Четиригодишниот Хадис е изгубен во населбата Ченто во Скопје, а неговите родители на социјалните мрежи бараат помош од граѓаните за да го пронајдат.

Според информациите на платформите, момчето последен пат било видено во близина на слаткарницата „Делиција“ во Ченто.

Облечен е во зелени алишта и носи црвени патики.

„Апел до сите кои можеби го виделе Хадис или имаат какви било информации, да се јават на телефонскиот број 078 912 545“, се вели во објавата на социјалните мрежи.

Во текот на минатата ноќ екипите на ЈП „Комунална хигиена“ – Скопје реализираа низа активности за чистење на Старата скопска чаршија. Во рамките на активностите беше извршено и рачно метење и чистење на пешачкиот мост лоциран на самиот влез на Чаршијата (поранешна Стоковна куќа „Мост“), каде што се подигнати и приближно два кубни метра непрописно одложен отпад, извести „Комунална хигиена“ – Скопје.

ЈП „Комунална хигиена“ – Скопје и во претстојниот период ќе продолжи да спроведува засилени активности за одржување на максималното ниво на хигиената и чистотата на Старата скопска чаршија, која претставува една од најпосетените туристички атракции на градот Скопје, се додава во соопштението.

Од ЕВН Македонија АД известувааат дека без електрична енергија ќе останат:

· Од 09:00 до 12:00 часот, корисниците од дел од ул.Србија 1 (опш.Аеродром);

· Oд 09:00 до 13:00 часот, дел од потрошувачи на ул. Скупи, дел од објектите околи сервис Олимпико (опш.Карпош);

Од 09:00 до 15:00 часот, корисниците од дел с.Орешани (опш.Зелениково).

Од ЈП Водовод и канализација – Скопје, известуваат дека:

· поради реконструкција на водоводна мрежа на ул. Стогово, прекинато водоснабдување од 09:00 часот до завршување со работните активности ќе имаат корисниците од истата улица.

· поради дефект на затворач ф-80 мм на ул. Киро Крстевски Платник 21, прекинато водоснабдување од 09:00 часот до завршување со работните активности ќе имаат корисниците на дел од истата улица и дел од ул. Апостол Гусларот.