Македонија
Мицкоски: Очекувам до Нова година да биде потпишан договорот за гасниот интерконектор со Грција
Претседателот на Владата на Република Северна Македонија Христијан Мицкоски, денеска ја посети Стопанската комора за информатички и комуникациски технологии – МАСИТ. После настанот одговарајќи на новинарско прашање што планира Владата во сегментот инвестиции во патиштата коишто се добредојдени за економијата, а посочува бизнис секторот како едно од големите ветувања во патната инфраструктура информираше дека се работи секојдневно на реализацијата на капитални инвестиции од овој тип.
„Да, затекнавме една летаргична, целосна недисциплина целосна во делот на реализација на овој тип на капитални инвестиции и можете да забележите дека се работи секојдневно се работи и во доцните ноќни часови буквално имаме една прилично амбициозна агенда. Со задоволство можам да кажам дека до крајот на годината патниот правец којшто е дел од Коридорот 8, експресниот пат којшто ги поврзува местата Чатал-Длабочица и Крива Паланка т.е. Страцин-Крива Паланка за оние коишто кој што почесто патуваат кон тој дел на државата ќе биде готов и веднаш почнуваме проектирање за делницата Куманово-Чатал односно Куманово-Страцин и со тоа ќе го затвориме тој потег на експресен пат. Потоа, можам исто така со задоволство да кажам дека делот од Коридорот 8 којшто ги поврзува Кичево со Охрид после седумгодишна летаргија и стагнирање не само што е откочен, туку веќе и некои дванаесетина километри во потегот на местото Песочен се асфалтирани од едната страна на коловозот и очекувам да почетокот на новата туристичка сезона од Арбиново практично до Охрид тој дел да биде пуштен. Со исклучок на неколку километри во делот на село Ботун, бидејќи имаме таму свлечиште коешто треба а биде санирано. Во суштина на 16 свлечишта но, ова некако е најголемо, а очекувам до крајот на 26-та година тоа што го ветивме од Кичево да се поврземе до Охрид комплетно“, изјави премиерот.
Премиерот подвлече дека Владата веќе има отпочнато со теренските активности, нагласувајќи дека избрале да работат, а не да водат политика во делот на реализацијата на Коридорот 8.
„Видовте дека отпочнавме со теренските активности и избравме да работиме, а не да водиме политика во делот на реализација на Коридорот 8. Патно поврзување помеѓу Гостивар и Буокојчани. Отворен е фронтот некои 12 до 16 километри. Решени имотно-правни односи, со расчистена траса. Се работи на терен. Пред недела две, имавте можности вие односно пред една недела тоа имаа можност медиумите тоа да го видат. Исто така и на патниот правец којшто е дел од Коридорот 10, долж којшто ги поврзува Прилеп и Битола и тука веќе имаме отворен фронт од осум километри, благодарение на Армијата. Деминиран комплетно решени имотно правни односи и веќе се работи ова теренски. Потегот Градско, Градско-Фариш, до Нова година ќе биде пуштен, а потегот Дреново-Фариш има една карпа којашто треба да се отстрани и малце ќе има тука задоцнување. До крај март, април но, очекувам и тој потег да биде да биде завршен. Така што имаме задвижување и реализација на капитални проекти коишто не биле до сега реализирани очекувам првата секција од пругата што е дел од Коридорот 8, Куманово на Куманово- Бељаковце да биде завршена до Нова година. Бељаковце Крива Паланка за жал има доцнење и не знам тука треба малку да видиме што ќе правиме со изведувачите, затоа што тој втор дел ни е битен за да влеземе во третиот дел. Во третиот дел добро е што конечно од страна на нашиот источен сосед имаме желба да се заврши тој потег, тунелот заеднички поврзување со националниот со националната пруга на Бугарија и на тој начин вистински да станеме и патен, односно транспортен и железнички Коридор и или хаб или раскрсница како сакате“, објасни тој.
Овој месец завршува и тендерирањето за гасниот интерконектор со Грција. До Нова година како што рече премиерот очекува да се потпише договорот.
