Топ
Уште еден возач побегна откако удри во пешак во Скопје
МВР соопшти за уште едн случај на сообраќајна несреќа со пешак во Скопје, која завршува со потрага по возачот на автомобилот.
Несреќата се случила на 15-ти месецов, а во полицијата било пријавено дури по десет дена, односно во текот на вчерашниот ден.
Според објавата на МВР, автомобил тогаш удрил во 48-годишен скопјанец на улицата Прохор Пчински, по што возачот со возилото го напуштил местото на настанот.
Во несреќата мажот се здобил со тешки телесни повреди, констатирани во Градската општа болница „Св.Наум Охридски“.
Се преземаат мерки за расчистување на случајот.
МВР и вчера јави за сличен настан, кога возач со автомобил удри во 75-годишен велосипедист во Скопје, па побегна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Членовите на Комисијата за помилување поднесоа колективна оставка
Членовите на Комисијата за помилување поднесоа колективна оставка, соопшти професорот Гордан Калајџиев.
„Ја известуваме јавноста за нашата колективна оставка од позициите членови на Комисијата за помилување. Оваа одлука ја донесовме во согласност со нашите лични и професионални принципи“, се вели во објавата на која стојат потписите на проф. д-р Методија Каневчев, Проф.д-р. Гордан Калајџиев, Проф.д-р. Арлинда Кадри Шахиновиќ, д-р. Зора Митиќ, М-р Ана Ѓорѓиева Ивановска, Ајтен Шаќири.
Oставките се случуваат откако помилувањата кои ги потпиша претседателката Гордана Сиљановска-Давкова предизвикаа бројни реакции во јавноста.
Меѓу помилуваните, најмногу прашина крена името на Акиф Бејадин Равмановски, за кого се пишуваше дека е припадник на скопскиот нарко клан Барон, но и еден од групата која само една седмица претходно, учествуваше во пукање во скопската населба Чаир, кога повреден беше скопјанец. Равмановски беше повторно приведен по објавата на помилувањата, и тоа на излегување од „Идризово“ за случајот со пукањето.
Meѓу помилуваните е и поранешниот градоначалник на Битола, Владимир Талевски, кој беше во затвор обвинет во случајот Транспортер и Маријан Ефремов првоосомничен во аферата Шпион. На листата се најде и Шенол Маслани од Арачиново, брат на познатиот Шенки Версаче, кој беше уапсен во голема акција кога полицијата заплени пушки, пиштоли, луксузни автомобили, пари и дрога.
Одлуките за помилување на осуденици, претседателот на државата ја носи по препорака на Комисијата за помилување, која е постојано работно тело во служба на претседателот.
Премиерот Христијан Мицкоски, претходно денес, одговарајќи на новинарски прашања ја обвини претходната владејачка гарнитура за случајот со Акиф Равманоски, коментирајќи дека тој е случај е од минатото, од претходната Влада, снесен како кукавичко јајце, коешто треба да имплодира во овој период. За опозициската СДСМ изјавата на Мицкоски е комична и во стилот „јас не сум од тука“.
Свет
Живот после напад
Жителите на Техеран денеска се занимаваа со секојдневните работи и покрај ноќните напади на израелската армија недалеку од иранската престолнина.
„Тоа не беше вистински напад“, рече Мусави, 57-годишен продавач на шафран во луксузна област во северен Техеран, пиејќи чај. Тој им кажа на новинарите за неговата 28-месечна служба во иранската армија за време на иранско-ирачката војна која траеше од 1980 до 1988 година.
„Не се плашиме од голема војна, но Иран во секој случај реагира“, вели Мусави.
Израел изврши серија прецизни напади врз воени цели, вклучително и капацитети за производство на ракети, ракетни системи земја-воздух и системи за противвоздушна одбрана, објави израелската армија.
Нападите се сметаат за реакција на иранскиот напад врз Израел на 1 октомври, кога врз еврејската држава беа истрелани речиси 200 балистички проектили.
Училиштата во Техеран денеска останаа отворени, а воздушниот сообраќај се одвива вообичаено. Иронично, иранската валута, ријалот, по неколкунеделен пад се зголеми во однос на еврото, пренесе „Индекс“.
Иранските државни медиуми тврдат дека израелските борбени авиони не успеале да навлезат во иранскиот воздушен простор и дека штетата била минимална.
Израел го послуша советот на Соединетите Држави да не го бомбардира иранскиот нафтен сектор или нуклеарните постројки, рече аналитичарот тесно поврзан со елитната иранска Исламска револуционерна гарда (ИРГЦ).
Тој додаде дека треба да се забележи дека иранскиот министер за надворешни работи Абас Арагчи претходно овој месец за време на турнејата низ земјите од Блискиот Исток изјави дека Иран не се стреми да ескалира конфликтот.
Сепак, конечната одлука нема да ја донесе владата, туку врховниот водач Али Хамнеи и ИРГЦ.
Иранското општество е навикнато на кризи и тешки економски околности. Многу жители на Техеран денеска, како и обично, вежбаат во градските паркови и покрај нападите. Некои слушнале за нив дури потоа.
„Воопшто не го забележав нападот синоќа“, рече 20-годишниот студент по архитектура, додавајќи дека не се плаши од „напад од Израел, бидејќи знае дека нивните цели се воени и не се насочени кон населението.
Свет
(Видео) Објавени снимки од израелскиот напад врз Иран
Објавени се снимки од синоќешниот напад врз воени локации во Иран во три бранови воздушни напади.
Израелската војска соопшти дека нападите биле насочени кон стратешки воени локации, вклучително и фабрики за производство на беспилотни летала и балистички ракети, како и противвоздушни батерии.
„Иран ги осудува израелските напади на своја територија и има право и должност да се брани“, соопшти иранското Министерство за надворешни работи.
На социјалните мрежи беа објавени снимки од израелскиот напад.
Експлозиите одекнаа во Техеран, а иранските власти ги уверија своите граѓани со пораки дека „воздушната одбрана работи“. По нападот, иранската армија извести дека во нападите загинале двајца војници.
Footage claimed to be of Explosions heard within the Iranian Capital of Tehran. pic.twitter.com/0QhPwpPP4z
— OSINTdefender (@sentdefender) October 26, 2024
Intense Air Defense Activity including Surface-to-Air Missiles and Anti-Aircraft Guns seen over Tehran, as Israeli Strikes against Iranian Military Targets continue. pic.twitter.com/weNWlKjL87
— OSINTdefender (@sentdefender) October 26, 2024
Iranian Air Defenses continuing to do absolutely nothing in the Sky over Tehran. pic.twitter.com/8TNjwjFl5q
— OSINTdefender (@sentdefender) October 26, 2024
The first video footage of Israel’s strikes on Iran has emerged. According to The Jerusalem Post, the Israeli army, the IDF, has launched a second wave of attacks.
The newspaper also claims that Israel used more than 100 warplanes in the attack, including the American model F-35… pic.twitter.com/cAU6wXq9GI
— Ignorance, the root and stem of all evil (@ivan_8848) October 26, 2024