Регион
„Плачеше, викаше дека ја нема Данка“: таткото на убиеното девојче во Обвинителството раскажа за исчезнувањето на детето и за обвинетите
Во текот на истрагата за исчезнувањето на Данка Илиќ беа сослушани повеќе од 20 сведоци, а покрај обвинетите и сведоците, во Обвинителството беа сослушани и родителите на девојчето. „Телеграф.рс“ го објави сведочењето на таткото на Данка, Милош Илиќ.
Исчезнувањето на Данка било пријавено на 26 март, а таткото бил сослушан во Обвинителството на 17 април.
Тој рече дека на денот на нејзиното исчезнување бил на работа и работел на нива во местото Слатина, како и дека знаел оти сопругата Ивана треба да оди во Општината за да провери „нешто поврзано со детски додаток и дека мисли дека тоа било околу 10 часот“.
Тој рече дека не знаел колку е часот кога му се јавила сопругата да му каже дека со децата оди во Бањско Поле.
„Таму живееше додека не ѝ умре мајка ѝ. Не знам точно која година умре бидејќи јас и Ивана тогаш не бевме заедно. Околу 13.10 часот сопругата ми испрати фотографии од децата како си играат. Децата беа до автомобилот и мислам дека на сите фотографии беа и ќерката и синот“, рече тој и продолжи:
„Околу 13.40 часот ми се јави, плачеше и викаше дека Данка ја нема, а јас прашав зошто Данка ја нема. Таа рече дека зела шише од автомобилот за синот да пие вода и дека кога се свртела наоколу, Данка не била таму, ѝ реков да се јави во полиција и веднаш заминав од Слатина за Бањско Поле“, изјави тој во Обвинителството.
Тој рече дека не знае со која брзина стигнал до Бањско Поле бидејќи го возел колега во службено возило.
„Дојдовме на улицата каде што се наоѓа куќата на семејството на Ивана и во неа наидовме на автомобил ‘фиат панда’, колегата го запре автомобилот, го спушти прозорецот и двајцата прашавме дали виделе мало девојче во јакна во маслинесто-зелена боја, со врзана коса наназад. И двајцата одговорија дека не ја виделе. Не видов дали возилото има ознака ‘Водовод’. Мислам дека задните стакла на возилото беа затемнети и дека човекот што возеше е сед и ќелав, а сопатникот е постар маж со седа коса, така ми изгледаше“, додаде тој.
Рече дека биле под адреналин и дека го продолжиле патувањето кон куќата пред која неговата сопруга си играла со децата.
„Ѝ реков да остане со синот, а јас да ја барам Данка. Ивана рече дека го бара детето во дворот, а јас продолжив понатаму. Набргу дојде полициска патрола, а потоа засилување и ни забранија да се движиме затоа што тргнаа во потрага по Данка“, рече тој и потоа додаде:
„Ивана ми кажа следниот ден дека видела двајца мажи како стојат покрај капијата и гледаат нешто во дворот. Не ми кажа дека видела нешто друго, освен луѓе. Учествував во потрагата додека полицијата не ми рече да седнам во дворот за да не се наруши потрагата бидејќи донеле кучиња“, рече тој.
Тој рече и дека Данка е повлечено дете и дека најмногу била врзана за својот брат.
„Таа сакаше цуцли и розови ќебиња. Одеше на една година, имаше ситен од. Сакаше да гледа сè, да ползи под столот и масата, креветот… Таа не зборуваше, но знаеше да промрмори мама и брат“, рече тој.
„Секогаш го користевме слободното време да излеземе со децата за да си играме со топката. Ден пред да се случи ова, бевме во Зоолошката градина во Јагодина. Не забележав дека сака да биде со други луѓе, дури ни со мајка ми, која најмногу се грижи за неа. Некогаш сакаше да остане со неа, а некогаш не“, додаде тој.
Тој раскажа и дека децата најмногу ги чувале неговите родители.
Тој додаде дека тој и сопругата немаат непријатели и дека имале добар брак.
„Не ги познавам осомничените и никогаш не сум ги видел“, рече тој и дополнително го опиша изгледот на своето дете.
Претходно, српските медиуми го обелоденија и сведочењето на мајката на Данка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Бугарскиот премиер: Целта на Северна Македонија е членство во ЕУ, а не освојувaње на Вавилон
Бугарскиот премиер Росен Жељазков разговараше со претседателката на Република Македонија Гордана Силјановска за време на самитот на НАТО во Хаг, пишуваат бугарските медиуми.
„Ја побарав претседателката на Република Северна Македонија бидејќи ставот на Бугарија е дека РСМ треба да биде дел од ЕУ врз основа на сопствените заслуги“, рече Жељазков.
Тој потсети дека Бугарија строго се придржува до декларацијата од мај 2022 година. „Во оваа смисла, заштитата на правата на Бугарите во РСМ е од клучно значење за нас“, нагласи Жељазков.