„Од друга страна до 20 ноември завршува тендерирањето за интерконекторот гасниот интерконектор со Грција. Очекувам до Нова година да се потпише договор и тој интерконектот да се заврши веќе да работиме на северниот интерконектот со Србија. Така што буквално на сите страни се работи“, истакна премиерот Мицкоски.
Премиерот Мицкоски меѓу другото нагласи и дека е започната реализацијата на проектите преку општините, очекува до 15 ноември да се потпишат уште договори за проекти.
„Започна оваа реализација на проектите преку општините преку општините таму имаме повеќе од 2,1- 2,2 милијарди денари за патна инфраструктура за општините. Булевари, улици итн. итн. потпишани со општините до овој момент. Очекувам до 15-ти тие што требаше да додадат, да додадат и уште плус, да се потпишат договори. И очекувам новиот тендер на новиот јавен повик февруари-март да биде објавен, да имаме уште неколку милијарди инвестиции за патната инфраструктура во општините. Така што тоа ни е приоритет и тоа ни е начин како можеме да си ја развиваме државата, нема друг значи тоа е единствениот начин како ќе ја развиваме“, рече премиерот Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Муртезани од Берлин: Пристапните преговори мора да бидат заштитени од билатерални условувања
Министерот за европски прашања, Орхан Муртезани, работната посета на Берлин ја започна со средба со државниот министер за Европа на Сојузна Република Германија, Гинтер Крихбаум.
Муртезани му честиташе на министерот Крихбаум за неговото неодамнешно именување, посакувајќи му успех кој ќе се рефлектира позитивно не само на Германија, туку и на Европа и Западен Балкан.
Тој исто така изрази благодарност за континуираната германска поддршка и пријателство, подвлекувајќи ја важната улога на Германија во процесот на европската интеграција на Северна Македонија, особено за принципиелниот пристап на Берлин во заштитата на европските вредности и одвојувањето на билатералните прашања од пристапниот процес, како што беше потврдено и за време на германското претседателство со Советот на ЕУ во 2020 година.
Во фокусот на разговорите беа прашањата поврзани со евроинтегративниот процес при што заеднички беше констатирано дека трансформативната моќ на европската интеграција може да се реализира единствено преку пристап базиран на заслуги, кој ќе овозможи јасна и опиплива перспектива за граѓаните на земјите-кандидати.
Муртезани нагласи дека европскиот проект не може да биде целосен без интеграцијата на Западниот Балкан и дека реформите, владеењето на правото и усогласувањето со европските вредности се услов без кој не може да се напредува, но и дека Унијата мора паралелно да обезбеди сопствена институционална подготвеност за проширување.
Министерот Муртезани ја поздрави германската поддршка за постепена интеграција на земјите-кандидати во ЕУ, со зачувување на критериумите и европските стандарди, но и со обезбедување конкретни придобивки за граѓаните уште во текот на пристапниот процес.
Во контекст на актуелните предизвици на пристапниот процес, министерот Муртезани укажа дека процесот на проширување треба да остане заштитен од билатерални блокади и ревизионистички наративи, односно, дека е неопходно воспоставување ефективни европски механизми за воведување и мониторинг на европските стандарди и експертиза, особено во доменот на историските и билатерални прашања, со цел да се обезбеди правичност и предвидливост на патот кон членството. Во таа насока, беше потенцирана важноста од зајакнување на европските инструменти за надзор, како гаранција за кредибилитетот на евроинтегративниот процес.
Македонија
(Видео) Лефков: „Братот“ на Заев и „љубави“ на Стево, Бојко Борисов се пофали дека го избришал идентитетот и јазикот
„Братот на Заев и љубави на Стево, Бојко Борисов се пофали дека го избришал идентитетот и јазикот. ‘Бојко љубави, те поздрави Зоки’ дипломатијата на СДС ја доведе Македонија до бришење на македонскиот идентитет и јазик од Резолуцијата на ЕП“, вели Миле Лефков, пратеник и член на ИК на ВМРО-ДПМНЕ.
