Свет
Камала Харис го повика Трамп да направи тест за интелигенција
Демократската кандидатка Камала Харис денеска изјави дека е подготвена да направи тест за ментални способности и го покани нејзиниот републикански ривал, поранешниот американски претседател Доналд Трамп да го стори истото.
„Секако. Го предизвикувам да го стори истото. Мислам дека тој всушност станува сè понестабилен, тој навистина нема план за американскиот народ“, рече Харис во интервју за CBS на прашањето дали ќе го направи тестот и што мисли на забелешките на Трамп кон неа.
Таа посочи на бројни поранешни високи функционери на администрацијата на Трамп кои зборуваа против него во последните недели како доказ дека тој е „неспособен да биде претседател на Соединетите Американски Држави“.
„Не ме слушајте мене, слушајте ги луѓето кои најдобро го познаваат. Неговите поранешни шефови на кабинет. Неодамна, маринскиот генерал Џон Кели со 4 ѕвезди. Слушајте ги двајцата поранешни секретари за одбрана кои работеа за него, послушајте го неговиот советник за национална безбедност, слушајте го неговиот потпретседател, кои, на еден или друг начин, велеа дека не е способен повторно да биде претседател, дека никогаш не треба да биде повторно претседател и дека е опасен“, рече Харис.
Харис во последните денови беше на удар на критиките за нејзините коментари за Трамп, вклучително и дека го нарече „фашист“, од највисоките републиканци во Конгресот, кои ја обвинија дека повикала на нов обид за атентат врз поранешниот претседател. Потпретседателката изјави за CBS News дека го осудува „секое политичко насилство од кој било вид врз некого“.
Харис претходно го објави медицински извештај во кој нејзиниот лекар Џошуа Сајмонс потврдил дека политичарката е во одлична здравствена состојба еден месец пред претстојните претседателски избори во ноември.
Трамп претходно изјави дека Харис има „многу низок коефициент на интелигенција“ и ја повика да направи тест за интелигенција. Поранешниот претседател објасни дека неговата ривалка во интервју за американскиот новинар Андерсон Купер не може да даде директни одговори на наједноставните прашања, што јасно укажува дека „нешто не е во ред со неа“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин до западните земји: Се надевам дека ме слушнаа
Москва формулира начини како да одговори доколку западните земји и дозволат на Украина да нападне длабоко на руска територија, користејќи оружје со долг дострел донирани на Киев од САД, рече Владимир Путин.
Рускиот претседател му рече на рускиот новинар Павел Зарубин дека се надева дека западните земји ги послушале неговите претходни изјави за давање зелено светло на Украина да користи оружје со долг дострел и цели во Русија.
„Не ми кажаа ништо за тоа, но се надевам дека ме слушнаа“, рече Путин.
„Затоа што, се разбира, и ние ќе треба да донесеме некои одлуки за себе“, додаде Путин.
„Њузвик“ потсетува дека до сега, и покрај бројните апели, на Украина не и беше дозволено да користи западно оружје со долг дострел за напади длабоко на руска територија. Наместо тоа, Киев доби зелено светло да користи западно оружје со краток дострел за одбрана од непосредни закани.
Сепак, Украина користи беспилотни летала со долг дострел за да изврши напади врз руските воздушни бази, складишта за муниција и рафинерии за нафта кои се стотици милји оддалечени од границата со Украина, според медиумот.
Се потсетува дека САД и го доставија на Украина својот воен тактички ракетен систем ATACMS, кој има дострел од околу 200 милји, додека Велика Британија и Франција испратија крстосувачки ракети „Storm Shadow“ кои се лансираат од воздух и имаат дострел од 155 милји. .
Свет
Зеленски: Украина ќе биде принудена да се бори против Северна Кореја
Украинскиот претседател Володимир Зеленски изјави дека Украина ќе биде принудена да се бори против севернокорејските војници доколку влезат во конфликтот.
Во вечерното обраќање објавено на Телеграм, Зеленски рече дека севернокорејските сили може да се појават на бојното поле „секој ден“.
„Украина ќе биде принудена всушност да се бори против Северна Кореја во Европа. Ова се условите кога немањето цврсти одлуки од страна на партнерите за поддршка на Украина само го охрабрува Путин дополнително да инвестира во теророт“, рече Зеленски, пренесува „Бизнис инсајдер“.
Зеленски, исто така, ги повика западните сојузници да го засилат притисокот врз Русија, велејќи дека очекува поголема поддршка.
Претходно оваа недела, Зеленски рече дека украинското разузнавање очекува севернокорејските трупи да бидат распоредени во борбените зони уште на 27 или 28 октомври, нарекувајќи го тоа „јасна ескалација од страна на Русија“.
Одбранбената разузнавачка служба на Украина во неделата објави дека Русија почнала да транспортира севернокорејски војници на фронтот.
Во извештаите на Националната разузнавачка служба на Јужна Кореја минатата недела, Северна Кореја се подготвува да испрати илјадници војници во Русија за да ги поддржи силите на рускиот претседател Владимир Путин, пренесува медиумот.
И САД и НАТО подоцна потврдија дека имаат докази за севернокорејски трупи во Русија.
Портпаролот на Белата куќа, Џон Кирби, оваа недела изјави дека САД веруваат дека Северна Кореја испратила најмалку 3.000 војници во источна Русија, каде што биле на обука.
„Ако севернокорејските трупи навистина влезат во кавгата, овој развој на настаните ќе го покаже растечкиот очај на Русија во војната против Украина“, рече Кирби.
Регион
(Видео) Се насука траект со повеќе од 500 патници во Грција
Траект кој патувал меѓу грчкиот остров Крф и градот Игуменица, со 550 патници и 16 членови на екипажот, се насука денеска на северозападот на земјата, пренесуваат медиумите во регионот.
Траектот се насука ма четири наутички милји (седум километри) северозападно од Игуменица.
Крајбрежната стража и туристички брод се на терен, а на пат се и три реморкери и дополнителна поддршка, објави Катимерини.
Траектот „Агиа Теодора“ кој плови на релација Крф-Игуменица се насука во плитки води, но надлежните велат дека нема закана за безбедноста на патниците, според написите во медиумите.
Според последните информации во тој дел на Грција временските услови се мирни.