина ќе се спречат вакви инциденти.