Тој рече дека имал многу добар разговор со претседателката Силјановска.
„Разговаравме за човекови права, европски вредности. Разговаравме за фактот дека јазикот што го користат функционерите во двете земји треба да всадува пријателство, а не омраза. Ќе си дозволам една аналогија. Целта на нашите пријатели од РСМ не е да го преземат Вавилон, туку да влезат во ЕУ, што се базира на критериумите за членство“, рече Жељазков.
Регион
Жена почина откако ја каснала змија: прво фатално каснување по три децении во Словенија
80-годишна жена од регионот Горењска почина откако ја каснала змија поскок, што е прво фатално каснување од оваа отровна змија во Словенија во последните три децении, соопшти денес Клиничкиот центар во Љубљана.
Змијата ја каснала жената за раката, по што изгубила свест дваесет минути подоцна и починала на пат кон болницата и покрај обидите за реанимација.
Раководителот на токсиколошкиот центар на болницата, Миран Брвар, истакна дека каснувањата од змија во Словенија ретко се фатални. Минатата година, 24 лица биле лекувани, а седум пациенти добиле противотров во Љубљана, додека неколку од нив биле лекувани во Марибор, пренесува СТА.
Тој додаде дека смртоносните исходи обично ги погодуваат ранливите групи, како што се доенчиња или постари лица со постоечки здравствени проблеми, и дека Словенија има доволно залихи на противотрови за приближно 20 каснувања, кои се чуваат во Универзитетската болница Љубљана и Универзитетската болница Марибор.
Регион
(Видео) Пожарникарите се борат со пожарите во Грција трет ден по ред
Стотици пожарникари се борат со пожарите на грчкиот остров Хиос трет ден по ред. Пожарите опустошија големи површини шума и обработливо земјиште и принудија стотици жители да се евакуираат, откако на островот беше прогласена вонредна состојба.
Како што пишува „Ројтерс“, повеќе од 400 пожарникари, со помош на 14 хеликоптери и четири авиони, се распоредени на неколку локации на островот во североисточниот дел на Егејското Море.
State of emergency as wildfires ravage Chios #Greece forcing evacuations and power outages amid strong winds#Wildfire #Greek #Balkans #Europe #Chios #Crete #Island #Forestfire #Fire #Grassfire #summer #heatwave #Climate #Weather #Viral pic.twitter.com/mx0HtJhXuR
— Earth42morrow (@Earth42morrow) June 24, 2025
Хиос моментално е во средината на туристичката сезона, а властите се обидуваат да спречат пожари да ги зафатат областите познати по производството на мастика, природна смола добиена од мастикови дрвја.
Пожарникарите, жителите и волонтерите се бореа да го спречат ширењето на пожарот кон селото Агиос Ѓорѓиос Сикусис.
„Пожарот се приближи до куќите“, изјави за „Ројтерс“ локалниот жител Стаматис Зеонидис, но додаде дека волонтерите успеале да го држат пожарот настрана.
„Ситуацијата е многу тешка, има многу отворени фронтови и многу села“, рече волонтерот Андонис Микудис. „Ги напуштивме нашите работни места за да дојдеме тука. Веруваме дека ќе успееме да направиме нешто.“
„Сцените беа застрашувачки“, рече друг волонтер, Јоанис Псилос. „Но, фала му на Бога, сè ќе биде во ред и пожарот нема да се прошири подалеку јужно од Хиос.“
Грчките власти денес издадоа ново предупредување, советувајќи ги жителите на селата југозападно од Хиос, главниот град на островот, да ги напуштат своите домови.
The wildfires on the Greek island of Chios. So far 62,000 acres have already burned on the island #Greece #Wildfire #Keep1point5 @GeraldKutney @rhosking252 @MikeHudema @KeithMcNeill6 pic.twitter.com/Yd58lm3322
— Adebola TheClimateEduFeminist (@D_edufeminist) June 24, 2025
„Сè уште е потребна многу работа за да се стават пожарите под контрола“, изјави функционер на грчката противпожарна служба.
Тој додаде дека северните ветрови го отежнуваат гаснењето уште повеќе.
Грција, која се наоѓа на крајниот југ од Европа, често е погодена од пожари во текот на топлите и суви лета, но властите ги обвинуваат брзите климатски промени за сè поразорните пожари во последните години.
Мицкоски: Финансиската полиција за 9 месеци откри криминали од 30 милиони евра што е доказ дека расчистуваме со криминалот
Финансиската полиција за 9 месеци откри криминали од 30 милиони евра што е доказ дека расчистуваме со криминалот, и правиме...
(Видео) Арсовска: Според документите на Ганиу, 11-годишно дете ја изградило 12-катницата во Чаир и поднело барање на нотар, ова е криминал
Документи со 20 случаи за незаконски легализации на дивоградби во Општина Чаир се поднесени до Основното јавно обвинителство за гонење...
