Свет
„Нека види јавноста како ме силуваат“: жената чиј сопруг организирал да биде силувана од 70 мажи побарала видеата од силувањето да бидат прикажани во јавноста
Француската судијка Роже Арата одлучи видеоснимката од силувањето на Жизел Пелико да им биде прикажана на новинарите и на јавноста во судницата.
Медиумите потсетуваат дека се работи за шокантен случај на силување организиран од нејзиниот сопруг, во кој учествувале повеќе од 70 мажи во текот на девет години, пренесува АП.
Пелико (71) стана симбол на борбата против сексуалното насилство во Франција и инсистира судењето да биде јавно, спротивно на предлогот на судот. Со помош на својот правен тим таа побара и снимките да бидат прикажани во јавноста бидејќи сака случајот да послужи како национален пример.
„Ова е единствен случај, немаме еден доказ за силување, туку стотици. Жизел Пелико смета дека шокот што ќе следува е неопходен за никој од обвинетите да не може да каже: „Не знаев дека е силување“, изјави адвокатот Стефан Бабоно, пишува АП.
Огромното мнозинство од обвинетите негираат вина за силување, а некои од нив дури тврдат дека нејзиниот сопруг ги принудил на секс со Жизел, на што се согласиле бидејќи биле преплашени. Некои тврдат дека верувале оти таа се согласила на сексуален однос или дека согласноста на нејзиниот сопруг била доволна.
Тимот за застапување на жртвата вели дека видеата говорат сами за себе.
Судијката Арата ја смени својата претходна одлука дека снимката ќе се прикажува само во одредени случаи и зад затворени врати. Досега новинарите и јавноста мораа секојпат да ја напуштаат судницата за време на прикажувањето на видеото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден: Никогаш нема да се откажам од напорите да ги вратам израелските заложници дома
Американскиот претседател, Џозеф Бајден, и потпретседателката, Камала Харис, го осудија Хамас на годишнината од нападите на терористичката група врз Израел и ја повторија посветеноста на нивната администрација да го зацементира договорот за прекин на огнот за прекин на борбите во Газа и Либан.
„Денеска, се одбележува една година жалост за повеќе од 1.200 невини луѓе од сите возрасти, вклучително и 46 Американци, масакрирани во јужен Израел од страна на терористичката група Хамас. Една година откако Хамас изврши ужасни сексуални дејства. И една година од катастрофалната војната“, рече Бајден, според соопштението на Белата куќа.
Тој рече дека секој ден размислува за повеќето од 100 заложници, кои сè уште се во заробеништво, за и нивните семејства.
„Стејт департментот никогаш нема да се откаже додека безбедно не ги вратиме сите преостанати заложници дома. Историјата исто така ќе го памети 7 октомври како мрачен ден за палестинскиот народ поради конфликтот што Хамас го почна тој ден. Нападот на 7 октомври извади на површина болни спомени, кои оставија милениуми на омраза и насилство врз еврејскиот народ, затоа станав првиот американски претседател што го посети Израел за време на војната, тогаш јасно му реков на народот на Израел: вие не сте сами.
Бајден додаде дека американскиот потпретседател и тој остануваат „посветени на безбедноста на еврејскиот народ, безбедноста на Израел и неговото право да постои“.
„Го поддржуваме правото на Израел да се брани од нападите на Хезболах, Хамас, Хутите и Иран. Минатата недела, под моја наредба, војската на САД повторно активно помогна во успешната одбрана на Израел помагајќи да се порази нападот на иранските балистички проектили“, рече претседателот на САД, пренесува „Танјуг“.
Тој силно го осуди насилниот пораст на антисемитизмот во Америка и во светот.
„Ова е неприфатливо. Сите ние мора да се бориме обединето против антисемитизмот и против омразата во сите форми. Израелците и Палестинците заслужуваат да живеат во безбедност, достоинство и мир. Исто така, продолжуваме да веруваме дека дипломатско решение е можно во текот на пограничниот регион на Израел и Либан и тоа е единствениот начин да се врати мирот и да им се овозможи на жителите од двете страни безбедно да се вратат во своите домови“, заклучи американскиот претседател.
Свет
Ердоган: Израел порано или подоцна ќе плати за геноцидот што го спроведува веќе една година
Турскиот претседател Реџеп Таип Ердоган денеска изјави дека Израел порано или подоцна ќе ја плати цената за, како што наведе, „геноцидот што го спроведува веќе една година“ во Појасот Газа.
Ердоган наведува дека овој геноцид не ги убива само Палестинците, туку и целото човештво.
„Како што Хитлер беше запрен од заедничката алијанса на човештвото, така и Нетанјаху и неговата мрежа на убиства ќе бидат запрени на ист начин“, рече Ердоган во изјавата на платформата X по повод годишнината од нападот на Хамас на југот на Израел и почетокот на војната во Појасот Газа.
Ердоган изјави дека жали за десетиците илјади убиени од израелската армија во една година во Појасот Газа и во Либан повторувајќи дека овие конфликти покажуваат дека меѓународниот систем не му служи на човештвото.
„Светот во кој нема одговорност за геноцидот во Газа нема да има мир. Турција ќе продолжи да се спротивставува на израелската влада и го повикува светот да ѝ се придружи“, рече Ердоган.
Денеска, се одбележува првата годишнина од терористичкиот напад на Хамас на југот на Израел на 7 октомври минатата година.
Хамас тој ден уби 1.200 луѓе и зеде околу 250 заложници, пренесуваат светските медиуми.
Според написите, во конфликтот меѓу Хамас и Израел што следуваше, повеќе од 41.820 Палестинци беа убиени во Појасот Газа, како и повеќе од 2.000 луѓе во Либан.
Регион
Злосторство во Тузла: мајка со чекан си ја убила ќерката, оставила две проштални писма
Незаборавно злосторство се случи во Босна и Херцеговина, пренесуваат локалните медиуми.
64-годишен маж, утринава, околу 1.15 часот во полициската станица ПС Центар пријавил дека во семејниот дом во Тузла го пронашол безживотното тело на 31-годишната ќерка.
Полицијата излегла на самото место и ги потврдила наводите од пријавата за што веднаш било известено Кантоналното обвинителство на Тузланскиот кантон, извести МУП ТК, пренесе „Аваз“.
„Во текот на истрагата е констатирано дека жената имала повреда во задниот дел на главата. Денеска ќе биде наредена обдукција за да се утврди точната причина за смртта“, изјави Адмир Арнаутовиќ, портпарол на Обвинителството ТК.
Според последните информации, како што пренесуваат тамошните медиуми, станува збор за кривично дело, кое, според првите индиции, најверојатно, го извршила мајката на 31-годишна девојка. На самото место истражителите пронашле две проштални писма, како и предметот со кој, сметаат истражителите, е извршено делото. Очигледно се работи за чекан.
Девојката која е убиена наводно била тешко болна.