Русија лансираше околу 120 проектили и 90 беспилотни летала во „масовен“ комбиниран воздушен напад врз енергетската инфраструктура на Украина, изјави украинскиот претседател Володимир Зеленски.

-Целта на непријателот беше нашата енергетска инфраструктура низ Украина. За жал, има оштетувања на објектите од ударите и паѓањето на остатоците, напиша тој во изјавата на социјалните мрежи.

Рускиот воздушен напад во Украина во раните утрински часови денеска предизвика „сериозна штета“ на опремата на термоцентралите на најголемиот приватен снабдувач со енергија во Украина, ДТЕК, соопшти компанијата.

Во објавата на ДТЕК на социјалните мрежи се додава дека тимовите на компанијата работат на поправка на оштетената опрема, но не е прецизирано што точно било погодено.

Супер-тајфунот Ман-ји, кој зајакнува и може да има „потенцијално катастрофално“ влијание врз Филипините, денеска стигна до брегот на архипелагот и предизвика бранови високи до 14 метри, според податоци од метеоролошката служба.

Повеќе од 650.000 луѓе беа евакуирани. Во општина Катандуанес, во областа Бикол, ветровите достигнаа брзина од 195 км/ч, објави националната метеоролошка агенција.

Милиони луѓе се загрозени од супер-тајфунот, кој е шеста голема бура што ги погоди Филипините за еден месец.

Во претходните бури загинаа најмалку 163 луѓе, илјадници останаа без покрив над главата, а беа уништени посевите и добитокот.

Властите го повикаа населението да ги послуша предупредувањата и да побара засолниште од невремето.

Тело на обезглавена жена е пронајдено денеска во новосадската населба Телеп, пренесува Танјуг. Нешто пред 12 часот ќерката повикала полиција и рекла дека брат и ја нападнал нејзината мајка.

По пристигнувањето полицијата го пронашла синот со траги од крв на рацете и безглавото тело на мајката кое било далеку од телото. Убиената е родена 1947 година, додека осомниченит за убиството е роден 1977 година и имал психички проблеми.

На лице место се спроведува истрага, а присутен е и обвинител на Вишото јавно обвинителство во Нови Сад.

Од полициската управа во Нови Сад за Танјуг потврдиле дека се случило убиство и дека синот е уапсен, но повеќе детали не се откриваат.