Македонија
Цветков: Ако не гласаат ЗА интерпелацијата, ВМРО-ДПМНЕ ќе ги погази сите ветувања за одговорност

Пратеникот на СДСМ Борче Цветков од говорницата на денешната собраниска седница истакна дека пратениците на СДСМ и колаицијата ќе гласаат за интерпелацијата на собраниискиот спикер Арфим Гаши, од едноставна причина што сегашната власт пред избори ветуваше дека ниту еден политичар нема да биде поштеден од политичка одговорност, доколку работи спротивно на правилата и законите.
-За само два месеци се случија серија скандали, а одговорност нема од никого. Вашите функционери се недопирливи. Тие се над законот, а неказнивоноста на функционерите ја враќа државата назад, на голема врата. Кога бевте во опозиција устите ви беа полни со одговорност, а кога седнавте во удобните фотелји, веднаш ја сменивте плочата, Си ги погазивте своите ветувањата дека секој функционер кој се огрешил, ќе одговара. Но кога е коалицијата во прашање одговорност нема, нагласи Цветков.
Пратеникот Цветков ги повика пратениците од владината коалиција да гласаат ЗА интерпелацијата, бидејќи само така ќе докажат дека си стојат на зборот даден пред граѓаните, а доколку не гласаат ЗА повеќе нема да имаат образ и легитимитет да прозиваат било кого за било што.
-Потребна е политичка одоговорност за прекршување на правилата, повеќе од очигледно е дека е основана интерпелацијата, но гласањето нема да биде врз основа на аргументацијата, туку врз основа на интересот, за жал не на државата, туку а партијата, истакна пратеникот на СДСМ Борче Цветков на денешната собраниска седница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.
Македонија
„Уапсени се полицајци и полициски функционери кои биле на смена кобната вечер“: СДСМ ја поздрави акцијата на ОЈО ГОК за Кочани

„Ја поздравуваме вечерашната акција на Обвинителството за организиран криминал и корупција во која се лишени од слобода полицајци и полициски функционери кои биле на смена кобната вечер на 16 март во т.н. дискотека Пулс во Кочани“, соопшти СДСМ.
„Фактот што четири месеци ВМРО-ДПМНЕ се обидуваше да ја сокрие одговорноста на полицајците и полициските функционери, фактот што нивната вина беше негирана од страна на Панче Тошковски и Христијан Мицкоски укажува на тоа дека сите биле вмешани или на некој начин знаеле за нелегалното работење на Пулс и тоа го одобрувале.
Само поради обидите да се сокрие одговорноста од страна на Тошковски и Мицкоски на лицата кои тие ги поставија за полицајци, командири и началници би требало веднаш да си поднесат оставки.
Одговорност мора да има и за Александар Јанев, директорот на БЈБ. Тошковски и Јанев не смеат повеќе да ја попречуваат истрагата ниту да влијаат некој да не сноси одговорност.
Вистината за Кочани која цела недела ја објавуваше СДСМ е точна. Се покажа дека без силен притисок на јавноста, на дел од медиумите и на СДСМ нема да има правда за Кочани. Време е за одговорност, време е за оставки“, се додава во соопштението на СДСМ.