Црна хроника
МВР: Труење е веројатната причина за смртта на мајката и ќерката од Слатино
Министерството за внатрешни работи заедно со Основното јавно обвинителство Тетово преземаат мерки и активности за расчистување на настанот во тетовското село Слатино, каде што вчера беа пронајдени починати мајка и дете.
Првичните сознанија од наредената обдукција упатуваат на труење како веројатна причина за смрт на лицата, па од починатите се земени примероци за дополнителни токсиколошки анализи со цел да се утврди причината за труењето.
Кај починатите не се пронајдени други траги на насилство.
Исто така, по наредба на јавен обвинител, ќе бидат земени примероци од крв и урина и од другите членови на семејството – татко и уште едно дете, со цел да се провери евентуално присуство на токсини и кај нив. Се преземаат и други мерки за целосно расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Осуденик нападнал полицаец во амбулантното одделение во затворот Идризово
СВР Скопје поднесе кривична пријава против З.П.(50) од Скопје.
Тој се сомничи за сторено кривично дело „напад врз службено лице при вршење работи на безбедноста“.
Имено на 23.05.2024 во амбулантното одделение во Казнено – поправната установа Затвор Идризово, пријавениот физички нападнал затворски полицаец при вршење службени дејствија.
Црна хроника
Нападнал полицаец кој се обидел да го спречи да побегне од затворот: кривична пријава за осуденик
СВР Скопје поднесе кривична пријава против А.А.(25) од Скопје.
Тој се сомничи за сторено кривично дело „спречување службено лице при вршење работи на безбедноста“.
На 15.03.2024, пријавениот физички нападнал затворски полициски службеник, кој се обидел да го спречи да побегне од казнено – поправната установа, каде издржувал затворска казна.
Црна хроника
Малолетник нападнат од соученици: се обиделе да извршат полово дејствие врз него
Синоќа во 20.00 часот во СВР Скопје, 44 – годишен маж од Скопје пријавил дека во периодот од 11.00 до 15.00 часот во двор на основно училиште на подрачјето на Ѓорче Петров, неговиот малолетен син бил физички нападнат од двајца негови соученици.
Малолетниците како што соопшти полицијата со тврд предмет се обиделе да извршат полово дејствие врз него.
Се преземаат мерки за расчистување на случајот, известија надлежните.