„Откако Бојко Борисов вчера се пофали дека лично го изработил предлогот за бришење на македонскиот идентитет и јазик се поставува прашањето каква е улогата на СДС, на Зоран Заев и Венко Филипче во сето тоа?
Особено треба да имаме во предвид дека Зоран Заев за Борисов велеше дека му е брат, а Стево Пендаровски му пренесуваше поздрави на Борисов од Заев ословувајќи го Бојко љубави.
Дополнително истиот тој Зоран Заев велеше дека македонскиот народ и бугарскиот се исти, и дека зборуваат ист јазик.
Кога ќе се земе сето ова во предвид, се поставува логичното прашање, дали СДС, Зоран Заев и Венко Филипче лично стојат зад предлогот за бришење на македонскиот јазик и идентитет од Резолуцијата на ЕП?
И истите овие структури, СДС и бугарските печурки во Македонија како Андреј Жерновски, ја напаѓаат Владата на ВМРО-ДПМНЕ и претседателот Христијан Мицкоски.
Се е целосно јасно. Жално е што СДС наместо да ги искористат своите позиции за да лобираат за Македонија тие ги штитат бугарските интереси“, соопшти Миле Лефков, пратеник и член на ИК на ВМРО-ДПМНЕ.
Македонија
„На СДС и Тренчевска, кои пензионерите ги донесоа на работ на егзистенција, им смета зголемувањето на пензиите од 7.000 денари за 18 месеци“, реагира ВМРО-ДПМНЕ
„На СДС и Јованка Тренчевска, како поранешна министерка за труд и социјална политика, им смета растот на пензиите на сите пензионери. Откако за седум години власт СДС и Тренчевска пензионерите ги донесоа на раб на егзистенција, сега се против тие да го добијат заслуженото“, реагира ВМРО-ДПМНЕ на прес-конференцијата на Јована Тренчевска.
„Уште се свежи сеќавањата како пензионерите низ цела држава протестираа со празни тегли, покажувајќи му на владата на СДС дека пензиите кои таа им ги дава не им стигаат, дури ни за зимница да си направат, а не пак да купат готова.
СДС и Тренчевска може да се противат колку сакаат, пензионерите со Владата предводена од ВМРО-ДПМНЕ ќе го добијат заслуженото кое им беше ускратено изминатите седум години.
Пензионерите сега веќе имаат партнер во оваа Влада која ги слуша им ги решава проблемите, им го вреднува вложениот труд и прави се тие достоинствено да живеат во нивната трета доба.
За таа цел, само за 18 месеци пензиите на сите пензионери линеарно ќе се покачат за 7.000 денари.
За неполна година Влада на ВМРО-ДПМНЕ, пензиите веќе се зголемија за пет илјади денари, а од септември и март следи друго покачување од по илјада денари.
СДС сега нега седи и нека гледа како растат пензиите.
Разликата е огромна. Со владата на ВМРО-ДПМНЕ за 18 месеци пензиите се зголемија за седум илјади денари, додека со СДС на власт пензиите пораснаа за 0 денари“, се додава во реакцијата на ВМРО-ДПМНЕ.
Муртезани од Берлин: Пристапните преговори мора да бидат заштитени од билатерални условувања
Министерот за европски прашања, Орхан Муртезани, работната посета на Берлин ја започна со средба со државниот министер за Европа на...
„Никој не е поштеден“: Деца и лекари умираат од глад во Газа
Палестинските новороденчиња умираат затоа што нивните мајки од глад го губат млекото. Дури и медицинските лица кои се обидуваат да...
(Видео) Огромен пожар беснее на Кипар, две лица загинаа
Две лица загинаа во огромен шумски пожар што беснее на јужен Кипар, а стотици се евакуирани бидејќи пожарите уништуваат домови...
(Видео) Се урна патнички авион во Русија
Авион „ан-24“ на „Ангара ерлајнс“, со најмалку 40 патници, се урна во руската област Амур, на далечниот исток од земјата....
