Спорт
Кинезите доживотно суспендираа 43 лица поради корупција
Фудбалскиот сојуз на Кина им изрече доживотна забрана на 43 лица поради наводи за местење натпревари и други облици на корупција.
Шефот на полицијата Џанг Ксијаопенг на прес-конференција изјави дека двегодишната истрага открила серија случаи на обложување, местење натпревари и поткуп.
Новинската агенција Ксинхуа објави дека истрагата опфатила 120 натпревари од кинеската лига, 128 осомничени за криминал и 41 клуб. Од суспендираните, 38 се фудбалери, петмина се клупски функционери.
Меѓу доживотно суспендираните фудбалери се Џин Џингдао, Дуо Тијанју и Гу Чао.
Останатите фудбалери добија пократки суспензии, вклучувајќи и странски фудбалери кои дојдоа во Кина откако им беа ветени големи плати. Јужнокорејскиот фудбалер Сон Јун-хо, кој играше за Шандонг Таишан, доби суспензија од пет години.
„Неговите активности „сериозно ја нарушија спортската етика и спортскиот дух, што предизвика негативно влијание врз општеството“, се вели во соопштението.
Кинескиот претседател Си Џинпинг имаше намера да го зајакне кинескиот фудбал со инвестирање во нови полиња, експерти и инфраструктура, но тие планови пропаднаа поради економските тешкотии предизвикани од пандемијата на корона вирусот.
Кинеската машка фудбалска репрезентација не бележи добри резултати, а минатата недела загуби со 7:0 од Јапонија во третото коло од азиските квалификации за СП 2026 година.
Кина се уште има шанси да се пласира на Светското првенство кое ќе се одржи во САД, Мексико и Канада.
Кина во моментов е 87. репрезентација во светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тројца кандидати за наследник на Левандовски
Пред челниците на Барселона е тешка задача, да најдат замена за Роберт Левандовски.
Полскиот напаѓач има 36 години, но и покрај тоа сеуште е еден од најдобрите на својата позаиција.
Сезонава во воведните пет лигашки кола веќе постигна четири гола и има две асистенции, но годините полека го „газат“.
Левандовски има договор до летото 2026 година и прашање е кој ќе го пополни неговото место.
Според локалниот „Спорт“, на листата на кандидати во моментов има три имиња. Најголем меѓу нив е Ерлинг Халанд.
Доколку се покаже дека ѕвездата на Манчестер Сити е недостапна за Барса, тие ќе се насочат кон Виктор Јокерес или Бенџамин Шешко.
Споменатите напаѓачи имаат голем вредност на пазарот, што значи дека Барселона мора да ги реши финансиските проблеми во кои се наоѓа во моментов, па дури потоа да размислува за евентуалниот трансфер.
Спорт
(Видео) Голманот на Бока Јуниорс тргна да се тепа со навивачите
Голманот на Бока Јуниорс, Серхио Ромеро, по поразот на домашен терен во Супер класико, влезе меѓу навиваѓите и имаше жестока расправија со нив.
Откако судијата означи крај на натпреварот, искусниот голман влезе на трибината. Настана хаос бидејќи некои навивачи го нападнаа додека други се обидуваа да ја смират ситуацијата.
Фудбалерите на Ривер Плата славеа во дуелот со Бока Јуниорс на гостински терен со 1:0, а единствениот гол на натпреварот го постигна Мануел Ланцини во 20. минута.
Бока можеше да дојде до еден бод, но голот на Милтон Хименез во седмата минута од судиското надополнување беше поништен поради играње со рака.
RIVER LE ROMPIÓ EL ORTO A BOCA EN SU CANCHA Y LOS HINCHAS SE PUTERON CON ROMERO JAJAJAJAJAJAJAAJAAJAJAJSJAJAJAJAJAJA
LES ARRUINAMOS LA VIDA Y LES ARMAMOS OTRO CABARET, HERMOSO
pic.twitter.com/d1KcfJJghT— SpiderCarp 🤟🏻🕷️ (@SpiderCarp23) September 21, 2024
Се појави видео на кое се гледа како голманот Ромеро, откако го кон него и соиграчите се упатени серија навреди влегува на трибината.
Додека дел од навивачите се обидуваа да го нападнат голманот, други се обидуваа да ја смират ситуацијата. Благодарение на интервенцијата на играчите и редарите, спречен беше поголем инцидент.
Este tipo no puede volverse a poner el buzo de arquero de Boca. pic.twitter.com/pVyTGjyJPY
— Nico Ambrogi ⭐️ 74 ⭐️ (@Nicoambrogi) September 22, 2024
Спорт
Спектакл на преполниот Вембли: Дубоа го нокаутираше Џошуа (ВИДЕО)
Британскиот боксер Даниел Дубоа ја задржа светската титула во ИБФ.
Пред 96.000 луѓе на стадионот „Вембли“ во Лондон, Дубоа со нокаут во петтата рунда го победи сонародникот и голем фаворит Ентони Џошуа.
Дубоа ја контролираше целата борба и неколку пати го собори противникот, чија кариера британските медиуми ја прогласија практично за завршена по „најубедливиот пораз во кариерата“. Ова беше негов четврти пораз во 32 борби, додека Дубоа има 22 победи (21 со нокаут) и два порази.
DANIEL DUBOIS HAS KNOCKED OUT ANTHONY JOSHUA!!! WHAT A PERFORMANCE!#JoshuaDubois #Boxingpic.twitter.com/By8gbt42rT
— Championship Rounds (@ChampRDS) September 21, 2024