По повод Европската недела на ХИВ тестирање и месецот на машкото здравје, ХЕРА – Асоцијација за здравствена едукација, под мотото „Тестни се“.

Прегледај се бесплатно, доверливо и безбедно“ им овозможува на сите заинтересирани граѓани во периодот 18-23 ноември бесплатно и доверливо да се тестираат за ХИВ и други сексуално преносливи инфекции во Младинскиот Центар „Сакам да знам“ на Водно.

„Истражувањата покажуваат дека една од најголемите пречки за справување со ХИВ е доцната дијагноза, затоа превенцијата и раното откривање на ХИВ се клучни. Со раното откривање на ХИВ и навремениот третман, целосно се спречува  ризикот од понатамошно пренесување на инфекцијата по сексуален начин. Антиретровирусната терапија покрај тоа што им овозможува на лицата со ХИВ да живеат долго и квалитетно, е ефективна превенција на ХИВ, бидејќи го намалува вирусот на недетектибилно ниво, а со тоа оневозможува натамошен пренос.  Резултатите се доверливи и се добиваат за само 20 минути, а услугите вклучуваат и тестови за други сексуално преносливи инфекции како сифилис, гонореја и кламидија“, велат од ХЕРА.

Ноември е месец на грижата за машкото здравје и затоа посебно ги охрабруваме сексуално активните момчиња и мажи да се обратат во Младинскиот Центар „Сакам да знам“ кој се наоѓа на ул. „Елисие Поповски Марко“ бр.2, од 18 до 23 ноември секој работен ден од 15 – 18ч. и сабота од 12 -15ч.

Термин за бесплатно тестирање можете да закажете на телефонскиот број 02/ 3176 – 950, или онлајн на следниов линк: https://hera.org.mk/onlajn-zakazuvanje-pregled/

„Европската недела на ХИВ тестирање, која ќе се одржи од 18 до 25 ноември, им нуди на партнерите низ Европа единствена можност да се обединат за да ја зголемат свеста за придобивките од раното тестирање за ХИВ, хепатитис и СПИ кај оние кои се изложени на ризик и да промовираат зголемен пристап до тестирање. Оваа иницијатива нуди бесплатни, анонимни и доверливи тестирања за ХИВ на различни локации низ државата“, додаваат од ХЕРА.

На Универзитетската Клиника за гинекологија денеска ќе се одбележи Светскиот ден на предвремено родените бебиња. На прес-конференцијата ќе се обратат директорка на Клиниката за гинекологија и акушерство, проф. д-р Ирена Алексиоска Папестиев, заменик министерот за здравство Јовица Андовски и клинички неонатолог педијатар.

Како што соопшти Министерството за здравство, на настанот ќе бидат презентирани новата статистика за прематуритетот и ќе се најави набавка на нов транспортен апарат за вентилација на превремено родените, воведување на нов бесплатен скрининг за трудници, како и промоција на нов водич за родители на превремено родените бебиња.

Времето денеска ќе биде студено со појава на магла по одделни котлини. Преку денот сончево и претежно тивко со мала до умерена локална облачност.

Минималната температура ќе биде во интервал од -8 до 1, а максималната ќе достигне од 8 до 14 степени.

Во Скопје наутро студено со услови за појава на магла. Преку денот сончево со мала локална облачност и претежно тивко.

Минималната температура ќе се спушти до -3, а максималната ќе достигне до 11 степени.

До средината на следната работна недела времето ќе биде стабилно со студени утра. По котлините ќе има појава на утринска магла или ниска облачност, а дневните температури ќе бидат за неколку степени повисоки.

Нов влажен бран кој најпрвин ќе биде проследен со засилен јужен ветер се очекува да започне во среда кон крајот на денот.