Со возбудливи трки, драматични пресврти и неверојатни настапи тркачката сезона 2024 во Европскиот твинго-куп официјално е завршена!

По неколку месеци интензивна конкуренција, висококвалитетни перформанси и напнатост на секој круг, сезоната 2024 ни донесе незаборавни моменти. Печати од неизвесни финиши, неверојатни брзински резултати, тимски стратегии кои ќе се паметат долго време и успешни настапи на најпознатите тркачки патеки во Европа, со нашиот единствен претставник, Бојан Петрушевски кој во оваа сезона влезе полн со страст и стремеж кон совршеност.

Европскиот Твинго Куп 2024 се покажа како една од највозбудливите и најконкурентните тркачки серии, која собра многу добри возaчи од цела Европа. Овој шампионат беше полн со адреналински моменти, каде секој круг претставуваше нов предизвик, а секоја грешка имаше висока цена.

🏆 Резултати и успех на европските патеки за Бојан Петрушевски:

🚗 13-15.04.2024 – Варано, Италија Првиот натпреварувачки викенд во Варано започна успешно за Бојан Петрушевски. Во конкуренција од 20 возачи, на патеката Riccardo Paletti, Бојан го имаше најбрзиот круг во првата трка, каде што го освои 5-тото место, додека втората трка ја заврши на пиедесталот и го зема 3-то место. Започна силно, демонстрирајќи својата брзина и стратегија.

🚗 26-28.04.2024 – Балатон Парк, Унгарија На патеката во Balaton Park, Унгарија, Петрушевски продолжи со одличните резултати. Два пати искачувајќи се на пиедесталот. Во првата трка, заврши 3-ти, а во втората трка успеа да го освои 2-ро место. Овие резултати го поставија на врвот на генералниот пласман по четвртата трка во Euro Twingo Cup, како лидер во конкуренција на 30 возачи!

🚗 02-04.08.2024 – Мост, Чешка Трката во Мост, Чешка, донесе вистински пресврт. По излетувањето во првата трка, Петрушевски стартуваше 25-ти во втората трка. Сепак, со неверојатно темпо и храброст, успеа да се искачи на 5-то место, претекнувајќи 20 натпреварувачи. Со овој резултат, Бојан го зазеде 3-то место во генералниот пласман, што беше одлучувачки момент за натамошните трки.

🚗 18-20.10.2024 – Муџело, Италија На предпоследниот натпреварувачки викенд, во Муџело, Италија, Бојан Петрушевски го имаше својот најсилен настап. Неверојатниот финиш на втората трка во која за прв пат сезонава се разменуваа позиции во последните метри.

На оваа трка се појавија и тројца други македонски возачи: Марко Блажевски, Мурис Хамзиќ, и дебитантот Стефан Тренески, кои се натпреваруваа во конкуренција од 22 возачи од цела Европа.

Во првата трка, Петрушевски заврши на 4-то место, додека во втората трка беше во водство цела трка, но на последните метри, по неверојатен пресврт, заврши на 5-то место, борејќи се сам до последниот метар. Причината за овој пад во резултатите беше одлуката на друг македонски возач, кој, на жалост, избраа да помогне на противникот, наместо на својот сограѓанин Петрушевски.

🚗 08-10.11.2024 – Мисано, Италија

На последната одлучувачка трка од оваа сезона, која се одржа на познатата патеката Marco Simoncelli во Misanо, Италија, напнатоста беше присутна од почеток до крај, но не донесе среќа за нашиот претставник Бојан Петрушевски. По неуспешно завршување на првата трка, втората трка ја стартува од предпоследната 21ва позиција. Неговата храброст, одлични тркачки перформанси, стратегија и брзина беа клучни да за само 4 круга престигне 15 возачи, да го направи најбрзиот круг и фати ред со првата група на возачи.

Оваа трката беше исполнета со напети двобои помеѓу лидерите на генералниот пласман, но пресвртниот момент се случи кога Полјанец и Грм се заплеткаа во инцидент на патеката, што беше пресуден за Петрушевски директно да се удри во нив и да се преврти со возилото и стави крај на оваа трка.

🏆 Шампионите на сезоната 2024 заслужуваат посебни честитки! Возачите кои успеаја да се издигнат на врвот, меѓу кои на нашиот претставник Бојан Петрушевски ги покажаа своите возачки способности, темпо, храброст и стратегија, победувајќи во најпрестижните и најтешките етапи на шампионатот. Но, како и секогаш, ова не беше само борба на возачите, туку и на тимовите кои со неверојатна прецизност и организација го поддржаа секој момент од трката.

После неколку месеци напната конкуренција на најпознатите европски стази, Матич Преша ја потврди својата доминација и стана шампион на Twingo Eurocup 2024. Неговата храброст, стратегија и брзина беа клучни за овој успех.

