Спорт
Јунајтед мора да издвои богатство за да се ослободи од Тен Хаг
Ерик тен Хаг ги доживува најтешките моменти откако го презеде кормилото на Манчестер јунајтед. По поразот од Тотенхем (0:3), јавноста речиси го отпиша Холанѓанецот, откако од претходно најголемиот дел од навивачите му го свртеа грбот.
Водечките аналитичари на островските медиуми се согласуваат дека Тен Хаг нема начин понатаму да го води тимот на Јунајтед и додаваат дека прашање на време е кога управата на клубот ќе му се заблагодари за соработката.
Тоа најверојатно нема да се случи до крајот на неделата, бидејќи Јунајтед има две тешки гостувања, во Лига Европа се соочува со Порто, додека викендот игра со Астон Вила.
Потоа следува репрезентативната тој период може да биде клучен особено ако не се претстави добро на тие натпревари.
Тен Хаг засега опстанува на функцијата, наводно има поддршка од сопственикот од Инеос и управата, но прашање е колку трпение ќе имаат.
„Дејли Телеграф“ пренесува дека ставот на клубот е дека поразот од Тотенхем е неприфатлив, но стојат зад менаџерот и играчите за да постигнат подобри резултати во следните натпревари.
Сепак, обложувалниците на островот драстично ги намалија шансите поранешниот менаџер на Ајакс да биде првиот отпуштен во Премиер лигата, од 8.00 на 1.50.
Направија и пресметки колку ќе го чини Манчестер јунајтед доколку тренерот добие отказ, откако тоа не се случи на крајот од минатата сезона кога многумина беа сигурни дека клубот ќе донесе таква одлука.
Наместо тоа, неговиот договор е продолжен до летото 2026 година, па разделбата сега би го чинела клубот 17,5 милиони фунти, наместо 10. милиони фунти што би му ги платиле доколку во јуни му го врачеа отказот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Олимписките игри останаа без три големи спонзори
Јапонската компанија Бриџстоун во вторникот објави дека нема да го обнови спонзорскиот договор за Олимписките и Параолимписките игри кога ќе истече оваа година.
Инаку од претходно беше познато дека спонзорствата нема да ги обноват Тојота и Панасоник.
Бриџстоун е партнер на Олимписките игри од 2014 година.
На овој начин Интернационалниот олимписки комитет ќе остане без трите главни спонзори.
Тојота е единствената која јавно објави дека не е задоволна од начинот на кој ИОК ги распределува средствата добиени на име спонзорство и дека овие пари не се користат на најдобар начин за поддршка на спортистите и промоција на спортот.
Бриџстоун, како и Панасоник, не излезе во јавноста со слични изјави. Токму спротивното.
Бриџстоун најави дека станува збор за прераспределба и промена на стратегијата на брендот кој сака повеќе да се фокусира на мотоспортот.
Спорт
Легендата на литванската кошарка го презеде националниот тим
Римас Куртинаитис е назначен за нов селектор на машката кошаркарска репрезентација на Литванија, пренесува „Баскетњуз“.
Куртинаитис го замени Казис Максвитис на функцијата. Максвитис поднесе оставка во јули откако не успеа да се квалификува за Олимписките игри во Париз.
Куртинаитис (64) беше назначен за тренер на Сабах на почетокот на годината, а претходно ги водеше Волвс, Химки, Лиетувос Ритас, Канта, Рига, Сласк, Сакалаи, Урал и Гала Баку.
На клупата на Литванија ќе дебитира во ноември на натпреварите против Македонија во квалификациите за ЕП 2025 година.
Спорт
Сестрата на Роналдо за Касано: Не знам кој е тој бедник
Поранешниот играч на Рома, Милан, Интер и Реал Мадрид, Антонио Касано, познат по директните и контроверзни изјави, неодамна го критикуваше Кристијано Роналдо.
Португалецот е единствениот играч во историјата на фудбалот кој ја надминал бројката од 900 гола на официјални натпревари, но тоа не го спречи Касано да дојде до заклучок дека „Роналдо не знае да игра фудбал“.
Поранешниот италијански репрезентативец (42) гостуваше во подкастот на „Viva el Futbol“ и го коментираше Роналдо.
„Кристијано Роналдо не знае да игра фудбал, може да постигне 3000 голови, не ми е гајле… Игуаин, Агуеро, Бензема, Левандовски, Ибрахимовиќ и Суарез знаат како да играат со остатокот од тимот, а единствената занимација на Роналдо е да дава голови.“
Овие зборови на Касано наиде на негодување кај многумина, меѓу кои и сестрата на Роналдо, Елма Авеиро. Што мисли за Касано, а што за нејзиниот брат, откри на Инстаграм.
„Не го познавам тој бедник и не ми е гајле за него. Ми велат дека бил фудбалер, мислам дека грешат. Беше собирач на топки. Но, ќе ви кажам една работа. Ако Кристијано не знае да игра и постигна 900 гола, само замислете што би било кога би знаел да игра“, напиша таа.