Од 1 јули целосна забрана за движење во шумите
Министерството за земјоделство, шумарство и водостопанство по барање на ЈП Национални шуми – Скопје, согласно член 57, став 3 од...
(Видео) Филипче до Мицкоски: За јазикот и идентитетот никогаш не се преговарало, тие се потврдени со документи во ЕУ
На денешната седница на пратенички прашања, претседателот на СДСМ Венко Филипче со предупредување до премиерот Мицкоски и Владата во врска...
Мицкоски до Филипче: Зошто преговаравте за македонскиот идентитет и јазик, ние ќе сториме сѐ да ја внесеме Македонија во ЕУ
Претседателот на Владата, Христијан Мицкоски на денешната собраниска седница за пратенички прашања потенцираше дека Владата ќе стори сѐ да ја...
Топлотни бранови низ целиот свет: „Многу е рано, не изгледа добро“
Поради неподносливата топлина, Торонто одлучи да ги држи своите градски базени отворени речиси до полноќ. Британците масовно бегаат кон брегот....
Синдикат на култура: Работници немаат добиено плата за мај, инструкции се даваат по телефон
Две институции од областа на културата, НУ Стоби и ЈУ Универзална сала, немаат плата за мај. Причината лежи во тоа...
Поднесено обвинение за таткото од Драчево кој ја тепаше крвнички неговата четиригодишна ќерка
Обвинителството поднесе обвинение против таткото од скопско Драчево кој крвнички ја тепаше неговата четиригодишна ќерка. „Обвинетиот, на 21 јуни, вршејќи...
Халкидики: Се удави 19-годишен турист од Северна Македонија
Деветнаесетгодишно момче од Македонија се удави во вторникот попладне на централната плажа во Ханиоти на Халкидики, објави halkidikinews. Според извештајот...
Белата куќа: Иран не го преместил збогатениот ураниум пред нападот
Администрацијата на американскиот претседател, Доналд Трамп, ја отфрли хипотезата дека Иран го преместил високо збогатениот ураниум пред американските напади. Доналд...
Бугарскиот премиер: Целта на Северна Македонија е членство во ЕУ, а не освојувaње на Вавилон
Бугарскиот премиер Росен Жељазков разговараше со претседателката на Република Македонија Гордана Силјановска за време на самитот на НАТО во Хаг,...
Сиљановска-Давкова: Куса средба со Трамп – симболичен гест на почит и партнерство
Претседателктата Гордана Сиљановска-Давкова на маргините на самитот на НАТО во Хаг се сретнала со американскиот претседател Доналд Трамп. „Кратка средба...
Институциите до работодавачите: Да се работи од далечина каде што е изводливо, работниците да не бидат надвор од 11 до 17 часот
Министерството за економија соопшти дека во согласност со усвоената Информација за спроведување на мерки од Фаза 3 на Акцискиот план...
Адвокатот на Ѓорчевски: Нема одговор зошто беше киднапирана и убиена Вања, и зошто се инсистираше татко и’ да е дел од постапката
Владимир Туфегџиќ – адвокатот на таткото на убиената Вања Ѓорчевска, Александар Ѓорчевски ја коментираше денешната ослободителна пресуда за неговиот клиент,...
Обвинителството ќе се жали на ослободителната пресуда за таткото на Вања
Обвинителството ќе се жали на ослободителната пресуда за Александар Ѓорчевски, татко на убиената Вања Ѓорчевска, кој беше обвинет дека помагал...
Трамп: Ако не ги уништeвме нуклеарните комплекси на Иран, тие никогаш немаше да се согласат на мир
Претседателот на САД, Доналд Трамп, на прес-конференција за време на самитот на НАТО во Хаг изјави дека американските воздушни напади...
Доживотен затвор за убиството на Вања и Панче, таткото ослободен од обвинение
Кривичниот суд пресуди доживотен затвор за Љупчо Палевски, Боре Видевски, Велибор Манев, Влатко Кешишов за грабнување и за убиството на 14-годишната Вања...
Белата куќа: Извештајот за нападот врз Иран на „Си-ен-ен“ му го даде анонимен губитник од низок ранг
Американските медиуми објавуваат дека првичната проценка направена од Агенцијата за разузнавање на Министерството за одбрана на САД (DIA) покажала дека...
Американски разузнавачки служби го открија извештајот: Нападите не ја уништија нуклеарната програма на Иран
Нападите на американската војска врз три ирански нуклеарни објекти минатиот викенд не ги уништија клучните компоненти на нуклеарната програма на...
Евакуирани македонски државјани од Израел, мајка и три деца слетаа во Атина
Министерството за надворешни работи и надворешна трговија информира дека вчера беше реализирана евакуација на четири македонски државјани, односно едно семејство...