🎉 Twingo Eurocup 2024 – Краен пласман:

1. Матич Преша (Словенија)- 202

2. Ник Полјанец (Словенија)- 184

3. Лука Грм (Словенија)- 161

4. Зал Резар (Словенија)- 144

5. Бојан Петрушевски (Македонија)- 131

💥 Резултати од сезоната за Петрушевски:

· По 5 возбудливи викенди и 10 трки (3 не завршени) на најпознатите европски патеки, нашиот претставник Петрушевски не само што ја претставуваа Македонија, туку и покажа извонредни индивидуални перформанси, нереална храброст и држење на нервите со големи надмудрувања во најкритичните моменти, борејќи се со најдобрите во Европскиот Твинго Куп.

· Бојан Петрушевски беше лидер во генералниот пласман по четвртата трка, дури три пати да се искачи на пиедесталот од вкупно 7 завршени трки, а на крајот на сезоната заврши на 5-тата позиција, без оглед на непредвидливите случувања во последната трка.

🌟 Македонска гордост во Euro Twingo Cup! 🌟 Иако сезоната не заврши со посакуваната титулата, успешниот настап на Бојан Петрушевски во Euro Twingo Cup е значаен за македонскиот моторспорт. Нашиот возач докажаа дека може да се натпреваруваат со најдобрите, а неговата борба и резултати не поминаа незабележано. Сезоната 2024 ќе биде запамтена како уште една успешна страница во историјата на македонскиот автомобилски спорт!

🔜 Што следи? По оваа историска сезона, погледите се веќе насочени кон новите предизвици. Во 2024, Twingo Eurocup покажа дека европскиот моторспорт е исполнет со адреналин, непредвидливи моменти и навистина извонредни таленти. Следните сезони се уште понеизвесни и предизвикувачки, но се повеќе и повеќе македонски возачи се појавуваат на европската сцена, носејќи со себе дух на победа и желба за напредок. Со нетрпение очекуваме што ќе ни донесе сезоната 2025, но до тогаш, не заборавете: Европскиот Твинго Куп не застанува и секоја нова сезона носи нови шанси и нови предизвици, а нашите амбиции не застануваат тука!

(ПР текст)

Поранешниот фудбалер на Барселона, Андрес Иниеста денеска изјави дека тој и неговата компанија „Никогаш не вели никогаш“ станале сопственици на данскиот фудбалски клуб Хелсингер.

Иниеста за дневниот весник „Хелсингер“ и за данскиот телевизиски канал „ТВ 2“, изјави дека тој и неговата компанија го купиле најголемиот дел од акциите на данскиот клуб во соработка со швајцарската компанија „Стоневег“.

„Почнавме да работиме со Хелсингер бидејќи тоа е неверојатно возбудлив клуб со навистина добри капацитети, многу добри луѓе во и околу клубот и потенцијал да станеме важен дел од данскиот фудбал“, изјави Иниеста.

Директорот на Хелсингер, Бо Бај Хугор, за данскиот портал „Болд“ во септември изјави дека се надева дека Иниеста ќе го купи клубот, откако неговата компанија им давала консултански услуги минатото лето.

Хугор ќе продолжи да ја извршува функцијата генерален директор на клубот, а Иниеста и директорот на Стоневег, Жауме Сабате се очекува да бидат присутни на натпреварот на Хелсингер против Ишој ИФ во втората лига на Данска во петок.

Клубот не објави ништо за продажбата.

„Никогаш не вели никогаш (Never Say Never)“ е шпанска компанија која меѓу другото се занимава со комуникации, маркетинг и консалтинг, а во основањето помогна и Иниеста, кој стана активен дел од компанијата откако ја заврши својата кариера минатиот месец.

Фудбалскиот клуб Хелсингер, кој е основан во 2005 година, е седми на табелата во втората лига на Данска со 19 бодови.

Иниеста (40) со Барселона, за која одигра 674 натпревари и постигна 57 гола, четири пати ја освои Лигата на шампионите (2006, 2009, 2011, 2015 година), додека со шпанската репрезентација освои две европски првенства (2008, 2012) и Светското првенство во 2010 година.

Дејвид Кут продолжува да ги полни насловните страници на англиските таблоиди.

Суспендираниот фудбалски судија, кого пријател го „излажа“ пред камера да признае што мисли за Јирген Клоп, овојпат се соочува со уште посериозни обвинувања кои дефинитивно може да му ја запечатат професионалната кариера.

Медиумите на Островот добија видео долго осум секунди споделено на „WhatsApp“, на кое наводно се гледа како Кут „шмрка“ кокаин за време на овогодинешното Европско првенство во Германија.

Кут беше повикан на ЕУРО како специјалист за ВАР, но не судеше, туку си ја вршеше работата од ВАР собата.

Кога беше суспендиран поради навреда на поранешниот менаџер на Ливерпул, но и на самиот тим на „црвените“, судијата од Нотингемшир во своја одбрана рече дека снимката е лажна.

Ќе биде интересно да се слушне неговото објаснување за тоа кој е човекот со завитканата банкнота од американски долар и линијата бел прав на масата.

Oh no, David Coote caught doing cocaine, he's really is finished as a referee!

The video is apparently from the 2024 Euros where he was officiating 😳pic.twitter.com/OEnrTMtSu1

— Football Hub (@FootbalIhub) November 13, 2024