Спорт
Ред Бул и Ферари се жалеа на конкукурентите – ФИА експресно ги одби нивните жалби

Меѓународната автомобилска федерација (ФИА), ги отфрли жалбите на Ред Бул и Ферари за законитоста на предните крила на болидите на Мекларен и Мерцедес. Ред Бул и Ферари изјавија дека предните крила на ривалските болиди биле премногу свиткани и не ги почитувале правилата.
„Сите предни крила во моментов се усогласени со правилата од 2024 година“, соопшти Меѓународната автомобилска федерација (ФИА), пренесе Би-би-си.
ФИА е свесна за загриженоста на тимовите и издаде соопштение како одговор на коментарите дадени по неделната трка во Монца од страна на директорот на Ред Бул, Кристијан Хорнер, тимскиот советник Хелмут Марко и директорот на Ферари, Фредерик Васер.
Хорнер рече дека „правилата се многу јасни и тоа е работа на ФИА“, додека Марко рече дека „треба да се анализираат предните крила на Мекларен и Мерцедес“.
Тие се жалеа откако Мекларен и Мерцедес станаа поконкурентни во последните месеци. Ред Бил и Макс Ферстапен доминираа на почетокот на сезоната и имаа голема предност, но сега Мекларен и Мерцедес се доближуваат до нив и во конкуренција на возачи и во конструктори.
Ферстапен нема победа од трката во Барселона, во јуни и има 62 поени предност пред второпласираниот Ландо Норис од Мекларен. Остануваат уште осум трки и 232 бода во оптек до крајот на сезоната.
Во конкуренција на конструктори, Мекларен заостанува само осум бода зад Ред Бул.
ФИА соопшти дека раководното тело континуирано ја проценува флексибилноста на шасијата, вклучително и новите камери кои се користат од јули и трката за Големата награда на Белгија.
„ФИА има право да воведе нови тестови доколку постои сомневање за неправилности. Нема планови за какви било краткорочни мерки, но ја проценуваме ситуацијата имајќи ги предвид среднорочните и долгорочните мерки“, се додава во соопштението.
„Краткорочната мерка се однесува на оваа сезона, среднорочната до следната година, а долгорочната до 2026 година“, изјави портпаролот на ФИА.
Контроверзноста траеше неколку трки, но експлодираше минатата недела во Монца откако снимката од камерата покажа дека предното крило на Мекларен се витка и осцилира.
Шампионатот во Формула 1 продолжува на 15 септември со Големата награда на Азербејџан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
За Ендрик нема место во Реал

Младиот бразилски напаѓач, Ендрик не успева да се наметне во Реал под команда на Чаби Алонсо. Бразилецот е закован за клупата, не одигра ниту една секунда од почетокот на сезоната и се очекува во јануари да биде испратен на позаијмица.
Пред неколку недели Ендирк се поврзуваше со Валенсија, а бразилскиот „ESPN“ пишува дека Марсеј се приклучил во трката.
Тимот предводен од Роберто де Зерби има бод помалку од првопласираниот Пари Сен Жермен и се чини дека би можеле да се борат оваа сезона за титулата.
Со оглед на тоа што Африканскиот куп на нации доаѓа во зима, Марсеј ќе биде без Обамејанг и Гири со што ќе се отвори дупка во нападот и потенцијален проблем во трката за трофејот.
Ендрик би можел да биде решението. Засега, Бразилецот не сака да брза со одлуката, но очигледно е дека ќе мора да замине од Мадрид доколку сака да игра и да се избори за место во репрезентацијата која ќе настапи на Светското првенство следното лето.
Спорт
„Модриќ, Џеко, Варди. Кој ќе плати за да гледа гробишта за слонови?“

Италијанскиот фудбалски новинар Паоло Барџиѓа предизвика бурни реакции откако објави нова епизода од подкастот „Центрокампо“, каде што даде низа остри коментари против одредени фудбалски ветерани, вклучувајќи го и Лука Модриќ.
Неговите изјави, кои ги пренесоа „Milannews.it“ и бројни корисници на социјалните мрежи, предизвикаа бран полемики во Италија.
Во клип кој брзо стана вирален, Барџиѓа ја спореди италијанската Серија А со „гробишта на слонови“, алудирајќи на фактот дека клубовите сè повеќе им даваат шанса на играчите во доцните фудбалски години, наместо на помладите таленти.
Како примери ги наведе Лука Модриќ, Един Џеко и Џејми Варди.
„Модриќ во Милан, Џеко, Варди… Тие се готови како играчи! Кој ќе плати за да гледа гробиштата на слонови? Го носите Ричи за 25 милиони, а играте со некој што има 40 години!“, рече Барџиѓа, предизвикувајќи лавина реакции од јавноста.
Сепак, формата на хрватскиот ас ги негира сите негови тврдења. Лука Модриќ, кој ова лето пристигна во Милано како слободен агент од Реал Мадрид, продолжува да докажува дека возраста не е пречка за него. Од почетокот на сезоната, тој ги одигра сите шест натпревари од Серија А во почетниот состав и e еден од клучните играчи во тимот на Масимилијано Алегри.
„Росонерите“ моментално се на третото место на табелата, а примија само три гола.
Покрај тоа, „Ла Газета дело Спорт“ наведува дека Модриќ е на самиот врв во лигата по бројот на прецизни додавања и точноста на додавањата, поради што раководството на Милан веќе планира да му понуди продолжување на договорот.
Спорт
„Нејмар во Интер? Глупости!“

Во изминатите неколку дена се појави информација дека Нејмар бил понуден на Наполи и Интер ова лето, но повредата го натерала да остане во Сантос.
Бидејќи неговиот договор со Сантос истекува на крајот од годината, извесно е дека брилијантниот напаѓач ќе го промени клубот.
Се споменуваше Интер Мајами, каде што ќе им се придружи на Меси и Суарез, а се пишуваше дека повторно ќе биде понуден на клубови од Серија А.
Сепак, тоа нема да биде Интер од Милано, бидејќи спортскиот директор на овој клуб, Пјеро Аусилио, ги негираше тврдењата на медиумите.
„Нејмар во Интер? Тоа се глупости! Никогаш не сме разговарале за тоа, ниту сме испратиле понуда. Се обидовме со Лукман, но напредокот на Пио Еспозито и Бони ни овозможи да видиме напредок. Исто така, го следевме Хојлунд“, рече Аусилио во интервју за „Кориере дело Спорт“.