Кривична против градоначалникот на Крива Паланка и двајца вработени во Општината: ја злоупотребиле службената положба
СВР Куманово поднесе кривична пријава против К.П.(59), М.К.(41) и С.М.(38), сите од Крива Паланка, поради постоење основи на сомнение за...
Британија и Индија ќе потпишат трговски договор: пониски царини за виски и автомобили
Обединетото кралство и Индија ќе потпишат договор за слободна трговија во четврток, за време на посетата на индискиот премиер Нарендра...
Украинците по преговорите: Зеленски би се сретнал со Путин утре доколку може
Русија и Украина ги исполнија сите хуманитарни договори постигнати за време на втората рунда разговори во Истанбул минатиот месец, изјави...
(Видео) Најмалку 10 пожарникари и спасувачи загинаа во пожар во Турција
Најмалку десет пожарникари и спасувачи загинаа, а 14 припадници на службите за итни случаи и шумарски работници се повредени при...
Претежно сончево и многу топло, максималната температура до 42 степена
Времето денеска ќе биде претежно сончево и многу топло. Ќе дува слаб до умерен ветер од променлив правец. Минималната температура...
(Видео) Акција во мотел во Тетово: Приведено лице за проституција, повреден е полицаец
Полициски службеници од СВР Тетово спречија трагичен крај на млада девојка и истовремено приведеа маж под сомнение за посредување во...
Ангелов ги замоли газдите на викендички да се заштитат од пожари: Со мотокултиватор или трактор нека изораат мек појас околу дворовите
Директорот на Дирекцијата за заштита и спасување, Стојанче Ангелов, апелира сопствениците на викендички и куќи надвор од градските средини да...
Околу 500 невработени се пријавиле да гаснат пожари за 24.000 денари месечно, огласот истекува денес
Денес истекува огласот за владината мерка за справување со пожарите на кој се бараат 400 невработени за помош при гаснењето...
Грција ја повтори поддршката за ЕУ интеграцијата, со порака за почитување на Преспанскиот договор
Поддршката од Грција за европскиот пат на Северна Македонија останува силна, но придружена со порака за целосна имплементација на Преспанскиот...
Гаши имал интестинална опструкција на тенкото црево, неговата состојба е стабилна, соопшти МЗ
Министерството за здравство информира дека претседателот на Собранието, Африм Гаши е во стабилна здравствена состојба. Тој околу полноќ бил хоспитализиран...
(Видео) Талески: Одбиени сите амандмани на СДСМ, пратениците на ВМРО-ДПМНЕ заложници на Тошковски
На денешната седница на собраниската комисија, пратениците на ВМРО-ДПМНЕ ги одбија сите амандмани поднесени од страна на СДСМ на измените...
Претседателот на Советот за надзор на ревизијата од државни пари плаќал хотели, ресторани и патувања во странство
Основното јавно обвинителство за гонење организиран криминал и корупција поднесе обвинителен предлог против едно лице, на кое му се става...
Уапсен 71-годишен маж, предизвикал два пожара во Демиркаписко
Полицијата уапси 71-годишен маж кој предизвикал пожари во Демиркаписко. Според информациите на МВР, вчера во 18 часот полициски службеници го...
„Компании за техника наводно нудат модерни телефони преку внатрешна програма поради оштетена амбалажа, ова е лажна објава“, МВР предупредува за измама на социјалните мрежи
Министерството за внатрешни работи ги информира граѓаните дека во последните денови актуелна е лажна објава на социјалните мрежи во која...
(Фото) Пронајдени автомобилски гуми, картон и суви гранки подготвени за палење: спречен уште еден обид за подметнување шумски пожар
Вчера попладне под Царев Врв на Осоговските Планини, на 2000 метри надморска височина, во месноста наречена Алтн врв, место на...
Рускиот парламент усвои закон со кој се казнуваат корисниците за пребарувања на интернет
Русија сè повеќе го ограничува слободниот пристап до интернет, а медиумскиот регулатор „Роскомнадзор“ неодамна го блокира пристапот до 56.000 веб-страници,...
