Во текот на изминатата ноќ, во паркот во Капиштец, малолетни лица обиле багер, го ставиле во функција и предизвикале штета на паркирано возило. Дополнително, уништени се каблите за системот за наводнување и направена е значителна материјална штета. Полицијата веднаш изврши увид и ги презема сите мерки за утврдување на одговорноста.

Градоначалникот Горан Герасимовски апелира до родителите да разговараат со своите деца за сериозноста последиците на ваквото однесување.

„Преминати се сите граници! Оштетен е јавен и приватен имот. Нарушена е безбедноста и јавниот ред. Не смее да се дозволи уништување на јавниот и приватен имот. Ваквото однесување мора да запре пред да се случи и нешто полошо. Повикувам на свест и одговороност“, порача Герасимовски.

Овој инцидент доаѓа неколку месеци по обивањето и кражбата на општинскиот комунален пункт во Капиштец, како и по уништувањето на реквизитите на детските игралишта.

Општина Центар, во текот на летото, објави видео снимки доставени од граѓани, на кои се гледаат сцени на деструкција, дивеење и загрижувачко однесување на млади лица на јавен простор во истата населба.

Градоначалникот тогаш побара засилено присуство на полицијата на терен. По вчерашниот инцидент, Герасимовски повторно потсетува дека безбедноста зависи од заедничкиот ангажман на граѓаните, Министерството за внатрешни работи и локалната самоуправа.

„Клучно е да соработуваме и комуницираме за да се спречат ваквите инциденти. Само со заедничко залагање ќе имаме мирни населби и сигурен живот за нашите граѓани“, додаде Герасимовски.

Порталот 4News објави видео-снимка од безбедносна камера на која, како што се наведува, е прикажан момент од детонацијата на експлозивната направа пред домот на Раде Трајковски-Штекли.

На објавената снимка, може да се види како лицето се движи во дворот од куќата со своето куче, во моментот кога излегува од портата се гледа чад, датумот на снимката е 14.11.2024 г., а времето што е прикажано е 9:16 часот наутро.

Пред неколку дена во утринските часови била фрлена бомба во двор во скопската населба Ќерамидница, е повреден беше Раде Трајковски – Штекли.

Во 2021 година Штекли беше уапсен во Белград поради тогашното поврзување со убиство извршено во Македонија. За него имаше распишано и меѓународна потерница. Кон Штекли лани во април во трговскиот центар Ист гејт мол, беа регистрирани два обид за негова ликвидација. Можно е ова да е нов обид за негово ликвидирање, но се работи на случајот и детали засега не се откриваат.

Најмалку осум лица загинаа, а 17 се ранети вчера кога дваесет и едногодишен студент изврши напад во источниот кинески град Вукси, соопшти локалната полиција. Нападот бил извршен со нож.

Засега нема повеќе детали за масовното убиство.