Спорт
(Видео) Симеоне до Куртоа: Кога славиш гледај во тревата немој да провоцираш

Тибо Куртоа е најголемиот виновник за инцидентите поради кои на 15 минути беше прекинато градското дерби меѓу Атлетико и Реал.
Од таборот на Атлетико, го осудија потегот на дел од навивачите и посочија дека проблемите во градското дерби почнале кога Белгиецот бурно го прослави голот на Едер Милитао во 64.минута, а потоа продолжи со гестикулациите, што предизвика бес на трибината каде се наожаат ултрасите на Атлетико.
„За да не се повторуваат вакви работи треба да помогнеме. Вклучувајќи ги луѓе кои фрлаа запалки на теренот, исто како што се случи на дербито на стадионот „Сантијаго Бернабеу“, кога Куртоа бранеше за нас и беше погоден во главата. Тоа не беше во ред. А можеби ние како протагонисти не помагаме кога ги потценуваме луѓето. Ги навредуваме, ги провоцираме и потоа тие луѓе се лутат“, изјави Диего Симеоне, потсетувајќи на инцидентот од 2013 година кога Куртоа беше на спротивната страна, а навивачите на Реал го погодија во главата.
Courtois es muy de recibir mecherazos, ya le pasó en el Bernabéu en el 2013https://t.co/oTsBJSk5CP
— D. Eduardo de Atleti (@EduardoDeAtleti) September 29, 2024
„Народот нема друг начин да го изрази своето незадоволство освен на лош начин. Не е добро, сепак, мора да се погрижиме да ги смириме тензиите. Во ред е да се слави гол, но не мора да се слави со провокации кон трибините, со гестикулирање во насока на навивачите. Можете да гледате во тревата. Претпоставувам дека знаете дека луѓето се лутат. Тие не го прават тоа сами. Ние актерите им даваме причина. Секако, не го оправдувам однесувањето на нашите фанови, но не го оправдувам ниту првичното однесување на актерите, што доведе до ова. Мора да се признае, ние секогаш сме жртви“, подвлекува Чоло.
Courtois is the reason why the Atleti fans are going crazy. He provokes the club that gave him everything and then wonders about their reactionpic.twitter.com/dQXBtRxy42
— Jan (@FutbolJan10) September 29, 2024
Камерите го фатија Аргентинецот како доаѓа на трибините на паузата и бара од навивачите да се смират.
„Мораме да се обидеме да идентификуваме кои се овие луѓе, за да не се вратат на стадионот. Не ни требаат такви луѓе, туку луѓе кои ќе навиваат за тимот“, изјави тренерот на Атлетико.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Елмас се враќа под Везув – Наполи преговара со Лајпциг

Македонскиот репрезентативец Елиф Елмас ќе го напушти Лајпциг до крајот на преодниот рок. Според шепкулациите најголем интерес за Елмас покажува неговиот поранешен клуб Наполи.
Елмас во сезоната 2022/2023 беше дел од тимот кој по три децении ја врати титулата во Серија А, во градот под Везув. Таа сезона тој беше трет најобра стрелец во екипата.
Наполи отвори преговори со Лајпциг, но не за перманентен трансфер туку за позајмица, со право на откуп на договорот по завршувањето на сезоната.
Двете страни сега треба да ги договорат тие услови. Лајпциг ја одбиле орвата понуда од 1.500.000 евра за позајмицата и 11.500.000 евра за откуп на договорот.
Германскиот клуб бара 3.000.000 за позајмицата и близу 20.000.000 за откуп на договорот.
Foto/ EPA/MICHELE MARAVIGLIA
Спорт
Италијанските тренери сакаат Израел да биде исфрлен од сите натпреварувања

Асоцијација на италијанските фудбалски тренери (AИIAЦ) повика на суспензија на Израел од сите меѓународни фудбалски натпреварувања поради војната во Газа.
AИAЦ испрати писмо до Италијанската фудбалска федерација барајќи апелот го да проследат до ФИФА и УЕФА. Ова не е само симболична акција, туку неопходен избор, одговор на морален императив што го дели целиот раководен тим на AИАЦ, се вели во неа.
„Вредностите на човештвото, кои се основа на спортските вредности, нè принудуваат да се соочиме со акти на угнетување со ужасни последици. Можеме да се фокусираме само на играта, свртувајќи ги главите од теренот. Веруваме дека ова не е правилно. Има премногу невини смртни случаи. Меѓу нив има многу спортисти.
Ова е уште една причина за барање меѓународни контрамерки, вклучително и во нашиот сектор. Светот гори. Многу луѓе, како Палестинците, страдаат. Индиферентноста е неприфатлива“, соопшти AИАЦ.
Италија и Израел се во истата група во квалификациите за пласман на СП 2026. Првиот натпревар е закажан за 8 септември во Дебрецен, Унгарија, додека реваншот е на 14 октомври во Удине.
Минатиот октомври, овие две репрезентации играа во Удине во Лигата на нации, а средбата беше обележана со силни безбедносни мерки и протести.
Спорт
Невладини организации побараа Аргентина и Меси да го бојкотираат мечот со Ангола

Неколку невладини организации апелираа до фудбалската репрезентација на Аргентина и до Лионел Меси да се откажат од пријателскиот натпревар во Ангола откако 30 лица загинаа во протестите во Луанда минатиот месец. Пртестите се одржаа против зголемувањето на цените на горивата.
Анголската фудбалска асоцијација неодамна објави дека Аргентина треба да биде гостува во Луанда во ноември во чест на 50-годишнината од независноста на таа јужноафриканска земја. Сепак, Аргентинската фудбалска асоцијација (АФА) сè уште не потврди дека натпреварот ќе се одржи.
Во отворено писмо упатено до АФА, националниот тим и добротворната организација Фондација Лионел Меси, четири граѓански организации ги обвинија властите на Ангола за „систематска репресија“.
Организациите, исто така, повикаа на откажување на натпреварот откако 30 лица загинаа минатиот месец во протестите против зголемувањето на цените на горивата.
„Инвестирањето милиони долари во спортски настан додека илјадници луѓе страдаат од глад, додека болниците се уриваат, а репресијата се зголемува не е легитимен приоритет, тоа е навреда на човечкото достоинство“, осудуваат овие организации, повикувајќи го Меси да направи „храбар, етички и хуманитарен чин“, барајќи откажување на овој натпревар.
Ангола е еден од водечките производители на нафта во Африка, но околу една третина од населението од речиси 38 милиони живее во сиромаштија, според податоците на Светската банка.